മസ്​ജിദുൽ ഖുബാഅ്​ മുഴുസമയം നമസ്​കാരത്തിന്​ തുറന്നിടും

മദീന: മസ്​ജിദുൽ ഖുബാഅ്​ മുഴുസമയം നമസ്​കാരത്തിന്​ തുറന്നിടാനുള്ള സാധ്യതകളെ സംബന്ധിച്ച്​ പഠനം നടത്താൻ സൽമാൻ രാജാവ്​ നിർദേശിച്ചു.
മദീന ഗവർണർ അമീർ ഫൈസൽ ബിൻ സൽമാനാണ്​ ഇക്കാര്യം അറിയിച്ചത്​​. ബന്ധപ്പെട്ട വകുപ്പുകളുമായി ചേർന്ന്​ ഉടനെ ഇതിനാവശ്യമായ നടപടി സ്വീകരിക്കും. റബീഉൽ അവ്വൽ ആദ്യം മുതൽ തീരുമാനം നടപ്പിലാക്കുമെന്നും ഗവർണർ പറഞ്ഞു.
ബുധനാഴ്​ച സൽമാൻ രാജാവ്​ മസ്​ജിദുൽ ഖുബാഅ്​ സന്ദർശിച്ചിരുന്നു.