ഗാന്ധിജി വിഭാവനം ചെയ്​ത നേതൃഗുണം സഹിഷ്​ണുത -ശോഭന രാധാകൃഷ്​ണ​

റിയാദ്​: എല്ലാ മതസമൂഹങ്ങൾക്കും നേതാക്കൾക്കും സഹിഷ്​ണുത ഉണ്ടാവണമെന്ന്​​ ​മഹാത്മ ഗാന്ധി നിഷ്​കർഷിച്ചിരുന്നതായി​ ന്യൂഡൽഹിയിലെ ഗാന്ധിയൻ ഫോറം ഫോർ എത്തിക്കൽ കോർപ്പറേറ്റ്​ ഗവേണൻസ്​ മേധാവി ശോഭന രാധാകൃഷ്​ണ. മഹാത്മഗാന്ധിയുടെ 150ാം​ ജന്മദിന വാർഷികം പ്രമാണിച്ച്​ ഇന്ത്യൻ എംബസിയും റിയാദ്​ കിങ്​ ഫൈസൽ സ​​െൻറർ ഫോർ റിസർച്ച്​ ആൻഡ്​ ഇസ്​ലാമിക്​ സ്​റ്റഡീസ​ും സംയുക്തമായി സംഘടിപ്പിച്ച പ്രഭാഷണ പരിപാടിയിൽ സംസാരിക്കുകയായിരുന്നു അവർ. റിയാദ്​ കിങ്​ ഫൈസൽ ഫൗ​ണ്ടേഷൻ ഒാഡിറ്റോറിയത്തിൽ നടന്ന പരിപാടിയിൽ കിങ്​ ഫൈസൽ സ​​െൻററിലെ റിസർച്ച്​ സ്​കോളർ യഹ്​യ അൽസഹ്​റാനി അധ്യക്ഷത വഹിച്ചു.

‘സമകാലിക ലോകത്ത്​ മഹാത്മാഗാന്ധിയുടെ നേതൃപാടവത്തി​​​െൻറ പ്രസക്തി’ എന്ന വിഷയത്തിൽ ശോഭന രാധാകൃഷ്​ണ പ്രബന്ധം അവതരിപ്പിച്ചു. ​20ാം നൂറ്റാണ്ടിലെ ഏറ്റവും ശ്രേഷ്​ഠനായ രാഷ്​ട്രീയ നേതാവായിരുന്നു ഗാന്ധിജിയെന്ന്​ അവർ പറഞ്ഞു. ലോകനേതാക്കൾ അദ്ദേഹത്തെ മാതൃകാപുരുഷനായി കണ്ടു. അദ്ദേഹത്തി​​​െൻറ ആശയങ്ങളിൽ അവരെല്ലാം ആകൃഷ്​ടരായിരുന്നു. ഗാന്ധിജി ചിന്തിക്കുന്നത്​ എന്തോ അതാണ്​ അദ്ദേഹം പ്രവർത്തിച്ചിരുന്നത്​. ഒബാമയെ പോലുള്ള പുതിയ നേതാക്കളും ഗാന്ധിജിയെയാണ്​ മാതൃകയാക്കുന്നത്​. പ്രശ്​നങ്ങളുണ്ടാവു​േമ്പാൾ അത്​ സംബന്ധിച്ച്​ ആഴത്തിൽ പഠിച്ച്​ വേണം പരിഹാരം കാണാനെന്ന്​ ഗാന്ധിജി നിഷ്​കർച്ചിരുന്നു. അതായിരുന്നു അദ്ദേഹത്തി​​​െൻറ മാതൃക. യുദ്ധം ഒന്നിനും പരിഹാരമല്ലെന്നും ഗാന്ധിജി ശക്തിയുക്തം പറഞ്ഞിരുന്നു.

മതസമൂഹങ്ങൾക്കിടയിൽ സഹിഷ്​ണുത ഉണ്ടാ​വേണ്ടത്​ ലോകസമാധാനത്തിന്​ ആവശ്യമാണ്​. ഖുർആനും ബൈബിളും ഗീതയും ഒരേ ആശയസംഹിതയാണ്​ മുന്നോട്ടുവെക്കുന്നത്​. ഇൗ വേദഗ്രന്ഥങ്ങളെല്ലാം ലോകസമാധാനത്തിന്​ വലിയ മുതൽക്കൂട്ടാണ്​. മുസ്​ലീങ്ങളുമായി ഹൃദയബന്ധമാണ്​ ഗാന്ധിജി സൂക്ഷിച്ചിരുന്നത്​. സബർമതി ആശ്രമത്തിൽ ഇപ്പോഴും ഒാരോ ദിനവും പുലരുന്നത്​ മറ്റ്​ വേദഗ്രന്ഥങ്ങൾക്കൊപ്പം ഖുർആനും പാരായണം ചെയ്​തുകൊണ്ടാണ്​. ഗാന്ധിജി ഏറ്റവും ദുഃഖഭരിതനായത്​ ഇന്ത്യാവിഭജനത്തിലാണ്​. ഹൃദയം പിളർത്തുന്നതായിരുന്നു അദ്ദേഹത്തിന്​ ആ വെട്ടിമുറിക്കൽ എന്നും ശോഭന രാധാകൃഷ്​ണ കൂട്ടിച്ചേർത്തു. പ്രഭാഷണത്തിന്​ ശേഷം സദസ്യരുടെ ചോദ്യങ്ങളോട്​ അവർ പ്രതികരിച്ചു. സൗദി പൗരപ്രമുഖരും വിദ്യാഭ്യാസ വിചക്ഷണരും​ വിവിധ രാജ്യങ്ങളുടെ നയതന്ത്രപ്രതിനിധികളും അംബാസഡർ അഹമ്മദ്​ ജാവേദി​​​​െൻറ നേതൃത്വത്തിൽ ഇന്ത്യൻ മിഷൻ ഉന്നതോദ്യോഗസ്​ഥരും പ്രവാസി ഇന്ത്യൻ പ്രതിനിധികളും പരിപാടിയിൽ പ​െങ്കടുത്തു.