ജുബൈലിലും വർണവിസ്​മയം

ജുബൈൽ: സൗദി ദേശീയദിനത്തിൽ ജുബൈലിലും ആകാശത്ത് വർണവിസ്മയം. ജുബൈലിശൻറ വിവിധ ഭാഗങ്ങളിൽ കരിമരുന്നു പ്രയോഗം നടന്നു. ജുബൈൽ ബീച്ച്, ഫാനാതീർ, നക്കീൽ എന്നിവിടങ്ങളിലാണ് കലാപരിപാടികളും കരിമരുന്നു പ്രയോഗവും അരങ്ങേറിയത്. ബീച്ചിനു സമീപത്തെ പാർക്കിൽ കുട്ടികളുടെ കലാപരിപാടികൾ നടന്നു. പത്തുമണിക്ക് കരിമരുന്നു പ്രയോഗം തുടങ്ങി. തുടർന്ന്​ മുതിർന്നവരുടെ പരമ്പരാഗത നൃത്തം അരങ്ങേറി. ദേശീയ ദിനം ആഘോഷിച്ച് യുവാക്കൾ വാഹനങ്ങൾ അലങ്കരിച്ചും പതാക പറത്തിയും വീഥികൾ കീഴടക്കി. ലുലു ഹൈപ്പർ മാർക്കറ്റിൽ മലർവാടി ചിത്രരചനാ മത്സരവും സ്വദേശികളുടെ വക പരിപാടികളും നടന്നു.