ഹഫർ കെ.എം.സി.സിയുടെ ഇടപെടൽ: യു.പി സ്വദേശി നാടണഞ്ഞു

ഹഫർ അൽ ബാത്വിൻ: രണ്ടു വർഷം മുമ്പ്​ ഹൗസ് ഡ്രൈവർ വിസയിൽ എത്തി മരുഭൂമിയിൽ ആട് മേയ്ക്കൽ ൃജാലി ലഭിച്ച യു.പി ലക്നൗ സ്വദേശി ലക്ഷ്മി പ്രസാദ്​ ഹഫർ കെ. എം. സി. സി യുടെ ഇടപെടലിൽ നാടണഞ്ഞു. മരുഭൂമിയിൽ ശമ്പളമോ കൃത്യമായ ഭക്ഷണമോ ലഭിക്കാതെ കഷ്​ടപ്പെട്ട ലക്ഷ്മി പ്രസാദി​​​െൻറ സ്​പോൺസറുമായി ബന്ധപ്പെട്ട്​ ഹഫർ കെ.എം. സി. സി സെക്രട്ടറി ബാബ മഞ്ചേശ്വരം ബന്ധ​െപ്പട്ട്​​ പ്രസാദിന് കൊടുക്കാനുള്ള ശമ്പളം ഒരു മാസത്തിനകം കൊടുക്കാൻ ആവശ്യപ്പെട്ടു. എന്നാൽ ഒരു മാസം കഴിഞ്ഞിട്ടും ശമ്പളം ലഭിക്കാത്തതിനെ തുടർന്ന് സ്​പോൺസറെ വീണ്ടും വിളിച്ചെങ്കിലും ഹാജരാവാത്തതിനാൽ കേസ് കോടതിക്ക് കൈമാറി.

ഇതിനിടെ പ്രസാദി​​​െൻറ ഒൻപതു വയസ്സുള്ള മകളെ കണാതായതിനാൽ മാനസികമായി ഏറെ വിഷമത്തിലായ വിവരം കോടതിയുടെ ശ്രദ്ധയിൽപ്പെടുത്തിയതിനാൽ കേസ് വളരെ വേഗം പരിഗണിക്കുകയും ചെയ്തു. തുടർന്ന് കോടതിയുടെ നിർദേശപ്രകാരം പ്രസാദിന് കൊടുക്കാനുള്ള 16000 റിയാൽ സ്​പോൺസറിൽ നിന്ന്​ നിന്ന്​ വാങ്ങി നൽകി. ഇതിനിടെ ഹുറൂബാക്കപ്പെട്ടതിനാൽ തർഹീലിൽ നിന്നും എക്സിറ്റ്​ വാങ്ങി പ്രസാദ് നാടണഞ്ഞു. ത​​​െൻറ പ്രശ്നത്തിൽ കാര്യക്ഷമമായി ഇടപെട്ട എംബസി ഓഫീസർ റഹീസ് ആസാമിനും ഹഫർ കെ. എം. സി. സിക്കും ലക്ഷ്മി പ്രസാദ് ഹൃദ്യമായ നന്ദി അറിയിചാണ്​ മടങ്ങിയത്​.