സൗദി ദേശീയദിനത്തിൽ രണ്ട്​ ഗിന്നസ്​ റെക്കോർഡുകൾ തകരും

റിയാദ്​: ഇത്തവണ സൗദി അറേബ്യയുടെ ദേശീയദിനം ലോകശ്രദ്ധ പിടിച്ചുപറ്റും. സൗദി അറേബ്യയുടെ സ്ഥാപക വാർഷിക ദിനമായ സെപ്​റ്റംബർ 23ന്​ രണ്ട്​ ഗിന്നസ്​ റെക്കോർഡുകൾ തകരും. 88ാം ദേശീയദിനം രാജ്യം ആഘോഷിക്കുന്നത്​ ഗിന്നസിൽ രണ്ട്​ പുതിയ റെക്കോർഡുകൾ എഴുതിച്ചേർത്ത്​ കൊണ്ടായിരിക്കും.
മാനത്തെ മലരണിയിക്കുന്ന ഒമ്പത്​ ലക്ഷം കരിമരുന്നുകളുടെ പ്രയോഗമാണ്​ ഒരു റെക്കോർഡ്​. രാജ്യത്തെ 13 പ്രവിശ്യകളിലായി 58 ഇടങ്ങളിൽ നടക്കുന്ന വെടിക്കെട്ടിൽ ഒമ്പത്​ ലക്ഷം കരിമരുന്നുകൾ പ്രയോഗിക്കും. ഇത്​ ലോക റെ​േക്കാർഡാണ്​. ഇതിന്​ മുമ്പ്​ ലോകത്ത്​ ഒരിടത്തും ഒരേസമയം ഇത്ര വലിയ കരിമരുന്ന്​ പ്രയോഗം നടന്നിട്ടില്ല. തൊടുത്തുവിടുന്ന കരിമരുന്ന്​ ​ആകാശത്ത്​ സൗദി ദേശീയ പതാകയുടെ ഹരിത വർണം വിരിക്കും.

ഇൗ ഹരിത പശ്ചാത്തലത്തിൽ 300 ഡ്രോണുകൾ ലേസർ രശ്​മികൾ കൊണ്ട്​ ഷഹാദത്ത്​ കലിമയും അതിന്​ ചുവടെ രാജ്യമുദ്രയായ വാളും വരയ്​ക്കും. ഇതാണ് രണ്ടാമത്തെ ഗിന്നസ്​ റെക്കോർഡ്​. ആകാശത്ത്​ തെളിയുന്ന ഒരു രാജ്യത്തി​​​െൻറ ഏറ്റവും വലിയ ദേശീയ പതാകയായിരിക്കും ഇത്​.

ആഘോഷപരിപാടികൾക്കായി വിവിധ സർക്കാർ വകുപ്പുകളും ഭരണകൂടവും കൈകോർത്തുകൊണ്ട്​ സമഗ്ര പരിപാടികളാണ്​ ആസൂത്രണം ചെയ്​തിട്ടുള്ളത്​.
രാജ്യത്തി​​​െൻറ മുക്കുമൂലകൾ ആഘോഷതിമിർപ്പിലാവും. റിയാദ്​ കിങ്​ ഫഹദ്​ കൾച്ചർ സ​​െൻററിൽ ലോക പ്രശസ്​ത ആക്രബാറ്റിക്സ് ഡാൻസ്​ കമ്പനി ‘സിർക്യു ഡു സോലിയിലി’​​​െൻറ മെയ്യഭ്യാസ നടന വിസ്​മയം, ജിദ്ദയിൽ സ്​കൈ ഡ്രീംസ്​ ഷോ, ദമ്മാമിൽ ലൈറ്റ്​ ഗാർഡൻ ഇവൻറ്​, അൽ​േഖാബാറിൽ എയറോബാറ്റിക്​സ്​ ^ റെയ്​റോ ടെക്​നിക്​ ഷോ, തബൂക്കിൽ ദേശീ​േയാത്സവം, അൽഅഹ്​സയിൽ ഹോട്ട്​ എയർ ബലൂൺ പ്രകടനം തുടങ്ങി നിരവധി പരിപാടികൾ ദേശീയാഘോഷങ്ങളുടെ ഭാഗമായി അരങ്ങേറും.