ദുരിതാശ്വാസ നിധിയിലേക്ക്​ നവോദയയുടെ ഒരു കോടി രൂപ

ദമ്മാം: പ്രളയദുരിതാശ്വാസത്തി​​​െൻറ ഭാഗമായി കിഴക്കൻ പ്രവിശ്യ നവോദയ സാംസ്കാരികവേദി 1,1,000596 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുമെന്ന്​ ഭാരവാഹികൾ വാർത്താസമ്മേളനത്തിൽ അറിയിച്ചു. 3000 കിലോ അവശ്യവസ്തുക്കള്‍ ബി. പി. എല്‍ കാര്‍ഗോയുടെ സഹായത്തോടെ നാട്ടിലെത്തിച്ചു. നാട്ടില​ുള്ള പ്രവർത്തകരുടെ നേതൃത്വത്തിൽ ആലപ്പുഴ, പത്തനംതിട്ട ജില്ലകളില്‍ വീടുകള്‍ വൃത്തിയാക്കുന്നതിനും അറ്റകുറ്റ പണികള്‍ ചെയ്യുന്നതിനും സാധിച്ചു. ഒരു നവോദയ പ്രവര്‍ത്തകന്‍ വയനാട്ടിൽ അഞ്ച്​ സ​​െൻറ് സ്​ഥലം വീട് നഷ്​ടപെട്ടവര്‍ക്ക് നല്‍കാൻ തയാറായതായും സംഘടന അറിയിച്ചു. നവോദയ പ്രവര്‍ത്തകര്‍ നടത്തിയ സഹായ സമാഹരണത്തിന്​ പ്രവാസ ലോകത്ത്​ നിന്ന്​ നല്ല പ്രതികരണമാണ് ലഭിച്ചത്. മലയാളികള്‍ മാത്രമല്ല, ഇതര സംസ്ഥാനക്കാരും, വിദേശികളും സ്വദേശികളും പങ്കാളികളായി.

മുഖ്യമന്ത്രി പ്രഖ്യാപിച്ച ‘സാലറി ചലഞ്ച്’ ഏറ്റെടുക്കാന്‍ നവോദയ പ്രവാസി സമൂഹത്തോട് അഭ്യർഥിച്ചു . ഇതിനകം നിരവധി നവോദയ പ്രവര്‍ത്തകര്‍ കാമ്പയിന്‍ ഏറ്റെടുത്തിട്ടുണ്ട്​. വെള്ളിയാഴ്ച ദമ്മാമില്‍ സംഘടിപ്പിക്കുന്ന നവോദയദിനം പരിപാടിയില്‍ പ്രവാസി ക്ഷേമനിധി ബോര്‍ഡ്‌ അംഗം ജോർജ്​ വര്‍ഗീസിന് തുക കൈമാറും. വാര്‍ത്താ സമ്മേളനത്തില്‍ ജനറല്‍ സെക്രട്ടറി എം. എം. നഈം, പ്രസിഡൻറ്​ പവനന്‍ മൂലക്കീല്‍, രക്ഷാധികാരി ഇ.എം കബീര്‍, ട്രഷറര്‍ മോഹനന്‍ വെള്ളിനേഴി എന്നിവര്‍ പങ്കെടുത്തു.