ഹൂ​തി​ക​ളു​ടെ ഡ്രോ​ൺ  ആ​ക്ര​മ​ണ​ത്തെ സൗ​ദി​ത​ക​ർ​ത്തു

ജി​ദ്ദ: സൗ​ദി അ​റേ​ബ്യ​ക്കെ​തി​രെ യ​മ​നി​ലെ ഹൂ​തി ഭീ​ക​ര​ർ ന​ട​ത്തി​യ ഡ്രോ​ൺ ആ​ക്ര​മ​ണ​ത്തെ ത​ക​ർ​ത്ത​താ​യി യ​മ​ൻ സ​പോ​ർ​ട്ട്​ അ​ല​യ​ൻ​സ്​ സം​ഖ്യ​സേ​ന വ​ക്താ​വ് കേ​ണ​ൽ തു​ർ​ക്കി അ​ൽ​മാ​ലി​കി​ അ​റി​യി​ച്ചു. ഖ​മീ​സ്​ മു​ശൈ​ത്ത്​ പ​ട്ട​ണ​ത്തി​നു​​നേ​രെ വ​ന്ന ര​ണ്ട്​ ഡ്രോ​ൺ വി​മാ​ന​ങ്ങ​ളെ സ​ഖ്യ​സേ​ന വെ​ടി​വെ​ച്ചി​ടു​ക​യാ​യി​രു​ന്നു. ഇ​റാ​​െൻറ സ​ഹാ​യ​ത്തോ​ടെ ഹൂ​തി​ക​ൾ ഖ​മീ​സ്​ മു​ശൈ​ത്തി​ലെ ജ​ന​വാ​സ ​കേ​ന്ദ്ര​ങ്ങ​ൾ​ക്കു​ നേ​രെ​യാ​ണ്​ തി​ങ്കാ​ളാ​ഴ്​​ച ഡ്രോ​ണു​ക​ളെ അ​യ​ച്ച​ത്.

അ​ന്താ​രാ​ഷ്​​ട്ര മ​നു​ഷ്യാ​വ​കാ​ശ നി​യ​മ​ങ്ങ​ൾ ലം​ഘി​ച്ച ഹൂ​തി​ക​ൾ സൗ​ദി​യി​ലെ സി​വി​ലി​യ​ന്മാ​രെ ല​ക്ഷ്യ​മി​ട്ട്​ ഡ്രോ​ണു​ക​ൾ അ​യ​ക്കു​ന്ന​ത്​ തു​ട​രു​ക​യാ​ണ്. നി​ര​വ​ധി പേ​രു​ടെ ജീ​വ​നാ​ണി​ത്​ അ​പ​ക​ട​ത്തി​ലാ​ക്കു​ന്ന​ത്. സം​ഖ്യ​സേ​ന ഏ​പ്രി​ൽ ഒ​മ്പ​തി​ന് പ്ര​ഖ്യാ​പി​ച്ച വെ​ടി​നി​ർ​ത്ത​ൽ നി​ര​സി​ച്ച്, അ​ന്താ​രാ​ഷ്​​ട്ര മാ​നു​ഷ്യാ​വ​കാ​ശ നി​യ​മ​ത്തി​​െൻറ ക​ടു​ത്ത ലം​ഘ​ന​മാ​ണ്​ ഭീ​ക​ര​ർ ന​ട​ത്തി​ക്കൊ​ണ്ടി​രി​ക്കു​ന്ന​ത്.​ വെ​ടി​നി​ർ​ത്ത​ലി​ന്​ അ​നു​കൂ​ല​മ​ാ​യോ പ്ര​തി​കൂ​ല​മാ​യോ ഹൂ​തി​ക​ളു​ടെ ഭാ​ഗ​ത്തു നി​ന്ന്​ ഒ​രു പ്ര​തി​ക​ര​ണ​വും ഉ​ണ്ടാ​യി​ട്ടി​ല്ല. എ​ന്നാ​ൽ, ഏ​ക​പ​ക്ഷീ​യ ആ​ക്ര​മ​ണ​ങ്ങ​ൾ ന​ട​ത്തു​ന്നു​ണ്ട്.

ചെ​റു​തും വ​ലു​തു​മാ​യ ആ​യു​ധ​ങ്ങ​ൾ ഉ​പ​യോ​ഗി​ച്ച്​ 5000ത്തി​ല​ധി​കം ആ​ക്ര​മ​ണ​ങ്ങ​ൾ ഇ​തി​ന​കം ന​ട​ത്തി. 
ബാ​ലി​സ്​​റ്റി​ക്​ മി​സൈ​ലു​ക​ളും പ്ര​യോ​ഗി​ച്ചി​ട്ടു​ണ്ട്. അ​ന്താ​രാ​ഷ്​​ട്ര മ​നു​ഷ്യാ​വ​കാ​ശ നി​യ​മ​ങ്ങ​ൾ പാ​ലി​ച്ച്​ ഹൂ​തി​ക​ളു​ടെ തീ​വ്ര​വാ​ദ പ്ര​വ​ർ​ത്ത​ന​ങ്ങ​ൾ ഉ​ന്മൂ​ല​നം ചെ​യ്യാ​നും അ​വ​രു​ടെ വി​ധ്വം​സ​ക ക​ഴി​വു​ക​ളെ നി​ർ​വീ​ര്യ​മാ​ക്കാ​നു​മു​ള്ള ക​ടു​ത്ത ന​ട​പ​ടി സം​ഖ്യ​സേ​ന​ക്ക്​ കീ​ഴി​ൽ തു​ട​രു​മെ​ന്നും വ​ക്താ​വ്​ കൂ​ട്ടി​ച്ചേ​ർ​ത്തു.