തനിമ വനിതാ വിഭാഗം ഖുർആൻ മത്സരം
text_fieldsഅൽഖോബാർ: തനിമ സാംസ്കാരിക വേദി അൽഖോബാർ വനിതാവിഭാഗം സ്ത്രീകൾക്കും പെൺകുട്ടികൾക്കുമായി ‘തർത്തീൽ 2020’എന്ന പേരിൽ ഖുർആൻ മനഃപാഠ മത്സരം സംഘടിപ്പിച്ചു. അനുമോദന സംഗമത്തിൽ മുഖ്യാതിഥിയായിരുന്ന പണ്ഡിതയും പ്രഭാഷകയുമായ സി.വി. ജമീല വിജയികളെ പ്രഖാപിച്ചു. ഷാസിയ വലിയ പീടികക്കൽ ഒന്നാം സ്ഥാനവും റഹ്മ ഹബീബ് രണ്ടാം സ്ഥാനവും സാഹിദ സുബൈർ മൂന്നാം സ്ഥാനവും കരസ്ഥമാക്കി.
വനിതാവിഭാഗം പ്രസിഡൻറ് റസീന റഷീദ്, താംഹീദുൽ മർഅ ഡയറക്ടർ ആരിഫ കോയ എന്നിവർ മത്സരം നിയന്ത്രിച്ചു. നജ്മ അബ്ദുൽ വഹാബ്, ഖദീജ ഫാറൂഖ്, നാസ്നിൻ നവാബ് എന്നിവർ വിധികർത്താക്കളായി. മത്സരത്തിൽ പങ്കെടുത്ത എല്ലാവർക്കും സർട്ടിഫിക്കറ്റുകൾ വിതരണം ചെയ്തതായും വിജയികൾക്കുള്ള സമ്മാനങ്ങൾ ഉടൻ തന്നെ നൽകുമെന്നും ഭാരവാഹികൾ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.