പ്രതിരോധത്തിന്​ ഖസീമിൽ ഡ്രോണുകളും

ബുറൈദ: കോവിഡ് 19നെ പ്രത​ിരോധിക്കാനുള്ള മാർഗങ്ങളിൽ ഡ്രോണുകളും. അൽഖസീം മുൻസിപ്പാലിറ്റിയാണ്​ ഇതിനായി ഡ്രോണു കളുടെ സഹായം ഉപയോഗിക്കുന്നത്​. വൈറസ് വ്യാപനം തടയുന്നതിനുവേണ്ടി വലിയ പ്രതിരോധപ്രവർത്തനങ്ങളാണ് മേഖലയിൽ നടന്ന ുവരുന്നത്. ഇതി​​െൻറ ഭാഗമായി ഡിജിറ്റൽ ലാൻഡ് സർവേ കമ്പനിയായ വോക്‌സലി​​െൻറ സഹകരണത്തോടെ കിങ്​ അബ്​ദുൽ അസീസ് സിറ്റി ഫോർ സയൻസ് ആൻഡ്​ ടെക്നോളജി ഇൻസ്​റ്റിറ്റ്യൂട്ടാണ് മനുഷ്യരിലും മൃഗങ്ങളിലും താപനില രേഖപ്പെടുത്തുന്നതിനുള്ള ചെറു ഡോൺ വികസിപ്പിച്ചെടുത്തിട്ടുള്ളത്.

പരീക്ഷണാടിസ്ഥാനത്തിൽ ഒട്ടകങ്ങളും ആടുമാടുകളടക്കമുള്ള മൃഗങ്ങളെയും വിവിധതരം പക്ഷികളെയുമൊക്കെ വിൽപന നടത്തുന്ന സൗദിയിലെ തന്നെ ഏറ്റവും വലിയ ചന്തയായ മദീനത്തുൽ അൻആമിൽ ഡ്രോണുകളെ ഉപയോഗിക്കുന്നുണ്ട്. തിരക്കേറിയ ക​േമ്പാളങ്ങൾക്കുമുകളിലൂടെ പറത്തുന്ന ഡ്രോണുകൾ മൃഗങ്ങളിലും മനുഷ്യരിലുമുള്ള ഉയർന്ന താപനില രേഖപ്പെടുത്തും. ശേഷം അത്​ സിഗ്​നലുകളിലൂടെ കൺട്രോൾ റൂമി​ന്​ വിവരം കൈമാറും. തുടർന്ന് ഇൗ ഡ്രോണുകളോടൊപ്പം എത്തുന്ന പ്രത്യേകം സജ്ജീകരിച്ച​ മൊബൈൽ യൂനിറ്റിൽ വിശദമായ പരിശോധന നടത്തും. ശരീരോഷ്​മാവ്​ അമിതമായ തോതിലാണെങ്കിൽ ആ ജീവിയെയോ മനുഷ്യരെയോ വിശദപരിശോധനക്ക്​​ വിധേയമാക്കും.