ഇന്ത്യൻ എംബസി മുഴുവൻ കോൺസുലർ സേവനങ്ങളും​ നിർത്തിവെച്ചു

റിയാദ്​: കോവിഡ്​ പ്രതിരോധ നടപടികളുടെ ഭാഗമായി ഇന്ത്യൻ എംബസി മുഴുവൻ കോൺസുലർ സേവനങ്ങളും നിർത്തിവെച്ചു. തിങ് കളാഴ്​ച മുതൽ ഇൗ മാസം 31 വരെ റിയാദിലെ ഉമ്മുൽ ഹമാം, ബത്​ഹ, ദമ്മാം, അൽഖോബാർ, ജുബൈൽ, ബുറൈദ, ഹാഇൽ എന്നിവിടങ്ങളിലുള്ള പാസ ്​പോർട്ട്​, വിസ സർവീസ്​ കേന്ദ്രങ്ങളാണ്​ എംബസി അടച്ചത്​. പാസ്​പോർട്ട്​ പുതുക്കൽ, പുതിയതിന്​ അപേക്ഷിക്കൽ, വിസയ്​ക്ക്​ അപേക്ഷിക്കൽ, സർട്ടിഫിക്കറ്റ്​ അറ്റസ്​റ്റേഷൻ തുടങ്ങിയ ഒരുവിധ കോൺസുലർ സേവനങ്ങളും ഇൗ കാലയളവിൽ ഇൗ കേന്ദ്രങ്ങളിൽ നിന്ന്​ ലഭിക്കുന്നതല്ല.

എന്നാൽ അടിയന്തര ഘട്ടത്തിൽ ഏതെങ്കിലും പ്രത്യേക കോൺസുലർ സർവീസ്​ അത്യാവശ്യമായി വന്നാൽ ഉമ്മുൽ ഹമാമിലെ കേന്ദ്രത്തെ സമീപിക്കാമെന്നും എംബസി അധികൃതർ അറിയിച്ചു. രാജ്യത്തി​​െൻറ വിവിധ ഭാഗങ്ങളിൽ നടത്താറുള്ള പതിവ്​ കോൺസുലർ സന്ദർശന പരിപാടികൾ കഴിഞ്ഞ വ്യാഴാഴ്​ച മുതൽ തന്നെ നിർത്തിവെച്ചിരുന്നു. ഹൊഫൂഫ്​, ഹഫർ അൽബാത്വിൻ, വാദി്​ അൽദവാസിർ, അറാർ, സകാക്ക, അൽജൗഫ്​, അൽഖഫ്​ജി,അൽഖുറയാത്ത്​ എന്നിവിടങ്ങളിലെ നിശ്ചിത ഇടവേളകളിൽ നടത്തുന്ന പതിവ്​ സന്ദർശന പരിപാടികളാണ്​ ഇനിയൊരു അറിയിപ്പുണ്ടാകുന്നതുവരെ നിർത്തിവെച്ചത്​.