ഹറം മത്വാഫ്​ അണുമുക്തമാക്കുന്ന ജോലികൾ പൂർത്തിയായി

ജിദ്ദ: മക്ക ഹറം മത്വാഫ്​ അണുമുക്​തമാക്കുന്ന ജോലികൾ പൂർത്തിയായി. വ്യാഴാഴ്​ച ഉച്ചക്ക്​ ശേഷമാണ്​ ചുറ്റുഭാഗം അ ടച്ച ശേഷം അണുമുക്​തമാക്കൽ ജോലികൾ നടന്നത്​. മക്കയിലുള്ളവർക്ക്​ മത്വാഫ്​ നമസ്​കാരത്തിന്​ തുറന്നു​ കൊടുക്കു ന്നതി​​െൻറ മുന്നോടിയായാണ്​ ഇതെന്ന്​ പ്രാദേശിക മാധ്യമങ്ങൾ റിപ്പോർട്ടു ചെയ്​തു.
വ്യാഴാഴ്​ച ഉച്ചക്ക്​ ശേഷം മത്വാഫിൽനിന്ന്​ ആളുകളെ ഒഴിപ്പിക്കുന്നതും മത്വാഫ്​ വിജനമായതുമായ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. കോവിഡ്​ 19 വൈറസിനെതിരെയുള്ള മുൻകരുതൽ നടപടികളുടെ ഭാഗമായാണ്​ മത്വാഫിലെ ശുചീകരണവും അണുമുക്​തമാക്കലും നടന്നത്​. ഉയർന്ന ഗുണനിലവാരമുള്ളതും സുരക്ഷിതവും ദോഷകരമല്ലാത്തതും പരിസ്​ഥിതിക്ക്​ ഇണങ്ങുന്നതുമായ ലായനികൾ ഉപയോഗിച്ചാണ്​ അണുമുക്​തമാക്കൽ നടത്തിയത്​. കോവിഡ്​ 19 ലോകത്ത്​ പലയിടത്തും റിപ്പോർട്ട്​ ചെയ്​ത ഉടൻ തന്നെ,

ഹറമിലെത്തുന്നവരുടെ സുരക്ഷക്കായി ഉംറ തീർഥാടനം താൽക്കാലികമായി നിർത്തലാക്കുന്നതടക്കമുള്ള മുൻകരുതൽ നടപടികൾ സ്വീകരിച്ചിരുന്നു​. സൗദിയിൽ കൂടി റിപ്പോർട്ട്​ ചെയ്​തതോടെ മുൻകരുതൽ നടപടികൾ ഉൗർജിതമാക്കിയിരിക്കുകയാണ്​​. ഹറമും പരിസരവും കഴുകി വൃത്തിയാക്കുന്നത് പ്രതിദിനം​ നാലിൽനിന്ന്​ ആറ്​ പ്രാവശ്യമായി ഉയർത്തി. ശൗചാലയങ്ങൾ ശുചിയാക്കുന്നതും ആറ്​ തവണയാക്കി. സംസം കുടിക്കുന്ന സ്​ഥലങ്ങളും നമസ്​കാര വിരിപ്പുകളും അണുമുക്​തമാക്കുന്ന ജോലികളും സംസം പാത്രങ്ങൾ മാറ്റി സ്​ഥാപിക്കുന്നതും ഉപയോഗിച്ച ഗ്ലാസുകൾ വേഗം എടുത്തുമാറ്റുന്നതും​ ദിവസം മുഴുവനും ചെയ്യും. നാല്​ ഷിഫ്​റ്റുകളിലായി സ്​ത്രീകളും പുരുഷന്മാരുമായി 2,000ത്തിലധികം ജോലിക്കാർ ഹറമിൽ ശുചീകരണത്തിനായി നിയോഗിക്കപ്പെട്ടിട്ടുണ്ട്​. അതേസമയം, ഹറമിൽ തീർഥാടകർക്ക്​ ഒരുക്കിയ മുൻകരുതൽ നടപടികൾ ഇരു ഹറം കാര്യാലയ മേധാവി ഡോ. അബ്​ദുറഹ്​മാൻ അൽസുദൈസ്​ പരിശോധിച്ചു.