ബോട്ട് തകർന്ന് കടലിൽ കുടുങ്ങിയ മത്സ്യത്തൊഴിലാളികളെ രക്ഷപ്പെടുത്തി
text_fieldsയാംബു: മത്സ്യബന്ധനത്തിന് പോയി ബോട്ട് തകർന്ന് നടുക്കടലിൽ കുടുങ്ങിയ രണ്ട് തൊഴിലാ ളികളെ യാംബു മറൈൻ പെട്രോളിങ് വിഭാഗം രക്ഷപ്പെടുത്തി.
യാംബു ഷറം പ്രദേശത്തുനിന്നാണ് ശനിയാഴ്ച മത്സ്യബന്ധനത്തിനായി രണ്ട് ബംഗ്ലാദേശ് സ്വദേശികൾ മുർസി അൽഅബ്ബാസി എന്ന ബോട്ടിൽ പുറപ്പെട്ടത്. മറൈൻ പെട്രോൾ വിഭാഗത്തിെൻറ ആധുനിക സംവിധാനങ്ങളുള്ള ബോട്ട് ഉടൻ പുറപ്പെടുകയും ബോട്ടിൽ കുടുങ്ങിക്കിടന്നവരെ രക്ഷപ്പെടുത്തി സുരക്ഷിതമായി കരയിലെത്തിക്കുകയും ചെയ്തതായി അധികൃതർ അറിയിച്ചു.
എല്ലാ കടൽയാത്രക്കാരും സുരക്ഷാനടപടിക്രമങ്ങൾ നിർബന്ധമായും പാലിക്കണമെന്നും സമുദ്രയാത്രയിൽ ബന്ധപ്പെടാനുള്ള സംവിധാനങ്ങൾ ഒരുക്കണമെന്നും അധികൃതർ മുന്നറിയിപ്പ് നൽകി. കടലിൽ അപകടങ്ങളിൽപെട്ടാൽ മറൈൻ പെട്രോളിങ് വിഭാഗത്തിെൻറ 994 എമർജൻസി നമ്പറിൽ വിളിച്ച് അറിയിക്കണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.