ജീ​വ​ൻ തു​ടി​ക്കു​ന്ന വ​ര​ക​ളു​മാ​യി സ​ഹ്​​ല ന​വാ​സ്

റി​യാ​ദ്: ഗു​രു​ക്ക​ന്മാ​രു​ടെ​യോ പ​രി​ശീ​ല​ന​ത്തി​​െൻറ​യോ സ​ഹാ​യ​മി​ല്ലാ​തെ ചി​ത്രം​വ​ര​ക്കാ​നു​ള്ള ജ​ന്മ​സി​ദ്ധ​മാ​യ ക​ഴി​വി​നെ തേ​ച്ചു​മി​നു​ക്കി പോ​ഷി​പ്പി​ച്ചെ​ടു​ത്ത മി​ടു​ക്കി​യാ​ണ്​ സ​ഹ്​​ല ന​വാ​സ ്. എ​ന്നാ​ൽ, വ​ര​​ക്കു​ന്ന ചി​ത്ര​ങ്ങ​ൾ ക​ണ്ടാ​ൽ പ​രി​ശീ​ല​ന​മൊ​ന്നും കി​ട്ടി​യി​ട്ടി​ല്ലെ​ന്ന്​ ആ​രും വി ​ശ്വ​സി​ക്കി​ല്ല. അ​ത്ര​മേ​ൽ വി​സ്​​മ​യി​പ്പി​ക്കു​ന്ന വ​ര​വി​രു​താ​ണ്​ ഇൗ ​കൗ​മാ​ര​ക്കാ​രി​ക്ക്. ക​ള​ർ പെ​ൻ​സി​ലാ​ണ്​ പ്ര​ധാ​ന ആ​യു​ധം. അ​ത്ത​ര​ത്തി​ൽ ആ​യി​ര​ത്തി​ലേ​റെ ചി​ത്ര​ങ്ങ​ൾ ഇ​തി​ന​കം വ​ര​ച്ചു​കൂ​ട്ടി. ആ​ല​പ്പു​ഴ ഭ​ര​ണി​ക്കാ​വ്​ സ്വ​ദേ​ശി​നി​യാ​യ സ​ഹ്​​ല റി​യാ​ദി​ലാ​ണ്​ ജ​നി​ച്ച​ത്. ഇ​ക്ക​ഴി​ഞ്ഞ വ​ർ​ഷം റി​യാ​ദ് ഇ​ൻ​റ​ർ​നാ​ഷ​ന​ൽ ഇ​ന്ത്യ​ൻ പ​ബ്ലി​ക്​ (സേ​വ) സ്‌​കൂ​ളി​ൽ​നി​ന്ന് 12ാം ക്ലാ​സ്​ പൂ​ർ​ത്തി​യാ​ക്കി​യ സ​ഹ്​​ല അ​ഹ​മ്മ​ദാ​ബാ​ദി​ലെ നാ​ഷ​ന​ൽ ഇ​ൻ​സ്​​റ്റി​റ്റ്യൂ​ട്ട്​ ഒാ​ഫ്​ ഡി​സൈ​നി​ൽ (എ​ൻ.​െ​എ.​ഡി) ഉ​പ​രി​പ​ഠ​ന​ത്തി​നു​ള്ള ത​യാ​റെ​ടു​പ്പി​ലാ​ണ്.

ലോ​ക​ത്തി​ലെ​ത​ന്നെ ഒ​ന്നാം​നി​ര ഡി​സൈ​ൻ ഇ​ൻ​സ്​​റ്റി​റ്റ്യൂ​ട്ടു​ക​ളി​ലൊ​ന്നാ​ണ്​​ ഇ​ന്ത്യ​യി​ലെ മി​ക​ച്ച ചി​ത്ര​ക​ലാ​പ​ഠ​ന കേ​ന്ദ്ര​മാ​യ എ​ൻ.​െ​എ.​ഡി. ഉ​മ്മ​യി​ൽ​നി​ന്നും മു​ത്ത​ച്ഛ​നി​ൽ​നി​ന്നും ല​ഭി​ച്ച പ്രോ​ത്സാ​ഹ​ന​ത്തി​​െൻറ പി​ൻ​ബ​ല​വു​മാ​യി വ​ര​യു​ടെ ലോ​കം കീ​ഴ​ട​ക്കാ​നു​ള്ള പു​റ​പ്പാ​ടി​ലാ​ണ് സ​ഹ്​​ല. സൗ​ദി​യി​ൽ ന​ട​ന്ന നി​ര​വ​ധി മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ക​യും സ​മ്മാ​ന​ങ്ങ​ൾ വാ​രി​ക്കൂ​ട്ടു​ക​യും ചെ​യ്തി​ട്ടു​ണ്ട്. ആ​നി​മേ​ഷ​ൻ രം​ഗ​ത്തോ​ടാ​ണ്​ ക​മ്പ​മെ​ങ്കി​ലും ചി​ത്ര​ക​ല​യു​ടെ എ​ല്ലാ മേ​ഖ​ല​ക​ളി​ലും കൈ​വെ​ച്ചി​ട്ടു​ണ്ട്. ഡി​സ്‌​നി ആ​നി​മേ​ഷ​ൻ ആ​ർ​ട്ടി​സ്​​റ്റാ​വു​ക എ​ന്ന​താ​ണ് മോ​ഹം. 30 മു​ത​ൽ 40 വ​രെ മ​ണി​ക്കൂ​റു​ക​ളെ​ടു​ത്താ​ണ്​ ചി​ത്ര​ങ്ങ​ൾ വ​ര​ക്കു​ന്ന​ത്. സ്​​കൂ​ൾ പ​ഠ​ന​ത്തി​ന് ശേ​ഷം ല​ഭി​ക്കു​ന്ന ഒ​ഴി​വു​സ​മ​യ​ങ്ങ​ളാ​ണ്​ ഇ​തി​നു​വേ​ണ്ടി മാ​റ്റി​വെ​ച്ചി​രു​ന്ന​ത്. അ​ടു​ത്തി​ടെ റി​യാ​ദി​ൽ​നി​ന്ന് പു​റ​ത്തി​റ​ങ്ങി​യ പി.​പി. അ​ബ്​​ദു​ൽ ല​ത്തീ​ഫി​​െൻറ ‘ജീ​വി​ത​വി​ജ​യ​ത്തി​ലേ​ക്ക് ഒ​രു ചു​വ​ടു​മാ​ത്രം’ എ​ന്ന പു​സ്ത​ക​ത്തി​ൽ സ​ഹ്‌​ല​യു​ടെ 49ഓ​ളം ചി​ത്ര​ങ്ങ​ൾ ഇ​ടം നേ​ടി​യി​രു​ന്നു.

കൂ​ട്ടു​കാ​രു​ടെ ഇ​ഷ്​​ട ആ​നി​മേ​ഷ​ൻ ക​ഥാ​പാ​ത്ര​ങ്ങ​ളോ​ട് സാ​ദൃ​ശ്യ​പ്പെ​ടു​ത്തി അ​വ​രു​ടെ ചി​ത്ര​ങ്ങ​ൾ വ​ര​ച്ചു​കൊ​ടു​ക്ക​ൽ ഹോ​ബി​യാ​ണ്. നി​ര​വ​ധി പേ​ർ​ക്ക് ഇ​ങ്ങ​നെ ജ​ന്മ​ദി​ന സ​മ്മാ​ന​മാ​യി ന​ൽ​കി​യി​ട്ടു​ണ്ട്‌. കു​ടും​ബ​ത്തി​ലെ നി​ര​വ​ധി പേ​രു​ടെ ചി​ത്ര​ങ്ങ​ൾ ഇ​തി​ന​കം വ​ര​ച്ചു​ക​ഴി​ഞ്ഞു. ദു​ൽ​ഖ​ർ സ​ൽ​മാ​ൻ, ന​സ്​​റി​യ, അം​ബേ​ദ്‌​ക​ർ തു​ട​ങ്ങി​യ പ​ല​രു​ടെ​യും ഒ​റി​ജി​ന​ലി​നെ വെ​ല്ലു​ന്ന ചി​ത്ര​ങ്ങ​ൾ ശേ​ഖ​ര​ത്തി​ലു​ണ്ട്. വ​ള​രെ ചെ​റു​താ​യി ചി​ത്ര​ങ്ങ​ൾ വ​ര​ച്ച്​ കീ​ചെ​യി​ൻ നി​ർ​മി​ക്കു​ന്ന​തും സ​ഹ്​​ല​യു​ടെ വി​നോ​ദ​മാ​ണ്. പ്ര​മു​ഖ വാ​ർ​ത്ത ഏ​ജ​ൻ​സി​യാ​യ റോ​യി​േ​ട്ട​ഴ്​​സി​​െൻറ സൗ​ദി ബ്രാ​ഞ്ചി​ൽ ടെ​ക്‌​നി​ക്ക​ൽ മാ​നേ​ജ​രാ​യ ന​വാ​സ് അ​ബ്​​ദു​ൽ റ​ഷീ​ദി​​െൻറ​യും അ​ധ്യാ​പി​ക​യാ​യ ഷെ​ർ​മി ന​വാ​സി​​െൻറ​യും നാ​ല്​ മ​ക്ക​ളി​ൽ മൂ​ത്ത​വ​ളാ​ണ് സ​ഹ്​​ല. ചി​ത്ര​ക​ല​ക്ക്​​ പു​റ​മെ സം​ഗീ​ത​ത്തി​ലും താ​ൽ​പ​ര്യ​മു​ള്ള സ​ഹ്​​ല പി​യാ​നോ​യും ഗി​റ്റാ​റും സ്വ​യം പ​ഠി​ച്ചു. വ​ര​ച്ച ചി​ത്ര​ങ്ങ​ളെ​ല്ലാം arora_mine.art എ​ന്ന ഇ​ൻ​സ്​​റ്റ​ഗ്രാം അ​ക്കൗ​ണ്ടി​ൽ പോ​സ്​​റ്റ്​ ചെ​യ്​​തി​ട്ടു​ണ്ട്.