ആൽപ്സ് ഫൗണ്ടേഷന് 40 ലക്ഷത്തിെൻറ വിദ്യാഭ്യാസ സ്കോളർഷിപ് പദ്ധതി
text_fieldsജിദ്ദ: മലപ്പുറം മേൽമുറി ആസ്ഥാനമായി പ്രവർത്തിക്കുന്ന ആൽപ്സ് ഇൻറർനാഷനൽ സയൻസ് അ ക്കാദമിയിൽ 2020-21 അധ്യയന വർഷം പ്രവേശനം നേടി പഠിക്കുന്ന തെരഞ്ഞെടുക്കപ്പെട്ട വിദ്യാർഥി കൾക്ക് 40 ലക്ഷത്തോളം രൂപയുടെ സ്കോളർഷിപ് പദ്ധതി നടപ്പാക്കുമെന്ന് മാനേജ്മെൻറ് വാർത്താസമ്മേളനത്തിൽ അറിയിച്ചു. ഇതിെൻറ ഭാഗമായി, പത്താം ക്ലാസിൽ പഠിക്കുന്ന മിടുക്കരായ കുട്ടികളെ കണ്ടെത്തുന്നതിനായി 2019 ഡിസംബർ ഒന്നിന് പ്രത്യേക പരീക്ഷ നടത്തും. ഉയർന്ന മാർക്ക് കരസ്ഥമാക്കുന്ന വിദ്യാർഥികൾക്ക് 2020-21 അധ്യയന വർഷത്തിൽ മലപ്പുറം മേൽമുറിയിലെ ആൽപ്സ് ഇൻറർനാഷനൽ സയൻസ് അക്കാദമിയിൽ ആരംഭിക്കുന്ന ക്ലാസുകളിലേക്ക് സ്കോളർഷിപ്പോടുകൂടി പ്രവേശനം ലഭിക്കും. പ്ലസ് ടു വിദ്യാർഥികൾക്കായി 2019 ഡിസംബർ ഒന്നിന് അഭിരുചി പരീക്ഷയും ഒരുക്കുന്നുണ്ട്. ജിദ്ദയിലെ മിടുക്കരായ വിദ്യാർഥികളെ കണ്ടെത്തുന്നതിനായി ടാലൻറ് സെർച് പരീക്ഷയും അഭിരുചി പരീക്ഷയും ആൽപ്സ് ഒരുക്കുന്നുണ്ട്. 2020 ജനുവരിയിലായിരിക്കും പരീക്ഷകൾ. തീയതി ഉടൻ പ്രഖ്യാപിക്കുമെന്നും മാനേജ്മെൻറ് അറിയിച്ചു.
െഎ.െഎ.ടി യോഗ്യതയുള്ള അധ്യാപകരാണ് ക്ലാസെടുക്കുക. പ്ലസ് വൺ, പ്ലസ് ടു പഠനത്തോടൊപ്പം െഎ.െഎ.ടി, നീറ്റ്, ജിപ്മെർ, എയിംസ് തുടങ്ങിയ എൻട്രൻസ് പരീക്ഷ പരിശീലനമാവും തെരഞ്ഞെടുക്കപ്പെടുന്ന കുട്ടികൾക്ക് ലഭ്യമാവുക. ന്യൂനപക്ഷ പിന്നാക്ക വിഭാഗങ്ങളുടെ ഉന്നമനത്തിനായി ബംഗളൂരു ആസ്ഥാനമായി പ്രവർത്തിക്കുന്ന ലീഡ് ട്രസ്റ്റ് ഇന്ത്യയുമായി സഹകരിച്ചാണ് സ്കോളർഷിപ് പദ്ധതി നടപ്പാക്കുന്നത്. ആൽപ്സ് ഇൻറർനാഷനൽ സയൻസ് അക്കാദമി നിലവിൽ വന്നത് 2018-19 അധ്യയന വർഷമാണ്. പ്രവേശന പരീക്ഷക്ക് തയാറെടുക്കുന്നതിനായി ദൂര സ്ഥലങ്ങളിൽ പോയി പഠിക്കുന്ന കുട്ടികളുടെ പരിമിതികളും പരാധീനതകളും രക്ഷിതാക്കളുടെ ആകുലതകളും ഉൾക്കൊണ്ടു മികച്ച നിലവാരം ഉറപ്പുവരുത്തിക്കൊണ്ടുള്ള സൗകര്യങ്ങളും സജ്ജീകരണങ്ങളുമായാണ് ആൽപ്സ് ആരംഭിച്ചത്. കുട്ടികളിൽ വ്യക്തിത്വ വികസനവും സ്വഭാവ രൂപവത്കരണവും ആരോഗ്യവും ലക്ഷ്യമിട്ടുകൊണ്ടുള്ള ചിട്ടയായ പരിശീലനം പഠനത്തോടൊപ്പം ഉറപ്പുവരുത്തുന്നതായും മാനേജ്മെൻറ് അറിയിച്ചു. വാർത്താസമ്മേളനത്തിൽ ആൽപ്സ് ചെയർമാൻ സി.പി.എസ് തങ്ങൾ, ഡയറക്ടർ അഷീൽ ഹാഷിം, അശ്റഫ് മേലേവീട്ടിൽ, അശ്റഫ് ഉണ്ണീൻ, നാസർ മാഹിൻ എന്നിവർ പെങ്കടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.