ദേശീയ ദിനം: തകർപ്പൻ ഒാഫറുകളുമായി വിമാന, ടെലികോം കമ്പനികൾ
text_fieldsറിയാദ്: ദേശീയ ദിനാഘോഷത്തിെൻറ ഭാഗമായി കിടിലന് ഓഫറുകളുമായി സൗദിയിലെ വിമാനക ്കമ്പനികളും ടെലികോം സർവിസ് കമ്പനികളും. ൈഫ്ലനാസ് ആഭ്യന്തര സർവിസുകള്ക്ക് 49 റിയാ ല് മുതലും അന്താരാഷ്ട്ര സർവിസുകള്ക്ക് 209 റിയാല് മുതലുമാണ് ചാര്ജ്. മുഴുവന് ബുക്കിങ്ങുകള്ക്കും 20 ശതമാനം ഇളവുമായി സൗദി എയര്ലൈന്സും രംഗത്തുണ്ട്. സെപ്റ്റംബര് 23നാണ് സൗദിയുടെ ദേശീയ ദിനാഘോഷം. ദേശീയ ദിനാഘോഷ ഭാഗമായി സെപ്റ്റംബര് 19 മുതല് 23 വരെയുള്ള ദിവസങ്ങളില് ബുക്ക് ചെയ്യുന്ന ടിക്കറ്റുകള്ക്കാണ് ഫ്ലൈനാസിെൻറ ആനുകൂല്യം. ഒക്ടോബര് 13 മുതല് ഡിസംബര് 18 വരെ യാത്ര ചെയ്യുന്നവര്ക്ക് ഈ ആനുകൂല്യം ഉപയോഗപ്പെടുത്താം. വ്യാഴം, ശനി ദിവസങ്ങള് ഇതില്നിന്ന് ഒഴിവാക്കിയിട്ടുണ്ട്. ഇേക്കാണമി ക്ലാസുകളില് നേരിട്ട് യാത്ര ചെയ്യുന്നവര്ക്ക് മാത്രമേ ഫ്ലൈനാസിെൻറ ആനുകൂല്യങ്ങള്ക്ക് അര്ഹതയുള്ളൂ.
സൗദിയിലെ വിവിധ എയര്പോര്ട്ടുകളിലേക്ക് 49 റിയാല് മുതല് 299 റിയാല് വരെയാണ് വണ്വേ ടിക്കറ്റ് നിരക്ക്. ഇന്ത്യയിലേക്കുള്പ്പെടെ അന്താരാഷ്ട്ര സർവിസുകള്ക്ക് 209 റിയാല് മുതല് 609 റിയാല് വരെ മാത്രമേ വണ്വേ യാത്രക്ക് ഈടാക്കുന്നുള്ളൂ. ഈ മാസം 30 വരെ ബുക്കിങ്ങുകള്ക്ക് 20 ശതമാനം വരെയാണ് സൗദിയ നല്കുന്ന ഇളവ്. ഇത് പരമാവധി 3000 റിയാല് വരെ ലഭിക്കും. ഡിസംബര് 31 വരെ ഇതില് യാത്ര ചെയ്യാന് അവസരമുണ്ട്. ടിക്കറ്റുകള് ഓണ്ലൈനില് ലഭ്യമാണ്. രാജ്യത്തെ വിവിധ വ്യാപാര സ്ഥാപനങ്ങളും വന് ഓഫറുകള് പ്രഖ്യാപിച്ചിട്ടുണ്ട്. സൗദി ടെലികോം കമ്പനിയായ എസ്.ടി.സി.സി ദേശീയദിനത്തില് എല്ലാ ഉപഭോക്താക്കള്ക്കും സൗജന്യ നെറ്റും കാളുകളും പരിധിയില്ലാതെ അനുവദിക്കും. സെപ്റ്റംബര് 23ന് പുലര്ച്ച 12 മുതല് രാത്രി 11.59 വരെയാണ് ഓഫര്. അന്നേദിവസം വീടുകളില് നിലവില് കണക്ഷനെടുത്തവര്ക്കും ഇൻറര്നെറ്റ് സൗജന്യമാണ്. ദേശീയ ദിനാഘോഷത്തിെൻറ ഭാഗമായുള്ള വിവിധ സര്ക്കാര് ആഘോഷ സ്ഥലങ്ങളില് എത്തുന്നവര്ക്ക് മൂന്നുദിവസം ഒരു മണിക്കൂര് സൗജന്യ ടോക് ടൈമും കമ്പനി ഓഫര് ചെയ്യുന്നു.
SAWA Like, SAWA Flex, SAWA Share, SAWA Post and SAWA Star എന്നീ കണക്ഷനുകളുള്ളവര്ക്കാണ് ഓഫര്. ഇതും ഇവൻറ് ലൊക്കേഷനുകളില് എത്തുന്നമുറക്ക് തത്സമയം ആക്ടിവേഷനാകും. എല്ലാ നെറ്റ്വര്ക്കിലേക്കും ഇതുവഴി വിളിക്കാനാകും. പോസ്റ്റ്പെയ്ഡ് കണക്ഷനില് 160 റിയാലിെൻറ ക്വിക്ക് നെറ്റ് ഓഫര് സെപ്റ്റംബര് 23 വരെ റീചാര്ജ് ചെയ്യുന്നവര്ക്ക് 128 റിയാലിന് ലഭിക്കും. പ്രീപെയ്ഡ് കണക്ഷനില് ക്വിക്ക് നെറ്റ് ഇൻറര്നെറ്റ് പാക്കേജിനായി പുതിയ സിം എടുക്കുന്നവര്ക്ക് 10 ജിബിയുടെ പാക്കേജില് 20 ജി.ബി സൗജന്യമായി ലഭിക്കും. ഒക്ടോബര് രണ്ടുവരെ ഈ ഓഫറുണ്ടാകും. സൗദി ദേശീയഗാനം റിങ് ടോണായി സൗജന്യമായി ലഭിക്കാനും സൗകര്യമുണ്ട്. ഇതിനായി 444116 എന്ന് 1616 എന്ന നമ്പറിലേക്ക് അയച്ചാല് മതി. ഒരു മാസത്തിനു ശേഷം ഇതിന് അഞ്ച് റിയാല് ഈടാക്കും. ഒരു മാസത്തെ സൗജന്യ കാലാവധിക്ക് മുന്നോടിയായി 1617 എന്ന് 900ത്തിലേക്ക് അയച്ചാല് അണ് സബ്സ്ക്രൈബ് ചെയ്യാം. എസ്.ടി.സി സൈറ്റില് കയറി രജിസ്ട്രേഷന് പൂര്ത്തിയാക്കുന്നവര്ക്ക് സൗജന്യമായി ഐഫോണ് 11 ലഭിക്കാനുള്ള അവസരവും കമ്പനി ഒരുക്കിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.