കേന്ദ്ര പെേട്രാളിയം മന്ത്രി ധർമേന്ദ്ര പ്രധാൻ സൗദിയിൽ
text_fieldsജിദ്ദ: ഉൗർജ മേഖലയിലെ സഹകരണം ശക്തിപ്പെടുത്തുന്നതിെൻറ ഭാഗമായി കേന്ദ്ര പെേട്രാ ളിയം മന്ത്രി ധർമേന്ദ്ര പ്രധാൻ സൗദി അറേബ്യയിൽ.
മുൻ ഉൗർജമന്ത്രി ഖാലിദ് അൽഫാലിഹ്, പുതുതായി നിയമിതനായ ഉൗർജമന്ത്രി അമീർ അബ്ദുൽ അസീസ് ബിൻ സൽമാൻ എന്നിവരുമായി ധർമേന്ദ്ര പ്രധാൻ ചർച്ച നടത്തി. ഉൗർജമേഖലയിൽ എല്ലാവിധ സഹകരണവുമുണ്ടാവുമെന്നും നേരത്തേ നിശ്ചയിച്ച പദ്ധതികളുമായി മുന്നോട്ടുപോകുമെന്നും മന്ത്രി അമീർ അബ്ദുൽ അസീസ് ബിൻ സൽമാൻ വ്യക്തമാക്കി.
അരാംകോ ഉന്നത വൃത്തങ്ങളുമായും കേന്ദ്രമന്ത്രി കൂടിക്കാഴ്ച നടത്തി. ഇന്ത്യൻ അംബാസഡർ അഹമ്മദ് ജാവേദും കോൺസൽ ജനറൽ മുഹമ്മദ് നുർ റഹ്മാൻ ശൈഖും അദ്ദേഹത്തോടൊപ്പമുണ്ടായിരുന്നു. അതിനിടെ, സൗദിയിൽ നടത്താനിരുന്ന കേന്ദ്രമന്ത്രിയുടെ വാർത്തസമ്മേളനം പിന്നീട് ഉപേക്ഷിച്ചു. ഗൾഫ് രാഷ്ട്ര പര്യടനത്തിെൻറ ഭാഗമായാണ് കേന്ദ്രമന്ത്രി സൗദിയിൽ എത്തിയത്. യു.എ.ഇ ഖത്തർ എന്നീ രാജ്യങ്ങളിലും ധർമേന്ദ്രപ്രധാൻ പര്യടനം നടത്തുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.