ഭരണ-ഉദ്യോഗസ്ഥ തലങ്ങളിലെ പുതുമുഖങ്ങൾ കരുത്തർ

ജിദ്ദ: സൗദിയിൽ മന്ത്രി, ഉദ്യോഗസ്ഥ തലങ്ങളിൽ വെള്ളിയാഴ്​ച നടത്തിയ അഴിച്ചുപണിയിൽ നിയമിതരായവർ ഉന്നത ബിരുദധാരികളും ഉയർന്ന സ്​ഥാനങ്ങൾ വഹിച്ചു പരിചയമുള്ളവരും​. ഖനന വ്യവസായ വകുപ്പുകൾ ഉർജ മന്ത്രാലയത്തിൽനിന്ന്​ മാറ്റി പ്രത്യേക മന്ത്രാലയമാക്കി അതി​​െൻറ പ്രഥമ മന്ത്രിയായി നിയമിച്ചിരിക്കുന്നത്​ ബന്ദർ ബിൻ ഇബ്രാഹീം അൽ ഖുറൈഫിനെയാണ്​. കിങ്​ സഉൗദ്​ യൂനിവേഴ്​സിറ്റിയിൽനിന്ന്​ സാമ്പത്തിക ശാസ്​ത്രത്തിൽ ബിരുദം നേടിയ അദ്ദേഹം ​െഎ.എം.ഡി സ്വിറ്റ്​സർലൻഡിൽനിന്ന്​ മാനേജ്​മ​െൻറ്​, ലീഡർഷിപ്​, ഇൻവെസ്​റ്റ്​ മ​െൻറ്​ എന്നീ കോഴ്​സുകളിലും പഠനം പൂർത്തിയാക്കിയിട്ടുണ്ട്​.

വ്യാവസായിക, വാണിജ്യ, നിക്ഷേപ മേഖലകളിൽ 25 വർഷത്തെ പരിചയമുണ്ട്​. ​പല നേതൃപദവികളും വഹിച്ചിട്ടുണ്ട്​. അബ്​ദുല്ല ഇബ്രാഹീം അൽഖുറായ്ഫ് ​സൺസ്​ കമ്പനി സി.ഇ.ഒ, അൽഖുറാഇഫ്​ പ്രിൻറിങ്​ സൊല്യൂഷൻ കമ്പനി ചീഫ്​ എക്​സിക്യൂട്ടിവ്​ ഒാഫിസർ, അറാസ്​കോ കമ്പനി വൈസ് ചെയർമാൻ തുടങ്ങിയ പ്രമുഖ കമ്പനികളിൽ ഉന്നത സ്ഥാനം വഹിച്ചിട്ടുണ്ട്​. റിയാദ്​​ ചേംബർ ഡയറക്​ടർ ബോർഡ്​ അംഗവും ചേംബറിന് കീഴിലെ ഇൻഡസ്​ട്രിയൽ കമ്മിറ്റി വൈസ്​ ചെയർമാനുമാണ്​. ദേശീയ ഇൻഫർമേഷൻ സ​െൻറർ ഡയറക്ടറായി നിയമിച്ചിരിക്കുന്നത്​ ഡോ. അബ്​ദുല്ല ബിൻ ശറഫ്​ അൽ ഗാമിദിയെയാണ്​. യു.കെയിലെ ഷഫീൽഡ്​ യൂനിവേഴ്​സിറ്റിയിൽനിന്ന്​ സോഫ്​റ്റ്​വെയർ എൻജിനീയറിങ്ങിൽ പിഎച്ച്​.ഡിയും 2004ൽ കാനഡയിലെ ഒട്ടാവ യൂനിവേഴ്​സിറ്റിയിൽ പോസ്​റ്റ്​ ഡോക്​ടറൽ ബിരുദവും നേടിയ ആളാണ്​.

2011ൽ അമേരിക്കയിലെ ജോർജ്​ മൈസൂൺ സർവകലാശാലയിൽ ലീഡർഷിപ്​, കൺട്രോൾ​ സോഫ്​റ്റ്​വെയർ വിസിറ്റിങ്​ പ്രഫസറായും സേവനമനുഷ്​ഠിച്ചിട്ടുണ്ട്​. സോഫ്​റ്റ്​വെയർ എൻജിനീയറിങ്​ രംഗത്ത്​ ഉന്നതബിരുദം നേടിയ ആദ്യത്തെ സൗദിയെന്ന നിലയിൽ ​ 2011ൽ പ്രഫസർഷിപ്​ നേടി. സൗദി യൂനിവേഴ്​സിറ്റിയിൽ 2008ൽ ആദ്യ സോഫ്​റ്റ്​വെയർ എൻജിനീയറിങ്​ വകുപ്പ്​ സ്ഥാപിച്ചു. ടെലി കമ്യൂണിക്കേഷൻ, സൈബർ സെക്യൂരിറ്റി തുടങ്ങിയ വിവിധ മേഖലകളിൽ ഉന്നത സ്ഥാനം വഹിച്ചിട്ടുണ്ട്​. റോയൽ കോർട്ട്​ മേധാവിയായി മന്ത്രി പദവിയിൽ നി​യോഗിച്ചിരിക്കുന്നത്​ ഫഹദ്​ ബിൻ മുഹമ്മദ്​ ബിൻ സ്വാലിഹ്​ അൽഇൗസയെയാണ്​. ധാരാളം അനുഭവസമ്പത്തുള്ള വ്യക്​തിയാണ്​. കിങ്​ സഉൗദ്​ യൂനിവേഴ്​സിറ്റിയിൽനിന്നാണ്​ ബാച്ചിലർ ബിരുദം നേടിയത്​. വാഷിങ്​ടണിലെ അമേരിക്കൻ യൂനിവേഴ്​സിറ്റിയിൽനിന്ന്​ നിയമത്തിൽ മാസ്​റ്റർ ബിരുദം നേടി. നിരവധി നിയമസമ്മേളനത്തിലും സെമിനാറുകളിലും ഗവേഷണ പ്രബന്ധങ്ങൾ അവതരിപ്പിച്ചിട്ടുണ്ട്​. പല ബഹുമതികളും അ​ദ്ദേഹത്തെ തേടിയെത്തിയിട്ടുണ്ട്​.

റോയൽ കോർട്ട്​ മേധാവി ഫഹദ്​ ബിൻ മുഹമ്മദ്​ ബിൻ സ്വാലിഹ്​ അൽഇൗസ

പുതിയ ​തൊഴിൽ സാമൂഹിക വികസന സഹമ​ന്ത്രിയായി നിയമിച്ചത്​ മാജിദ്​ ബിൻ അബ്​ദുറഹീം അൽഗാനിമിയെയാണ്​. ഡോ. തമാദ്​ അൽറമാഹിനെ മാറ്റിയാണ്​​ നിയമനം. കിങ്​ സഉൗദ്​ യൂനിവേഴ്​സിറ്റിയിൽനിന്ന്​ 1999ൽ കമ്പ്യൂട്ടർ സയൻസിൽ മാസ്​റ്റർ ബിരുദവും 2004 എം.ബി.എ ബിരുദവും നേടിയിട്ടുണ്ട്​. സൗദി ബ്രിട്ടീഷ്​ ബാങ്ക്​ ഉൾപ്പെടെ വിവിധ സ്​ഥാപനങ്ങളിൽ ഉന്നത പദവി വഹിച്ചു​. വിവിധ മേഖലകളിൽ 23 വർഷത്തെ പരിചയമുണ്ട്​. മുൻ മാധ്യമ വകുപ്പ്​ മന്ത്രിയായിരുന്ന ഡോ. അവാദ്​ സ്വാലിഹ്​ അൽഅവാദാണ്​ മനുഷ്യാവകാശ കമീഷൻ തലവനായി നിയമിച്ചിരിക്കുന്നത്​.