ഹജ്ജ്​ ടെർമിനൽ ഇന്ന്​ അടക്കും

ജി​ദ്ദ: ജി​ദ്ദ വി​മാ​ന​ത്താ​വ​ള ഹ​ജ്ജ്​ ടെ​ർ​മി​ന​ൽ തി​ങ്ക​ളാ​ഴ്​​ച അ​ട​ക്കും. തീ​ർ​ഥാ​ട​ക​രെ വ​ഹി​ച്ചു​ള്ള വി​മാ​ന സ​ർ​വി​സു​ക​ൾ ഇ​ന്നു​കൂ​ടി​യു​ണ്ടാ​വും. ദു​ൽ​ഹ​ജ്ജ്​ 13 മു​ത​ലാ​ണ്​ ഹാ​ജി​മാ​രു​ടെ മ​ട​ക്കാ​ത്ര ആ​രം​ഭി​ക്കു​ക​യെ​ന്ന്​ സി​വി​ൽ ഏ​വി​യേ​ഷ​ൻ അ​തോ​റി​റ്റി വ്യ​ക്​​ത​മാ​ക്കി. ആ​ഭ്യ​ന്ത​ര തീ​ർ​ഥാ​ട​ക​രാ​യി​രി​ക്കും ആ​ദ്യ​ദി​ന സ​ർ​വി​സു​ക​ളി​ലു​ണ്ടാ​കു​ക. തൊ​ട്ട​ടു​ത്ത ദി​വ​സ​ങ്ങ​ളി​ൽ ഗ​ൾ​ഫ്​ രാ​ജ്യ​ങ്ങ​ൾ, മ​റ്റു​ വി​ദേ​ശ രാ​ജ്യ​ങ്ങ​ളി​ൽ നി​ന്നു​ള്ള​വ​രു​ടെ മ​ട​ക്ക​യാ​ത്ര ആ​രം​ഭി​ക്കും. മു​ഹ​ർ​റം 15 വ​രെ തി​രി​ച്ചു​പോ​ക്ക്​ തു​ട​രു​മെ​ന്നും സി​വി​ൽ ഏ​വി​യേ​ഷ​ൻ അ​തോ​റി​റ്റി വ്യ​ക്​​ത​മാ​ക്കി. തീ​ർ​ഥാ​ട​ക​രു​ടെ തി​രി​ച്ചു​പോ​ക്ക്​ തു​ട​ങ്ങു​ന്ന​തോ​ടെ ​ഹ​ജ്ജ്​ ടെ​ർ​മി​ന​ലി​ലെ സ്വീ​ക​ര​ണ കൗ​ണ്ട​റു​ക​ളൊ​ക്കെ മ​ട​ക്ക​യാ​ത്രി​ക​ർ​ക്കാ​യി മാ​റ്റും. ടെ​ർ​മി​ന​ലി​ൽ 14 ഹാ​ളു​ക​ളാ​ണു​ള്ള​ത്.

208 പാ​സ്​​പോ​ർ​ട്ട്​ കൗ​ണ്ട​റു​ക​ളു​മു​ണ്ടാ​കും​. ല​ഗേ​ജു​ക​ൾ​ക്ക്​ കു​റ്റ​മ​റ്റ സം​വി​ധാ​ന​ങ്ങ​ളാ​ണ്​ ഏ​ർ​പ്പെ​ടു​ത്തി​യി​രി​ക്കു​ന്ന​ത്. ജൂ​ലൈ നാ​ലി​നാ​ണ്​​ ഹ​ജ്ജ്​ വി​മാ​ന​ങ്ങ​ളു​ടെ വ​ര​വ്​ തു​ട​ങ്ങി​യ​ത്. ജി​ദ്ദ, മ​ദീ​ന വി​മാ​ന​ത്താ​വ​ള​ങ്ങ​ളി​ൽ തീ​ർ​ഥാ​ട​ക​രെ​യും വ​ഹി​ച്ചെ​ത്തി​യ ആ​റാ​യി​രം വി​മാ​ന സ​ർ​വി​സു​ക​ളെ സ്വീ​ക​രി​ച്ച​താ​യാ​ണ്​ ക​ണ​ക്ക്. ജി​ദ്ദ വി​മാ​ന​ത്താ​വ​ളം വ​ഴി​യാ​ണ്​ ഏ​റ്റ​വും കൂ​ടു​ത​ൽ തീ​ർ​ഥാ​ട​ക​ർ എ​ത്തി​യ​ത്. മ​ദീ​ന​യി​ലേ​ക്ക്​ നേ​രി​ട്ട്​ എ​ത്തി​യ തീ​ർ​ഥാ​ട​ക​ർ ജി​ദ്ദ വി​മാ​ന​ത്താ​വ​ളം വ​ഴി​യാ​യി​രി​ക്കും യാ​ത്ര തി​രി​ക്കു​ക. അ​തേ​സ​മ​യം, ക​ര,​ േവ്യാ​മ, ക​ട​ൽ​മാ​ർ​ഗം തീ​ർ​ഥാ​ട​ക​രു​ടെ വ​ര​വ്​ തു​ട​രു​ക​യാ​ണ്. പാ​സ്​​പോ​ർ​ട്ട്​ ഡ​യ​റ​ക്ട​റേ​റ്റ്​ ക​ണ​ക്കു പ്ര​കാ​രം ഇ​തു​വ​രെ 16,04,171 ഹാ​ജി​മാ​ർ പു​ണ്യ​ഭൂ​മി​ലെ​ത്തി​യി​ട്ടു​ണ്ട്. ഇ​തി​ൽ 14,98,909 പേ​ർ വി​മാ​ന മാ​ർ​ഗ​വും 88,346 പേ​ർ റോ​ഡ്​ മാ​ർ​ഗ​വും 16,916 പേ​ർ ക​പ്പ​ൽ വ​ഴി​യും എ​ത്തി​യ​വ​രാ​ണ്. മു​ൻ​വ​ർ​ഷം ഇ​തേ കാ​ല​യ​ള​വി​ലു​ള്ള​തി​നേ​ക്കാ​ൾ തീ​ർ​ഥാ​ട​ക​രു​ടെ എ​ണ്ണ​ത്തി​ൽ 1,17,222 പേ​രു​ടെ അ​ഥ​വാ എ​ട്ട്​ ശ​ത​മാ​നം വ​ർ​ധ​ന​വു​ണ്ടെ​ന്നാ​ണ്​ ക​ണ​ക്ക്.