എ​ട്ടു​മാ​സം ശ​മ്പ​ളം മു​ട​ങ്ങി​യ ത​മി​ഴ്നാ​ട് സ്വ​ദേ​ശി​ക്ക് ലേ​ബ​ർ കോ​ട​തി തു​ണ​യാ​യി

ജു​ബൈ​ൽ: എ​ട്ടു​മാ​സ​മാ​യി ശ​മ്പ​ളം ല​ഭി​ക്കാ​തെ ജീ​വി​തം ദു​രി​ത​ത്തി​ലാ​യ ത​മി​ഴ്നാ​ട് സ്വ​ദേ​ശി​ക്ക് ല േ​ബ​ർ കോ​ട​തി തു​ണ​യാ​യി. ജു​ബൈ​ലി​ലെ സ്ഥാ​പ​ന​ത്തി​ൽ കാ​ർ​​പ​ൻ​റ​ർ ജോ​ലി ചെ​യ്തു​വ​രു​ക​യാ​യി​രു​ന്ന തൃ​ ച്ചി സ്വ​ർ​ണ​ക്കാ​ട് സ്വ​ദേ​ശി പ​ള​നി​വേ​ലി​നാ​ണ് സാ​മൂ​ഹി​ക​പ്ര​വ​ർ​ത്ത​ക​​െൻറ​യും ലേ​ബ​ർ കോ​ട​തി​യു​ടെ​യും ഇ​ട​പെ​ട​ലി​ൽ മോ​ച​നം സാ​ധ്യ​മാ​യ​ത്. സ്വ​ദേ​ശി​യു​ടെ സ്ഥാ​പ​ന​ത്തി​ൽ നാ​ലു​വ​ർ​ഷ​മാ​യി ജോ​ലി ചെ​യ്യു​ന്ന പ​ള​നി​വേ​ലി​ന് ഇ​തു​വ​രെ നാ​ട്ടി​ൽ പോ​കാ​ൻ ക​ഴി​ഞ്ഞി​ട്ടി​ല്ല. എ​ട്ടു​മാ​സ​ത്തെ ശ​മ്പ​ളം കൂ​ടി കു​ടി​ശ്ശി​ക ആ​യ​തോ​ടെ പ​ള​നി​വേ​ൽ ക​ഷ്​​ട​ത്തി​ലാവുകയായിരുന്നു. നാ​ട്ടി​ൽ മ​ക്ക​ളു​ടെ പ​ഠ​ന​വും വീ​ട്ടു​ചെ​ല​വു​മെ​ല്ലാം സ​ങ്കീ​ർ​ണ​മാ​വു​ക​യും ചെ​യ്തു.

തുടർന്ന്​ പ​ള​നി​വേ​ൽ വി.​എ​ഫ്.​എ​സ് ഓ​ഫി​സി​ലെ ജീ​വ​ന​ക്കാ​രെ സ​മീ​പി​ച്ചു. അ​വ​ർ സാ​മൂ​ഹി​ക പ്ര​വ​ർ​ത്ത​ക​ൻ അ​ഹ​മ്മ​ദ് യാ​സീ​നെ ബ​ന്ധ​പ്പെ​ടു​ത്തി​ക്കൊ​ടു​ത്തു. തു​ട​ർ​ന്നു ലേ​ബ​ർ കോ​ട​തി​യി​ൽ പ​രാ​തി ന​ൽ​കി​യെ​ങ്കി​ലും സ്പോ​ൺ​സ​ർ വ​ന്നില്ല. സാ​മൂ​ഹി​ക പ്ര​വ​ർ​ത്ത​ക​​െൻറ​യും കോ​ട​തി​യു​ടെ​യും നി​ര​ന്ത​ര​മാ​യ ഇ​ട​പെ​ട​ലി​നൊ​ടു​വി​ൽ ഹാ​ജ​രാ​യ സ്പോ​ൺ​സ​ർ ഒ​ത്തു​തീ​ർ​പ്പി​ന് ത​യാ​റാ​വു​ക​യാ​യി​രു​ന്നു. എ​ട്ടു​മാ​സ​ത്തെ കു​ടി​ശ്ശി​ക മു​ഴു​വ​ൻ ന​ൽ​കു​ക​യും എ​ക്സി​റ്റും ടി​ക്ക​റ്റും കൈ​മാ​റു​ക​യും ചെ​യ്തു. പ​ള​നി​വേ​ൽ ക​ഴി​ഞ്ഞ ദി​വ​സം നാ​ട്ടി​ലേ​ക്കു മ​ട​ങ്ങി.