Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_right‘റെഡ്​​ പാലസ്​’...

‘റെഡ്​​ പാലസ്​’ എക്​സിബിഷന്​ ജിദ്ദയിൽ തുടക്കം

text_fields
bookmark_border
‘റെഡ്​​ പാലസ്​’ എക്​സിബിഷന്​ ജിദ്ദയിൽ തുടക്കം
cancel

ജിദ്ദ: ‘റെഡ്​​ പാലസ്​’ എക്​സിബിഷന്​ ജിദ്ദയിൽ തുടക്കം. ഖുസാം പാലസിലാണ്​ പത്ത്​ ദിവസം നീളുന്ന പ്രദർശനം.​ മൂന്ന് ​ മാസം റിയാദിലെ റെഡ്​പാലസ്​ ആസ്​ഥാനത്ത്​ നടന്ന എക്​സിബിഷനാണ്​ ജിദ്ദയിൽ സംഘടിപ്പിക്കുന്നത്​. റെഡ്​ പാലസിലെ വസ ്​തുക്കളും സാധന സാമഗ്രികളും പ്രദർശനത്തിലുണ്ട്​. സാംസ്​കാരിക വകുപ്പി​​െൻറ സഹായത്തോടെയാണ്​ ഹയ്യ്​ നുസ്​ല യമ ാനിയയിലെ ഖുസാം പാലസി​ൽ വേദി ഒരുക്കിയത്​​. ജൂൺ എട്ടിന്​ ആരംഭിച്ച പ്രദർശനം ജൂലൈ 18 വരെ നീളും. റെഡ്​ പാലസി​​െൻറ ചരിത്രവും ദേശീയവും രാഷ്​ട്രീയവുമായ അതി​​െൻറ സ്​ഥാനവും വിവരിക്കുന്നതാണ്​ പ്രദർശനം.

സൗദിയിൽ നിന്നും അറബ്​ രാജ്യങ്ങളിൽ നിന്നുമുള്ള 15 ഒാളം കലാകാരന്മാർ 1933 ൽ ഖുസാം കൊട്ടാരത്തിൽ സൗദിക്കും അമേരിക്കക്കുമിടയിൽ ഒപ്പുവെച്ച ചരിത്ര കരാറായ എണ്ണ കരാറിനെക്കുറിച്ച്​ കലാപരമായ വീക്ഷണങ്ങളും സൗദിയുടെ സാമൂഹിക സാംസ്​കാരിക മേഖലകളിൽ അതുണ്ടാക്കിയ മാറ്റങ്ങളും വിവരിക്കുന്ന പരിപാടികളും അരങ്ങേറും. റിയാദിലെ റെഡ്​ പാലസ്​ പോലെ സൗദിയുടെ ദേശീയ ച​രിത്രത്തിൽ ഇടം നേടിയ പ്രധാന കൊട്ടാരങ്ങളിലൊന്നാണ്​ ഖുസാം കൊട്ടാരം. ജിദ്ദയിലെത്തിയ അബ്​ദുൽ അസീസ്​ രാജാവ്​ അവിടെയായിരുന്നു താമസിച്ചിരുന്നത്​.

‘റെഡ്​ പാലസി’നു സമാനമായ കൊട്ടാരമായതിനാലാണ്​​ എക്​സിബിഷന്​ ഖുസാം തെരഞ്ഞെടുത്തത്​. സൗദി ചരിത്രത്തിൽ ഇടം നേടിയ കൊട്ടാരമാണ്​ ചുവന്ന നിറത്തിലുള്ള റിയാദിലെ റെഡ്​ പാലസ്​. അബ്​ദുൽ അസീസ്​ രാജാവി​​െൻറ കാലത്ത്​​ കിരീടാവകാശിയായ മകൻ സഉൗദ്​ രാജാവിനു വേണ്ടി​ നിർമിച്ചതാണിത്​. ഇൗജിപ്​ഷ്യൻ പ്രസിഡൻറുമാരായ ജമാൽ അബ്​ദുൽ നാസ്വിർ, അൻവർ സാദാത്ത്​, ഇന്ത്യൻ പ്രധാനമന്ത്രി ജവഹർലാൽ നെഹ്​റു തുടങ്ങിയ ലോക രാഷ്​ട്ര നേതാക്കളെ സ്വീകരിച്ച കൊട്ടാരം കൂടിയാണിത്​​. ​ഫൈസൽ രാജാവ്​, ഖാലിദ്​ രാജാവ്​, ഫഹദ്​ രാജാവ്​ എന്നിവരുടെ കാലത്ത്​ 1988 വരെ മന്ത്രിസഭ ആസ്​ഥാനവുമായിരുന്നു. മ്യൂസിയമാക്കിയതോടെ റെഡ്​ പാലസിലെ വസ്​തുക്കളും സാധന സാമഗ്രികളും മറ്റും ജനങ്ങൾ കാണാൻ വേണ്ടി കഴിഞ്ഞ മാർച്ചിലാണ്​ തുറന്നു കൊടുത്തത്​.

Show Full Article
TAGS:saudi saudi news gulf news 
Next Story