തീവ്രവാദത്തിനും ഭീകരതക്കുമെതിരെ മുസ്​ലിം പണ്ഡിത െഎക്യം പ്രശംസനീയം -സൽമാൻ രാജാവ്​

ജിദ്ദ: തീവ്രവാദത്തിനും ഭീകരതക്കുമെതിരെ മുസ്​ലിം പണ്ഡിതന്മാർക്കിടയിലെ ​െഎക്യവും സഹകരണവും പ്രശംസനീയമാണെന്ന ്​ സൗദി ഭരണാധികാരി സൽമാൻ രാജാവ്​ പറഞ്ഞു. മുസ്​ലിം വേൾഡ്​ ലീഗ്​ (റാബിത്വ) സംഘടിപ്പിച്ച അന്താരാഷ്​ട്ര സമ്മേളനത ്തിൽ പ​െങ്കടുത്ത ലോക ഇസ്​ലാമിക പണ്ഡിതന്മാരെ സഫ കൊട്ടാരത്തിൽ സ്വീകരിച്ച ചടങ്ങിൽ സംസാരിക്കുകയായിരുന്നു അദ് ദേഹം​. ഇസ്​ലാമിൽ തീവ്രതക്കും ഭീകരതക്കും സ്​ഥാനമില്ലെന്നും മധ്യമ നിലപാടുള്ള ദർശനമാണെന്നും മുസ്​ലിം സമൂഹം ആ നിലപാട്​ ഉൾക്കൊണ്ട്​ ജീവിക്കണമെന്നും സൽമാൻരാജാവ്​ പറഞ്ഞു.

തീവ്രവാദത്തിനും ഭീകരതക്കുമെതിരെ മുസ്​ലിം പണ്ഡിതന്മാർക്കിടയിലുള്ള സഹകരണവും അഭിപ്രായ സമന്വയവും ഏറെ സന്തോഷിപ്പിക്കുന്നു. മുസ്​ലിം സമൂഹത്തിന് വേണ്ടി​ ഇനിയും ഒറ്റക്കെട്ടായി നില​കൊള്ളണം. അനുഗ്രഹീതമായ രാപകലുകളിൽ ലോകപണ്ഡിത സമൂഹം പുണ്യഭൂമിയിൽ ഒരുമിച്ച്​ കൂടിയത്​ ഏറെ സന്തോഷമുണ്ടാക്കു​ന്നു. ഖുർആനി​​െൻറയും നബിചര്യയുടെയും അടിസ്​ഥാനത്തിലുള്ള മിതവാദ നിലപാടുകളും മൂല്യങ്ങളും ചർച്ച ചെയ്യാനും അതിലേക്ക്​ ആളുകളെ ക്ഷണിക്കാനുമാണ്​ ഇവിടെ ഒരുമിച്ച്​ കൂടിയത്​.

സമ്മേളനത്തോടനുബന്ധിച്ച്​ മുസ്​ലീം വേൾഡ്​ ലീഗ്​ പ്രസിദ്ധീകരിച്ച ‘മക്ക രേഖ’ ചടങ്ങിൽ സൽമാൻ രാജാവ്​ ഏറ്റുവാങ്ങി. മുസ്​ലിം വേൾഡ്​ ലീഗ്​ ജനറൽ സെക്രട്ടറി ഡോ. മുഹമ്മദ്​ ബിൻ അബ്​ദുൽ അൽഇൗസ, സൗദി ഗ്രാൻറ്​ മുഫ്​തിയും പണ്​ഡിത സഭ അധ്യക്ഷനുമായ ശൈഖ്​ അബ്​ദുൽ അസീസ്​ ബിൻ അബ്​ദുല്ല ആലു ശൈഖിനു വേണ്ടി മുസ്​ലിം വേൾഡ്​ ലീഗ്​ അസിസ്​റ്റൻറ്​ ജനറൽ സെക്രട്ടറി ഡോ. അബ്​ദുറഹ്​മാൻ ബിൻ അബ്​ദുല്ല അൽസൈദ്​, അതിഥികൾക്ക് വേണ്ടി​ ഇൗജിപ്​ത്​ മുഫ്​തി ഡോ. ശൗഖി ഗുലാം എന്നിവർ സംസാരിച്ചു. 1200 ഒാളം ​വരുന്ന പണ്ഡിതന്മാരുടെയും മുഫ്​തിമാരുടെയും സാന്നിധ്യത്തിലാണ്​ മക്കരേഖ പുറത്തിറക്കിയത്​.