Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightഡിജിറ്റൽ സംരംഭം...

ഡിജിറ്റൽ സംരംഭം ‘ഖിവ’യിലൂടെ അഞ്ച്​ ലക്ഷം തൊഴിലവസരങ്ങൾ സൃഷ്​ടിക്കും: അഹ്‌മദ്‌ അൽരാജ്​ഹി

text_fields
bookmark_border
ഡിജിറ്റൽ സംരംഭം ‘ഖിവ’യിലൂടെ അഞ്ച്​ ലക്ഷം തൊഴിലവസരങ്ങൾ സൃഷ്​ടിക്കും: അഹ്‌മദ്‌ അൽരാജ്​ഹി
cancel

റിയാദ്: പുതിയ ഡിജിറ്റൽ സംരംഭം ‘ഖിവ’യിലൂടെ അഞ്ച്​ ലക്ഷം തൊഴിലവസരങ്ങൾ സൃഷ്​ടിക്കുമെന്ന്​ സൗദി തൊഴിൽ സാമൂഹിക വികസന മന്ത്രി അഹ്​മദ്​ അൽരാജ്​ഹി.‘വിഷൻ 2030’​​െൻറ ലക്ഷ്യത്തിലേക്കുള്ള യാത്രയിൽ ദേശീയ പരിവർത്തന പദ്ധതി 2020​​െൻറ ഭ ാഗമായി നടപ്പാക്കുന്ന പദ്ധതിക്ക്​ തുടക്കമിട്ടതായും സ്വകാര്യ മേഖലയിലാണ്​ ഇത്രയധികം തൊഴിൽ അവസരങ്ങൾ​ സൃഷ്​ടിക്കുന്നതെന്നും അദ്ദേഹം കൂട്ടിച്ചേർത്തു. ഡിജിറ്റൽ മേഖലയിലായിരിക്കും ഭൂരിപക്ഷം പദ്ധതികളും. ഇതിലൂടെ രാജ്യത്തെ സ്വകാര്യമേഖലയിലെ മുഴുവൻ സേവനങ്ങളും ഇലക്ട്രോണിക് സംവിധാനത്തിലൂടെ നടപ്പാക്കും. ഇത് ഐ.ടി മേഖലയെ കൂടുതൽ ബലപ്പെടുത്തുമെന്ന്​ കരുതുന്നതായും മന്ത്രാലയം വാർത്താക്കുറിപ്പിൽ പറഞ്ഞു.

ഇതോ​െടാപ്പം രാജ്യത്തുണ്ടാകുന്ന മുഴുവൻ തൊഴിലവസരങ്ങളും ഒറ്റ ജാലകത്തിൽ നിന്ന്​ അറിയുംവിധം ഓൺലൈനിലൂടെ ഏകീകരിക്കുകയാണ്​ ലക്ഷ്യമെന്നും മന്ത്രി അറിയിച്ചു. ഡിജിറ്റൽവത്​കരണം സൗദി യുവാക്കൾക്ക്​ തൊഴിലവസരങ്ങൾ വർധിപ്പിക്കുക മാത്രമല്ല, ജോലിയിലെ കാര്യക്ഷമത വർധിപ്പിക്കാനും ഉൽപാദനശേഷി മെച്ചപ്പെടുത്താനും സഹായിക്കുമെന്നും ഇത് കൂടുതൽ അന്താരാഷ്​ട്ര നിക്ഷേപകരെ രാജ്യത്തേക്ക്​ ആകർഷിക്കുമെന്നുമാണ്​ മന്ത്രാലയം കുതുന്നത്. ഈ പദ്ധതിയിലൂടെ 2023 അവസാനത്തോടെ 5,61,000 തൊഴിലവസരങ്ങൾ ഉണ്ടായേക്കുമെന്നാണ് പ്രതീക്ഷിക്കുന്നത്. കഴിഞ്ഞ മൂന്ന് മാസങ്ങളിൽ മാത്രം 45,000 സ്വദേശി യുവാക്കൾക്ക്​ തെഴിൽ ലഭിച്ചു. ഇതിൽ ഭൂരിഭാഗവും സ്ത്രീകളായിരുന്നു എന്നും മന്ത്രി എടുത്ത് പറഞ്ഞു.

തൊഴിലുടമകൾക്ക്​ ഓൺലൈൻ സംവിധാനത്തിലേക്ക്​ മാറാനുള്ള സഹായ പദ്ധതിയും മന്ത്രാലയം ഒരുക്കും. ഇത് സ്ഥാപനങ്ങളുടെ നില മെച്ചപ്പെടുത്താൻ കൂടുതൽ സഹായിക്കുമെന്നും മന്ത്രാലയം കരുതുന്നു. ഖിവ പദ്ധതിയിലൂടെ കൂടുതൽ വിദേശ നിക്ഷേപകരെ സൗദി സമ്പദ്​ഘടനയിലേക്ക്​ ആകർഷിക്കാൻ കഴിയുമെന്നും അടുത്ത രണ്ട് വർഷങ്ങളിൽ വിദേശ നിക്ഷേപകർക്ക്​ പ്രത്യേക ഇളവുകൾ നൽകി ഈ പദ്ധതി വിജയിപ്പിച്ചെടുക്കാൻ വേണ്ട ആസൂത്രണങ്ങൾ നടത്തുമെന്നും മന്ത്രി കൂട്ടിച്ചേർത്തു. രാജ്യത്തെ സ്വകാര്യ മേഖലയിൽ ആകമാനം വൻ കുതിപ്പുണ്ടാക്കാനും ഭാവി പദ്ധതികളിൽ വലിയ വാഴിത്തിരിവുകൾ സൃഷ്​ടിക്കാനും ഖിവ സഹായിക്കും. പദ്ധതിയുടെ സേവനങ്ങൾ അറബിക്ക്​ പുറമെ ഇംഗ്ലീഷിലും ലഭ്യമാക്കുമെന്നും മന്ത്രി അറിയിച്ചു.

Show Full Article
TAGS:saudi saudi news gulf news 
Next Story