Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightറിയാദ്​ പ്രവിശ്യയിൽ...

റിയാദ്​ പ്രവിശ്യയിൽ ഭീകരാക്രമണ ശ്രമം​; നാല്​ ഭീകരർ കൊല്ലപ്പെട്ടു

text_fields
bookmark_border
റിയാദ്​ പ്രവിശ്യയിൽ ഭീകരാക്രമണ ശ്രമം​; നാല്​ ഭീകരർ കൊല്ലപ്പെട്ടു
cancel

റിയാദ്: സൗദി അറേബ്യയുടെ തലസ്ഥാന നഗരം ഉൾപ്പെടുന്ന റിയാദ്​ പ്രവിശ്യയിൽ ഭീകരാക്രമണത്തിന്​ മുതിർന്ന നാലു ഭീകരർ കൊല്ലപ്പെട്ടു. റിയാദ്​ നഗരത്തിൽ നിന്ന്​ 270 കിലോമീറ്ററർ വടക്ക്​ ഭാഗത്തുള്ള സുൽഫി പട്ടണത്തിലാണ്​ ഭീകരാക്രമണത് തിന്​ ഉദ്യമമുണ്ടായത്. ആക്രമണത്തെ പ്രതി​േരാധിക്കാനുള്ള ഏറ്റുമുട്ടലിനിടെയാണ്​ നാല് ഭീകരര്‍ കൊല്ലപ്പെട്ടത്​. ആഭ്യന്തര മന്ത്രാലയത്തി​​െൻറ സുൽഫി ബ്രാഞ്ചിലെ അന്വേഷണ വിഭാഗം ഓഫീസിന്​ നേരേ ഭീകരാക്രമണം നടത്താനായിരുന്നു തീവ്രവാദികളുടെ പദ്ധതി.

കെട്ടിടത്തിനുള്ളിൽ കടക്കാനുള്ള ശ്രമം സുരക്ഷാവിഭാഗം പരാജയപ്പെടുത്തിയ വെടിവെപ്പിലാണ് ഭീകരര്‍ കൊല്ലപ്പെട്ടത്. ഞായറാഴ്​ച രാവിലെ 9.49നായിരുന്നു സംഭവം. ആക്രമണം നടത്താനായി ഒരു കാറിലാണ്​ ഭീകരര്‍ എത്തിയത്. യന്ത്രതോക്കും സ്‌ഫോടക വസ്തുക്കളുമായെത്തിയ നാലംഗ സംഘം കെട്ടിടത്തിലെ അന്വേഷണ വിഭാഗം ഡയറക്ടറേറ്റി​​െൻറ പ്രധാന കവാടം തകർത്ത്​ അകത്തുകടക്കാനുള്ള ശ്രമമാണ്​ ആദ്യം നടത്തിയത്. എന്നാല്‍ കോമ്പൗണ്ടിനുള്ളിലേക്ക്​ കടക്കാനുള്ള ശ്രമത്തെ സുരക്ഷാ വിഭാഗം തടുത്തു. സുരക്ഷാ സേനയുമായുള്ള ഏറ്റുമുട്ടലില്‍ ഭീകരരില്‍ രണ്ട് പേര്‍ തൽക്ഷണം കൊല്ലപ്പെട്ടു. ഒരാള്‍ രക്ഷപ്പെടാനുള്ള ശ്രമത്തിടെ കൊല ചെയ്യപ്പെടുകയായിരുന്നു.

നാലാമന്‍ കൈയ്യിലുണ്ടായിരുന്ന സ്ഫാടക വസ്തുക്കള്‍ സ്വയം പൊട്ടിച്ച് ജീവനൊടുക്കി. സംഭവത്തില്‍ മൂന്ന് സുരക്ഷാഉദേൃാഗസ്ഥർക്ക്​ നിസാര പരിക്കേറ്റിട്ടുണ്ട്. ആക്രമകാരികളേയും സ്‌ഫോടനം നടത്താന്‍ കൊണ്ടുവന്ന വസ്തുക്കളേയും തിരിച്ചറിയാൻ പ്രത്യേക സുരക്ഷാ വിഭാഗം പരിശോധനാ നടപടി തുടരുകയാണ്. വിശദ വിവരം പിന്നിട് അറിയിക്കുമെന്ന് അധികൃതര്‍ അറിയിച്ചു. കഴിഞ്ഞ മാസം കിഴക്കന്‍ പ്രവിശ്യയിലെ ഖത്വീഫിലും സമാന സംഭവമുണ്ടായി. ആ സംഭവത്തില്‍ രണ്ട് ഭീകരര്‍ കൊല്ലപ്പെടുകയും രണ്ട് പേരെ പരിക്കുകളോടെ പിടികൂടുകയും ചെയ്തിരുന്നു.

Show Full Article
TAGS:saudi-saudi news-gulf news 
Next Story