മയ്യിത്ത്​ പരിപാലനം: രാജ്യാന്തര പരീക്ഷയിൽ മലയാളിക്ക്​ വിജയം

മക്ക: മയ്യിത്ത്​ പരിപാലനം സംബന്ധിച്ച്​ രാജ്യാന്തര തലത്തിൽ നടന്ന പരീക്ഷയിൽ മലയാളിക്ക്​ ഉന്നത വിജയം. ഈജിപ്‌തി ലെ അൽറയ്യാൻ യൂനിവേഴ്‌സിറ്റിയിൽ നടന്ന മയ്യിത്ത് പരിപാലന ഫൈനൽ പരീക്ഷയിലാണ്​ കാസർകോട്​ സ്വദേശിയും മക്ക വിഖായ അ ംഗവുമായ കബീർ ചേരൂരിന്​ മൂന്നാം സ്ഥാനം ലഭിച്ചത്. മക്കയിലെ ഡെത്ത് അഫയേഴ്​സ്​ ഡിപ്പാർട്ട്​മ​െൻറി​​െൻറ കീഴിൽ സൗദ ിയിൽ നിന്നും തെരഞ്ഞെടുക്കപ്പെട്ട ഏക ഇന്ത്യക്കാരനാണ്​ കബീർ. യൂനിവേഴ്​സിറ്റിയിൽ നടന്ന മയ്യിത്ത്​ പരിപാലന ക്ലാസിൽ പങ്കെടുക്കാനുള്ള അവസരവും കബീറിന്​ ലഭിച്ചു. പരീക്ഷയിൽ 98 ശതമാനം മാർക്ക് നേടിയ സൗദി പൗരൻ അബ്​ദുൽ അസീസ് ബിൻ മുഹമ്മദ്‌ അൽമഹ്‌ബദിക്കാണ് ഒന്നാം സ്ഥാനം. രണ്ടാം സ്ഥാനം യമൻ പൗരനായ സ്വാലിഹ് അൽമുസ്‌ലിഹിന്​ (88 ശതമാനം). മൂന്നാം സ്ഥാനത്തെത്തിയ കബീറിന്​ 87.5 ശതമാനം മാർക്ക്​ ലഭിച്ചു.

ജോർദാൻ, മ്യാന്മർ, ഈജിപ്ത്, യമൻ എന്നീ രാജ്യക്കാരാണ് യഥാക്രമം നാല് മുതൽ ഏഴ്​ വരെ സ്ഥാനം നേടിയത്. സൗദി ഗവൺമ​െൻറ്​ തലത്തിലാണ്​ പരീക്ഷയിലേക്കും പഠനക്ലാസിലേക്കുമുള്ള യോഗ്യരായ ആളുകളെ തെരഞ്ഞെടുത്തത്​. ഇന്ത്യ, സൗദി, തുർക്കി, യമൻ, ഈജിപ്‌ത്‌ എന്നീ അഞ്ച്​ രാജ്യങ്ങളിൽ നിന്നുള്ളവരാണ്​ അതിലുൾപ്പെ​ട്ടത്​.

കഴിഞ്ഞ ഹജ്ജ് വേളയിൽ മക്കയിൽ ഖബറടക്കിയ രംഗങ്ങൾ സസൂക്ഷ്​മം നിരീക്ഷിച്ചാണ് നിരവധി അപേക്ഷകരിൽ നിന്നും ആറ്​ പേരെ തെരഞ്ഞെടുത്തത്. റമദാനിൽ മക്കയിൽ നടക്കുന്ന ചടങ്ങിൽ സർട്ടിഫിക്കറ്റ്​ വിതരണം ചെയ്യും. മക്കയിലെ അറിയപ്പെടുന്ന മയ്യിത്ത്​ പരിപാലകനാണ്​ കബീർ.
കഴിഞ്ഞ ഹജ്ജ് വേളയില്‍ മാത്രം 534 മൃതദേഹങ്ങളാണ്​ മക്കയിൽ ഖബറടക്കിയത്​. ഇതിൽ 172 ഇന്ത്യക്കാരിലെ 21 മലയാളികളുടെയും ഖബറടക്കത്തിന്​ നേതൃത്വം നൽകിയത്​ കബീറായിരുന്നു. ഉംറക്കും ഹജ്ജിനുമെത്തുന്ന നിരവധി പേർക്ക് സൗജന്യ ഡയാലിസിസ് സൗകര്യങ്ങൾ ചെയ്‌തു കൊടുക്കാനും കബീർ സജീവമായി മുൻപന്തിയിലുണ്ട്​.