നവോദയ വോളി തുടങ്ങി​​; ആദ്യ മത്സരങ്ങളിൽ സൗദി, ഇന്ത്യൻ ടീമുകൾക്ക്​ ജയം

റിയാദ്​: നവോദയ കലാസാംസ്​കാരിക വേദി റിയാദി​​െൻറ 10ാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന മൂന്നാമത് നവ ോദയ മൈഓൺ വോളിബാൾ ടൂർണമ​െൻറിന്​ തുടക്കമായി.

ബത്​ഹയിലെ സിറ്റിഫ്ലവർ ഹൈപർമാർക്കറ്റിന്​ പിൻവശത്തെ ഗ്രൗണ്ടിൽ രാത്രി എട്ടിന് എൻ.ആർ.കെ ഫോറം കൺവീനർ നൗഷാദ് കോർമ്മത്ത്​ ഉദ്‌ഘാടനം ചെയ്തു. ടൂർണമ​െൻറ്​ കമ്മിറ്റി ചെയർമാൻ ജയകുമാർ അധ്യക്ഷത വഹിച്ചു.
മൈ ഓൺ മാനേജർ അബ്​ദുൽ അൽഈല, അഷ്​റഫ് വടക്കേവിള, യഹ്​യ, രാജൻ നിലമ്പൂർ എന്നിവർ സംസാരിച്ചു.

ഉദ്‌ഘാടന മത്സരത്തിൽ സൗദി ടീം അൽജസീറ രണ്ടിനെതിരെ മൂന്ന്​ സെറ്റുകൾക്ക്​ പാകിസ്​താൻ ടീം ശുദാ ഇ കാശ്മീരിനെ തോൽപിച്ചു. തുല്യശക്തികൾ തമ്മിലുള്ള പോരാട്ടം അവസാന സെറ്റ് ഗെയിം വരെ നീണ്ടു (25 -13, 21 -25, 18 -25, 25 -21, 15 -07). രണ്ടാമത്തെ മത്സരത്തിൽ നേപ്പാൾ വോളിക്ലബ്ബിനെ ഇന്ത്യൻ ടീമായ സ്​റ്റാഴ്​സ് ഒന്നിനെതിരെ മൂന്ന്​ സെറ്റുകൾക്ക് പരാജയപ്പെടുത്തി (26 -25, 25 -21, 27 -26, 25 -22). നേപ്പാൾ പൗരന്മാർ കൂട്ടത്തോടെ കളി കാണാനെത്തിയതും സൗദി പാകിസ്​താൻ കാണികളുടെ പിന്തുണയും നേപ്പാൾ ടീമിന് കിട്ടിയതോടെ ഇഞ്ചോടിഞ്ച് പോരാട്ടം നടന്ന രണ്ടാമത്തെ മത്സരം ആവേശകരമായിരുന്നു. ഫിലിപ്പീൻസ്​ റഫറിമാരാണ് കളി നിയന്ത്രിച്ചത്.