ആരോഗ്യ മേഖലയിൽ 3,000 സ്വദേശികൾക്ക്​ തൊഴിൽ നൽകി

ജിദ്ദ: ആരോഗ്യരംഗത്ത്​ നിരവധി സ്വദേശികളെ നിയമിച്ചു. രണ്ട്​ മാസത്തിനിടയിൽ സ്​ത്രീകളും പുരുഷന്മാരുമായ 3,000 സ്വദേശികൾക്കാണ്​​ തൊഴിൽ നൽകിയതെന്ന്​ സൗദി തൊഴിൽ മന്ത്രാലയം അറിയിച്ചു​. ഇതിൽ 700 ​പേർ മെഡിക്കൽ ജോലിക്കാരാണ്​.

കഴിഞ്ഞ വർഷം ഡിസംബറിലാണ്​ 40,000 സ്വദേശികൾക്ക്​ ആരോഗ്യ മേഖലയിൽ തൊഴിലവസരമുണ്ടാക്കാൻ തൊഴിൽ മന്ത്രാലയം ആരോഗ്യ മന്ത്രാലയം, മാനവ വിഭവ ശേഷി ഫണ്ട്​ (ഹദഫ്​) അതോറിറ്റി, സൗദി കൗൺസിൽ ഒാഫ്​ ചേ​േമ്പഴ്​സ്​​ എന്നിവയുമായി ധാരണയിൽ ഒപ്പുവെച്ചത്​. കൂടുതൽ പേർക്ക്​ തൊഴിലവസരമൊരുക്കാനുള്ള നടപടികൾ പുരോഗമിക്കുകയാണ്​.