മോഷ്​ടാവ്​ മലയാളിയെ വെട്ടി പരിക്കേൽപിച്ചു

റിയാദ്​: ബത്​ഹയിൽ മോഷ്​ടാവ്​ മലയാളി യുവാവി​നെ വെട്ടി പരിക്കേൽപിച്ചു. അർദ്ധരാത്രി വീട്ടിന്​ മുന്നിൽ മറഞ്ഞുന ിന്ന അക്രമിയുടെ വെട്ടുകത്തികൊണ്ടുള്ള വെ​േട്ടറ്റ്​​ കണ്ണൂർ അഞ്ചരക്കണ്ടി സ്വദേശി ശഫീഖി​െന ​തലയിലാണ്​​ ഗുരുത ര പരിക്കേറ്റത്​. ശനിയാഴ്​ച രാത്രി 12ഒാടെ മർഖബ്​ സ്​ട്രീറ്റിലാണ് സംഭവം. ​ഇവിടെ ഒരു റസ്​റ്റോറൻറിൽ ജീവനക്കാരനായ ശഫീഖ്​ ജോലി കഴിഞ്ഞ്​ തൊട്ടടുത്തുള്ള താമസസ്ഥലത്തേക്ക്​ പോകു​േമ്പാഴായിരുന്നു അക്രമം.

ഫ്ലാറ്റ്​ സ്ഥിതി ചെയ്യുന്ന കെട്ടിടത്തി​​െൻറ താഴത്തെ പ്രധാന വാതിലിന്​ സമീപം മറഞ്ഞുനിന്ന അക്രമി ശഫീഖിനെ കടന്നുപിടിക്കുകയും നിലത്ത്​ തള്ളിയിടുകയുമായിരുന്നു. ഷർട്ടി​​െൻറയും പാൻറ്​സി​​െൻറയും പോക്കറ്റുകളിൽ നിന്ന്​ പഴ്​സും ഇഖാമയും മൊബൈൽ ഫോണുമെടുത്ത അക്രമി വലിയ വെട്ടുകത്തി കൊണ്ട്​ തലയ്​ക്കുനേരെ ആഞ്ഞുവെട്ടുകയും ചെയ്​തു. കുതറിയെഴുന്നേൽക്കും മുമ്പാണ്​ തലയുടെ ഇടതു ഭാഗത്ത്​ വെ​േട്ടറ്റത്​. ശഫീഖ്​ നിലവിളികേട്ട്​ ആളുകൾ ഒാടിക്കൂടുന്നത്​ കണ്ട്​ അക്രമി ഒാടിമറഞ്ഞു.

ചോരയൊലിപ്പിച്ചുകിടന്ന ശഫീഖിനെ ആളുകൾ വിവരമറിയിച്ചതിനെ തുടർന്നെത്തിയ പൊലീസ്​ ആംബുലൻസ്​ വരുത്തി അൽഇൗമാൻ ആശുപത്രിയിലേക്ക്​ കൊണ്ടുപോയി. തീവ്രപരിചരണ വിഭാഗത്തിൽ പ്രവേശിപ്പിച്ച്​ വിദഗ്​ധ ചികിത്സക്ക്​ വിധേയമാക്കി. സ്​കാൻ ചെയ്​തപ്പോൾ ആഴത്തിൽ മുറിവേറ്റില്ലെന്ന്​ മനസിലായി. എന്നാൽ നീളമുള്ള മുറിവിൽ 22 തുന്നലിടേണ്ടിവന്നു. പൊലീസ്​ കേസെടുത്ത്​ അന്വേഷണം തുടങ്ങി. പിറ്റേന്ന്​ രാവിലെ വഴിയിൽ നിന്ന്​ കിട്ടിയെന്ന്​ പറഞ്ഞ്​ സ്വദേശി പൗരൻ ശഫീഖി​​െൻറ ഇഖാമ റസ്​റ്റോറൻറിൽ ഏൽപിച്ചു. 10 വർഷമായി റിയാദിൽ ജോലി ചെയ്യുന്ന ശഫീഖ്​ അഞ്ചുവർഷം മുമ്പും അക്രമിക്കപ്പെട്ടിരുന്നു. മൂന്നംഗ പിടിച്ചുപറി സംഘത്തി​​െൻറ അക്രമത്തിൽ അന്ന്​ മുഖത്ത്​ പരിക്കേറ്റിരുന്നു.