മത്സ്യബന്ധനമേഖലയിലെ സൗദിവത്കരണം: സ്വദേശി യുവാക്കൾക്ക്​ ഉൗർജിത പരിശീലനം​

യാമ്പു: മത്സ്യബന്ധന മേഖലയിൽ സ്വദേശിവത്‌കരണത്തി​​െൻറ ഭാഗമായി സൗദി യുവാക്കൾക്ക് ഉൗർജിത പരിശീലനം. മീൻ പിടിക്കാ ൻ പോകുന്ന ബോട്ടുകളിൽ ഒരു സ്വദേശി ജീവനക്കാരൻ ​വേണമെന്ന നിബന്ധനക്ക്​ അനുസൃതമായി ആവശ്യമായ തൊഴിലാളികളെ ലഭ്യമാ ക്കാനാണ്​​ രാജ്യത്തി​​െൻറ വിവിധ ഭാഗങ്ങളിലായി പരിസ്ഥിതി -ജല --കാർഷിക മന്ത്രാലയം നേരിട്ട്​ പരിശീലന പരിപാടി സംഘട ിപ്പിക്കുന്നത്. ആവശ്യത്തിന്​ ആളെ കിട്ടാത്ത സാഹചര്യത്തിലാണ്​ ഉൗർജിത നടപടി. സ്വദേശിവത്കരണം സമയബന്ധിതമായി നടപ്പാക്കണമെന്ന തീരുമാനം പരിശീലനം ലഭിച്ച സൗദി തൊഴിലാളികളുടെ ദൗർലഭ്യം കാരണം അനിശ്ചിതമായി നീട്ടുകയായിരുന്നു.

സാങ്കേതിക തൊഴിൽ പരിശീലന കോർപറേഷ​​െൻറ സഹകരണത്തോടെയാണ്​ ഇപ്പോൾ പരിശീലന പരിപാടികൾ സംഘടിപ്പിക്കുന്നത്​. സ്വദേശിയുവാക്കളെ കൂടുതലായി ഇൗ തൊഴിൽ മേഖലയിലേക്ക്​ ആകർഷിക്കാനുള്ള പ്രോത്സാഹന പരിപാടികൾ നടപ്പാക്കുന്നുണ്ട്​. ആദ്യഘട്ടത്തിൽ 1,000 യുവാക്കൾക്കാണ് പരിശീലനം. വിദഗ്‌ധരായ പരിശീലകരെയാണ് ഇതിനായി നിയോഗിച്ചിട്ടുള്ളത്. ആധുനിക ശാസ്ത്ര സാങ്കേതിക വിദ്യയുടെ സഹായത്തോടെയാണ്​ പരിശീലനം. സമുദ്ര സുരക്ഷക്കാവശ്യമായ സംവിധാനങ്ങളുടെ ഉപയോഗരീതി, റേഡിയോ കമ്യൂണിക്കേഷൻ, ഫിഷിങ്​ ടെക്നിക്കുകൾ, മത്സ്യതെരച്ചിലിനായുള്ള ഇലക്ട്രോണിക് ഉപകരണങ്ങൾ, മറൈൻ യന്ത്രവത്കരണം തുടങ്ങിയവയിലെ പരിശീലനത്തിന്​ അതാത്​ ​രംഗത്തെ വിദഗ്​ധരാണ് നേതൃത്വം നൽകുന്നത്​.

സൗദി യുവാക്കളെ ആധുനിക സാങ്കേതിക വിദ്യകൾ ഉപയോഗപ്പെടുത്തി മത്സ്യബന്ധനത്തിൽ വൈദഗ്​ധ്യമുള്ളവരായി വളർത്തിയെടുക്കാൻ നൂതന പരിശീലനമാണ്​ നൽകുന്നതെന്ന്​ യാമ്പുവിലെ പരിശീലന വിഭാഗം ഡയറക്ടർ ക്യാപ്റ്റൻ എൻജി. ഖാലിദ് അൽബാതിഹ് പറഞ്ഞു. പരമ്പരാഗത മത്സ്യതൊഴിലാളികളുടെ സഹകരണം നേരത്തെ തേടിയിരുന്നു. ഇതി​​െൻറ അടിസ്ഥാനത്തിൽ ‘സ്വയ്യാദ്’ എന്ന പേരിൽ ഒരു പദ്ധതിയും ആവിഷ്​കരിച്ചിട്ടുണ്ട്. മലയാളികളടക്കം ആയിരക്കണക്കിന് വിദേശികളാണ്​ നിലവിൽ മത്സ്യബന്ധന രംഗത്തുള്ളത്​. പകരം​ സ്വദേശി തൊഴിലാളികളെ കണ്ടെത്താൻ പരിശീലന പദ്ധതികൾ വഴി കഴിയുമെന്നാണ് അധികൃതർ കണക്കുകൂട്ടുന്നത്.