മക്കയിലെ ഹോട്ടലിൽ തീപിടിത്തം; 700 തീർഥാടകരെ ഒഴിപ്പിച്ചു

മക്ക: മക്കയിലെ ഹോട്ടലിൽ തീപിടിത്തം. താമസക്കാരായ 700 ഒാളം ഉംറ തീർഥാടകരെ മാറ്റി. ഹയ്യ്​ ഹഫാഇറി​ലെ 17 നിലകളുള്ള ഹോ ട്ടലി​​െൻറ 12ാം നിലയിലാണ്​​ അഗ്​നിബാധയുണ്ടായത്​. മൂന്ന്​ പേർക്ക്​ ശ്വാസ തടസ്സമനുഭവപ്പെട്ടു​.

700 ഒാളം പേർ താമസിക്കുന്ന ഹോട്ടലിലാണ്​ അഗ്​നിബാധയുണ്ടായതെന്ന്​ മക്ക സിവിൽ ഡിഫൻസ്​ വക്​താവ്​ കേണൽ റാഇദ്​ അൽശരീഫ്​ പറഞ്ഞു. മുൻകരുതലെന്നോണമാണ്​ ​ആളുകളെ ഒഴിപ്പിച്ചത്​. ഹോട്ടലിലെ അഗ്​നിശമന സംവിധാനമുപയോഗിച്ച്​ തീ അണക്കാൻ കഴിഞ്ഞു. മൂന്ന്​ പേർക്ക്​ നേരിയ ശ്വാസതടസ്സമുണ്ടായി. ഇവർക്ക്​ റെഡ്​ക്രസൻറ് പ്രാഥമിക ​ശുശ്രൂഷ നൽകിയതായും അദ്ദേഹം പറഞ്ഞു.