കോൺഗ്രസ്​​ മത്സരിക്കുന്നത് സംഘ്പരിവാറിനെതിരെ മാത്രമല്ല ഇടത് ബദൽ കാൽപനികതക്കെതിരെ -വി.ആർ അനൂപ്​

ദമ്മാം: നിലവിലെ രാഷ്​ട്രീയ ഗോദയിൽ സംഘ്​ പരിവാർ രാഷ്​ട്രീയത്തിനെതിരെ മത്സരിക്കു​േമ്പാൾ തന്നെ ബദൽ സംഘ ശക്​ത ി തങ്ങളെന്ന ഇടതുപക്ഷ പ്രസ്​ഥാനങ്ങളുടെ കാൽപനിക ചിന്തകളെ കൂടിയാണ്​ കോൺഗ്രസ്​​ പൊളിച്ചെഴുതാൻ ശ്രമിക്കുന്നതെ ന്ന്​ കോൺഗ്രസ്​ ചിന്തകനും രാജീഗാന്ധി സ്​റ്റഡി സർക്കിൽ സംസ്​ഥാന അധ്യക്ഷനുമായ വി. ആർ അനൂപ്. ദമ്മാമിൽ യൂത്ത്​​ ഇന്ത്യ സെമിനാറിൽ പ​െങ്കടുക്കാൻ എത്തിയ അദ്ദേഹം ‘ഗൾഫ്​ മാധ്യമ’വുമായി സംസാരിക്കുകയായിരുന്നു. ധൈഷണികതയുടെ മൊത്ത വ്യാപാരം തങ്ങൾക്കാണെന്ന പൊതുബോധം സൃഷ്​ടിക്കാൻ ശ്രമിക്കുന്ന ഇടതുപക്ഷം ആശയ സംവാദത്തിനുള്ള മുഴുവൻ വാതിലുകളും അടച്ചിടുകയും തങ്ങൾ മാത്രം ശരിയെന്ന മിഥ്യാബോധത്തിൽ പൊതു ഇടങ്ങളിൽ പക്ഷം പിടിക്കുകയും ചെയ്യുന്നു.

കോൺഗ്രസ്​ ഉയർത്തുന്ന മാന്യമായ പൊതുരീതികൾ ഇടതുപക്ഷത്തിന്​ വശമില്ലാത്തതാണ്​. വെൽഫയർ പാർട്ടി അടക്കമുള്ള പാർട്ടികളുടെ പിന്തുണ സ്വീകരിക്കുകയും ജയിച്ച ശേഷം അതിനെ നിഷേധിക്കുകയും ചെയ്യുന്ന നാണം കെട്ട രീതിയാണ്​ ഇടതുപക്ഷത്തി​േൻറത്​​. ​ൈഹദരാബാദ്​ യൂണിവേഴ്​സിറ്റിയിൽ എസ്​.എഫ്​.​െഎ^എസ്​ ​െഎ .ഒയുമായി സഖ്യമുണ്ടാക്കി മത്സരിക്കുകയും ജയിച്ചു കഴിഞ്ഞ ഉടനെ അതിനെ നിഷേധിച്ച്​ ‘മൗദൂദിയുടെ മയ്യിത്ത്​ ഞങ്ങൾ ഖബറടക്കുമെന്ന്’​ പ്രകടനം നടത്തുകയും ചെയ്​ത ഇരട്ടത്താപ്പ്​ എക്കാലത്തും തുടരുന്നതാണ്​. മുസ്​ലീംകൾ അടക്കമുള്ള ന്യൂനപക്ഷങ്ങളെ തെരഞ്ഞെടുപ്പിൽ ഉപയോഗിച്ചു കഴിഞ്ഞാൽ ലിബറലിസത്തിന്​ എതിരാണന്ന്​ മുദ്ര കുത്തി നിർമാർജനം ചെയ്യാൻ ശ്രമിക്കുകയാണവർ.

എന്നാൽ വെൽഫയർ പാർട്ടി നൽകിയ പിന്തുണയെ കോൺഗ്രസ്​ പാർട്ടി അംഗീകരിക്കുകയും മുതിർന്ന നേതാക്കൾ അവരുടെ പാർട്ടി ഒാഫീസിലെത്തി നന്ദി അറിയിക്കുകയും ചെയ്​തത്​ കേരളത്തിൽ ന്യൂനപക്ഷ രാഷ്​ട്രീയവുമായി കോൺഗ്രസ് ആശയ സംവാദത്തി​​െൻറ വാതിൽ തുറന്നിടുകയും അവരെ അംഗീകരിക്കുകയും ചെയ്യുന്നു എന്നതി​​െൻറ സൂചനയയാണ്​. വിയോജിപ്പുകൾ നിലനിർത്തിക്കൊണ്ട്​ ത​െന്ന സത്വരാഷ്​ട്രീയം പറയാനുള്ള അവസരങ്ങൾ നിലനിൽക്കാൻ കൂടിയാണ്​ ചെറു പാർട്ടികൾ പോലും ഇൗ തെരഞ്ഞെടുപ്പിൽ കോൺഗ്രസിനെ പിന്തുണക്കുന്നത്​.

മോദി ഏകപക്ഷീയമായി സംസാരിക്കു​േമ്പാൾ രാഹുൽ ഗാന്ധി ജനങ്ങളെ കേൾക്കുകയാണ്.​ ഇതു തന്നെയാണ്​ ഇന്നത്തെ തെരഞ്ഞെടുപ്പിലെ ഏറ്റവും ശ്രദ്ധേയമായ വിഷയവും. രാഷ്​​ട്രീയത്തെ വികസിപ്പിക്കാൻ മറ്റുള്ളവരെ കേൾക്കുകയും സ്വയം വിമർശനത്തിന്​ വിധേയമാവുകയും ചെയ്യുന്ന രാഹുൽ ഗാന്ധി സംഘ്​ പരിവാർ രാഷ്​ട്രീയത്തി​​െൻറ ഏകാധിപത്യ പ്രവണതെക്കെതിരെ വലിയ സന്ദേശങ്ങളാണ്​ നൽകുന്നത്​.