ഫലസ്​തീൻ തന്നെ മുഖ്യപരിഗണന വിഷയം -സൽമാൻ രാജാവ്​

ജിദ്ദ: ഫലസ്​തീൻ പ്രശ്​നത്തിന്​ മുഖ്യ പരിഗണനയും മുൻ​ഗണനയുമാണ്​​ സൗദി അറേബ്യ നൽകുന്നതെന്നും മുഴുവൻ അവകാശങ്ങള ും ഫലസ്​തീൻ ജനതക്ക്​ ലഭിക്കും വരെ അതു തുടരുമെന്നും​ സൗദി ഭരണാധികാരി സൽമാൻ രാജാവ്​ ആവർത്തിച്ചു. തുനീഷ്യയിൽ നടന ്ന 30ാമത് അറബ്​​ ഉച്ച​കോടിയിൽ സംസാരിക്കുകയായിരുന്നു അദ്ദേഹം​. അന്താരാഷ്​ട്ര കരാറുകളുടെയും അറബ്​ സമാധാന ശ്രമ ങ്ങളുടെയും അടിസ്​ഥാനത്തിൽ 1967 ലെ അതിർത്തികൾ നിലനിർത്തി സ്വതന്ത്ര രാജ്യമായി ഫലസ്​തീൻ മാറണമെന്നും സൽമാൻ രാജാവ്​ പറഞ്ഞു. ജൂലാൻ കുന്നുകളിലെ സിറിയയുടെ പരമാധികാരം ഇല്ലാതാക്കുന്ന ഏത്​ ശ്രമത്തേയും നടപടികളേയും തള്ളിക്കളയണം. ജനീവ പ്രഖ്യാപത്തി​​​െൻറയും സുരക്ഷ കൗൺസിൽ കരാറി​​​െൻറ അടിസ്​ഥാനത്തിൽ സിറിയൻ പ്രതിസന്ധിക്ക്​ രാഷ്​ട്രീയ പരിഹാരം ഉണ്ടാകേണ്ടതുണ്ട്​​.

സിറിയയുടെ സുരക്ഷയും ​െഎക്യവും, പരമാധികാരവും അതു ഉറപ്പാക്കും.​ വിദേശ ഇ​ടപെടലിനെ തടയുമെന്നും സൽമാൻ രാജാവ്​ പറഞ്ഞു. യമൻ പ്രശ്​ന​ പരിഹാരത്തിന്​ യു.എൻ നടത്തുന്ന എല്ലാ ശ്രമങ്ങളെയും പിന്തുണക്കും. യമനിൽ ഇറാ​​​െൻറ സഹായത്തോടെ ഹൂതികൾ നടത്തുന്ന ആക്രമങ്ങൾ നിർത്തലാക്കാൻ സമ്മർദം ചെലുത്തണമെന്ന്​ അന്താരാഷ്​ട്ര സമൂഹ​ത്തോട്​ അദ്ദേഹം ആവശ്യപ്പെട്ടു. ലിബിയയുടെ ​െഎക്യവും സുരക്ഷയും സൗദി അറേബ്യ അതിയായി ആഗ്രഹിക്കുന്നു. ഭീകരതാ ഭീഷണി ഇല്ലാതാക്കാനും ലിബിയയിൽ സമാധാനവും സുരക്ഷയും നിലനിൽക്കാനും യു.എൻ നടത്തുന്ന രാഷ്​ട്രീയ പരിഹാര ശ്രമങ്ങൾക്കും പിന്തുണയുണ്ടാകും. ഭീകരതയും തീവ്രവാദവും നിർമാർജനം ചെയ്യാൻ എല്ലാ തലങ്ങളിലും ​നൽകി വരുന്ന സഹായം തുടരും. ന്യൂസിലൻഡിലെ പള്ളിയിലെ ഭീകരാക്രമണം ഭീകരതക്ക്​ മതമോ, രാജ്യമോ ഇല്ലെന്നാണ്​ വ്യക്​തമാക്കുന്നത്​.

ഇറാൻ ഭരണ കൂടത്തി​​​െൻറ അക്രമാസക്തമായ നയങ്ങൾ എല്ലാ അന്താരാഷ്​ട്ര ഉടമ്പടികളും തത്വങ്ങളും വ്യക്​തമായി ലംഘിക്കുന്നതാണ്​. ഇൗ നയങ്ങളെ അന്താരാഷ്​ട്ര സമൂഹം നേരിടണം. അറബ്​, ഗൾഫ്​ രാജ്യ ഭരണാധികാരികൾ പ​െങ്കടുക്കുന്ന ഉച്ചകോടി തുണീഷ്യയുടെ തലസ്​ഥാനത്തെ​ കോൺ​ഫറൻസ്​ കൊട്ടാരത്തിലാണ്​ ഒരുക്കിയത്​. ജൂലാൻ കുന്നുകളിൽ ഇസ്രാലേയി​​​െൻറ അധിനിവേശം അംഗീകരിച്ചുള്ള അമേരിക്കൻ നിലപാട്​, ഖുദ്​സിനെ ഇസ്രേയേലി​​​െൻറ തലസ്​ഥാനമായി അംഗീകരിച്ച്​ നേരത്തെ നടത്തിയ പ്രഖ്യാപനം, ഇറാ​​​െൻറ ഇടപെടലുകളും വെല്ലുവിളികളും തുടങ്ങിയവയാണ്​ പ്രധാനമായും ഉച്ചകോടി ചർച്ച ചെയ്തത്​. 20 ഒാളം വിഷയങ്ങളും പദ്ധതികളും ചർച്ച ചെയ്യുമെന്ന്​ വക്​താവ്​ മഹ്​മൂദ്​ അൽഖുമൈരി നേരത്തെ വ്യക്​തമാക്കിയിരുന്നു. ​