പ്രവാസികളുടെ പ്രതിസന്ധി ചൂഷണം ചെയ്​ത്​ മലയാളി മദ്യലോബി; നാട്ടിൽ പോകാൻ പണമില്ലാതെ വിഷമിച്ച കുടുംബത്തെ ഇരയാക്കി

ദമ്മാം: ഇടവേളക്ക്​ ശേഷം സൗദിയിൽ മലയാളികൾ ഉൾപെട്ട മദ്യക്കടത്ത്​ കേസ്​ വർധിച്ചതായി റിപ്പോർട്ട്​ . ബഹ്​റൈനിൽ ന ിന്ന്​ സൗദിയിലേക്ക്​ മദ്യം കടത്താൻ ശ്രമിച്ച മലയാളി കുടുംബം അടക്കം 16 ഒാളം പേരാണ്​ കഴിഞ്ഞ ഒരു മാസത്തിനുള്ളിൽ പെ ാലീസ്​ പിടിയിലായത്​. മദ്യക്കടത്തിന്​ ചുക്കാൻ പിടിക്കുന്നവർ രക്ഷപ്പെടുകയും ‘ഇരകൾ’ പിടിയിലാവുകയും ചെയ്യുന്നു . ബഹ്​റൈനിൽ താമസിക്കുന്ന മലയാളി കുടുംബം ജോലി സംബന്ധമായ കാരണങ്ങളാൽ സാമ്പത്തിക പ്രതിസന്ധിയിലാവുകയും നാട്ടിൽ പ ോകാൻ വഴികാണാതെ പ്രയാസപ്പെടുകയും ചെയ്​ത സമയത്താണ്​ മദ്യക്കടത്ത്​ ലോബിയുടെ വലയിൽ അകപ്പെട്ടത്​. തങ്ങൾ തരുന്ന പെട്ടി സൗദിയിൽ എത്തിച്ചാൽ നാട്ടിൽ പോകുന്നതിനുള്ള ചെലവിന്​ പണം തരാം എന്നായിരുന്നത്രെ വാഗ്​ദാനം.

ഒന്നരയും ഏഴും വയസ്സുള്ള രണ്ട്​ കുട്ടികളും ഭാര്യയുമൊത്ത്​ കോസ്​വെയിലെത്തിയ എറണാകുളം സ്വദേശിയുടെ പക്കൽ നിന്ന്​ കസ്​റ്റംസ്​ ഉദ്യോഗസ്​ഥർ പിടി​െച്ചടുത്തത്​ 120 കുപ്പി മദ്യമാണ്​. രണ്ട്​ ദിവസം പൊലീസ്​ കസ്​റ്റഡിയിൽ വെച്ചതിന്​ ശേഷം ഭാര്യയെയും കുട്ടികളേയും ബഹ്​റൈനിലേക്ക്​ തിരിച്ചയച്ചുവെങ്കിലും എറണാകുളം സ്വദേശി ​േകാസ്​വേ ഗാർഡി​​െൻറ കീഴിലുള്ള ജയിലിലാണുള്ളത്​. ദമ്മാമിൽ പെട്ടി ​ൈകമാറേണ്ട ആളുടെ ഫോൺ നമ്പർ പോലും ഇവർ തന്നിരുന്നില്ലെന്ന്​ ഇയാൾ പറയുന്നു. സമാനമായ മദ്യക്കടത്ത്​ കേസിൽ 60 മദ്യക്കുപ്പികളുമായി കോസ്​വേയിൽ പിടിയിലായ വയനാട്​ സ്വദേശിയേയും കുടുക്കിയത്​ വൻറാക്കറ്റ്​ തന്നെയാണ്​. നാട്ടിൽ മാതാവിന്​ കാൻസറും, പെങ്ങൾക്ക്​ മാനസികരോഗവും ബാധിച്ച്​ തകർന്ന കുടുംബത്തി​​െൻറ ഏക അത്താണിയായിരുന്നു യുവാവ്​. ബഹ്​റൈനിലേക്കുള്ള ടാക്​സിക്ക്​ ഒാട്ടം നൽകിയാണ്​ ഇൗ സംഘം ചെറുപ്പക്കാരനെ കുടുക്കിയത്. ബഹ്​​ൈറനിൽ നിന്ന്​ തിരിച്ചുവരു​േമ്പാൾ സിഗററ്റ്​ പെട്ടികൾ ത​​െൻറ കൈയിൽ തന്നുവിടാറുണ്ടായിരുന്നെന്ന്​ ഇയാൾ പറയുന്നു.

കഴിഞ്ഞ ദിവസം പിടിക്കപ്പെട്ടപ്പോൾ മാത്രമാണ്​ അതിനകത്ത്​ മദ്യമായിരുന്നുവെന്ന് തിരിച്ചറിഞ്ഞത്​. ഇയാൾക്ക്​ ഇതു​ നൽകിയ ആളുമായി സൗദിയിലെ സാമൂഹിക പ്രവർത്തകർ ബന്ധപ്പെ​െട്ടങ്കിലും തനിക്കൊന്നുമറിയില്ലെന്നും ഹോട്ടലിൽ നിന്നുള്ള അറിയിപ്പ്​ അനുസരിക്കുക മാത്രമാണ്​ ചെയതതെന്നുമാണ്​ ഇയാളുടെ വാദം. ആലപ്പുഴ, വയനാട്​ സ്വദേശികളായ ചിലരാണ്​ മദ്യക്കടത്തിന്​ ചുക്കാൻ പിടിക്കുന്നത് എന്നാണ്​ വിവരം. ഇവർക്ക്​ രാജ്യങ്ങൾ നീളുന്ന ഉന്നത ബന്ധമാണുള്ളത്​. നാട്ടിൽ നിന്ന്​ യുവാക്കളെ ഡ്രൈവർ വിസയിൽ കൊണ്ടുവന്ന്​ ബഹ്​​ൈറനിലേക്ക്​ ഒാട്ടം നൽകി അവരെ വശത്താക്കിയ ശേഷമാണ് മദ്യക്കടത്തിന്​ ​ ഉപയോഗിക്കുന്നത്​. ഇവരറിയാതെ ഇവരുടെ വണ്ടികളുടെ സീറ്റിനടിയിലും മറ്റും മദ്യക്കുപ്പികൾ തിരുകി കടത്താറുണ്ട്​. മൂന്ന്​ ആഴ്​ച മുമ്പ്​ പിടിയിലായി തുഖ്​ബ ജയിലിൽ കഴിയുന്ന തിരൂർ സ്വദേശിക്ക്​ സമാനമായ അനുഭവമാണ്​ ​ പറയാനുള്ളത്​.

നേരത്തെ മദ്യനിർമാണത്തിന്​ പിടിക്കപ്പെട്ട്​ നാട്ടിലേക്ക്​ അയക്കപ്പെട്ടവർ വരെ ഇക്കൂട്ടത്തിലുണ്ട്​. വിരലടയാളം രേഖപ്പെടുത്താൻ തുടങ്ങിയതോടെ ഇത്തരം കുറ്റവാളികൾ തിരിച്ചെത്തുന്നതിന്​ കുറവ്​ വന്നിരുന്നു. കുറ്റകൃത്യങ്ങളിലും കാര്യമായ കുറവുണ്ടായിരുന്നു. എന്നാൽ പെട്ടന്ന്​ പണമുണ്ടാക്കാൻ മോഹിച്ചും ആളുകൾ ഇവരുടെ കെണികളിൽ പെടാറുണ്ട്​. ബഹ്​റൈനിൽ നിന്ന്​ സൗദിയിലെത്തുന്ന മദ്യക്കുപ്പികൾക്ക്​ പൊന്നിൻ വിലയാണ്​. വ്യാഴം, വെള്ളി ദിവസങ്ങളിൽ ഉച്ച മുതൽ തുടങ്ങുന്ന കച്ചവടത്തിൽ സമയം ഏറു​ന്നതിനനുസരിച്ച്​ കുപ്പിയുടെ വിലയും ഏറിക്കൊണ്ടിരിക്കും. എന്നാലും ആവ​ശ്യക്കാരുടെ ഒാർഡർ അനുസരിച്ച്​ സാധനങ്ങൾ എത്തിക്കാൻ കഴിയുന്നില്ലെന്നാണ് ഏജൻറുമാരുടെ പരാതി. അടുത്തടുത്തായി മദ്യക്കടത്തുമായി ബന്ധപ്പെട്ട്​ ഇത്രയേറെ ആളുകൾ പിടിക്ക​പ്പെട്ടതോടെ പൊലീസും, കസ്​റ്റംസ്​ ഉദ്യോഗസ്​ഥരും കൂടുതൽ ജാഗ്രത പാലിക്കുന്നുണ്ട്​.