യാമ്പു പുഷ്​പമേളയിൽ ഞാവൽ പഴത്തോട്ടം

യാമ്പു: ഏറെ പുതുമകൾ നിറഞ്ഞതാവും ഇത്തവണത്തെ യാമ്പു പുഷ്‌പോത്സവമെന്ന് സംഘാടക സമിതി അധ്യക്ഷനും റോയൽ കമീഷൻ ഇറിഗ േഷൻ ആൻറ് ലാൻഡ് സ്കേപ്പിങ് ഡയറക്ടറുമായ എൻജി. സാലിഹ് അൽ സഹ്‌റാനി. സംഘാടനത്തിനിടയിൽ ‘ഗൾഫ് മാധ്യമ’ ത്തിന് അനുവദിച് ച അഭിമുഖത്തിൽ സംസാരിക്കുകയായിരുന്നു അദ്ദേഹം. ‘സ്ട്രോബെറി ഗാർഡൻ’ ആയിരിക്കും ഈ വർഷത്തെ മേളയിലെ മുഖ്യആകർഷണം. എല ്ലാ വിഭാഗത്തിലും പെട്ട സന്ദർശകർക്ക് ഉല്ലസിക്കുവാനും കൃഷിയിലും മറ്റു പരിസ്ഥിതി വിഷയങ്ങളിലും അവബോധം നൽകുവാനുമുള്ള വിവിധ കോർണറുകൾ പ്രത്യേകം ഒരുക്കിയിട്ടുണ്ടെന്ന്​ സഹ്‌റാനി പറഞ്ഞു. കഴിഞ്ഞ വർഷത്തെ മേളയിൽ സ്വദേശികൾ കഴിഞ്ഞാൽ ഏറ്റവും കൂടുതൽ ഇന്ത്യക്കാരായിരുന്നു സന്ദർശകർ.

രണ്ട് ദശലക്ഷം പേർ കഴിഞ്ഞ വർഷം മേള സന്ദർശിച്ചതായി അദ്ദേഹം പറഞ്ഞു. ഈ വർഷം കൂടുതൽ പേരെ പ്രതീക്ഷിക്കുന്നു. പ്രദർശനങ്ങളോടൊപ്പം കലാ സാംസ്കാരിക വിനോദ പരിപാടികളും നഗരിയിൽ അരങ്ങേറും. പരിസ്ഥിതി സംരക്ഷണത്തി​​െൻറ പ്രാധാന്യം സമൂഹത്തിന് ബോധ്യപ്പെടുത്താനുതകുന്ന വിവിധ പ്രദർശനങ്ങളും മേളയോടനുബന്ധിച്ച് നടക്കും. ചെടികളുടെയും പൂക്കളുടെയും സൗന്ദര്യബോധം സമൂഹത്തിന് പകുത്തു നൽകാനും പരിസ്ഥിതി സൗഹൃദ പ്രവർത്തനങ്ങൾ പ്രോത്സാഹിപ്പിക്കുവാനുമാണ് ‘റോയൽ കമീഷൻ’ മേള സംഘടിപ്പിച്ചുവരുന്നത്. ഫെബ്രുവരി 28 ന്​ മേള ആരംഭിക്കും. പതിമൂന്നാത്​ പുഷ്പമേളക്ക് റോയൽ കമീഷനിലെ യാമ്പു ജിദ്ദ ഹൈവേ റോഡിനോട് ചേർന്ന അൽ മുനാസബാത്ത് ഉദ്യാനത്തില്‍ വർണാഭമായ ഒരുക്കങ്ങൾ പൂർത്തിയായി വരികയാണ്​.

ഫെബ്രുവരി 28 ന് വൈകുന്നേരം നടക്കുന്ന ഔപചാരിക ഉദ്‌ഘാടനത്തോടെ തുടക്കം കുറിക്കുന്ന ഉൽസവം മാർച്ച് 30 വരെ തുടരും. ഉദ്ഘാടനത്തിന് ശേഷം വൈകുന്നേരം നാല്​ മണി മുതൽ രാത്രി 10 വരെയാണ് സന്ദർശന സമയം. പ്രവേശനം സൗജന്യമാണ്. ദൃശ്യവിസ്മയം പകരുന്ന പൂക്കളുടെ കലവറ തന്നെയാണ് ഈ വർഷവും മേളയിലെ ആകർഷണം. നിറക്കൂട്ടുകൾക്കൊപ്പം പൂക്കളുടെ വിന്യാസത്തിലെ നൂതനാശയങ്ങളും എളുപ്പവഴികളും പങ്കുവെക്കുന്ന സ്​റ്റാളുകളും ദൃശ്യമാതൃകകളും നഗരിയിൽ സംവിധാനിക്കുന്നുണ്ട്. ഇതിനകം പ്രസിദ്ധമായ യാമ്പു പുഷ്പമേളയിലെ പൂപരവതാനി ലോകത്തിലെ ഏറ്റവും വലുതാണ്​. രണ്ട് തവണ ഗിന്നസ് റെ​േക്കാർഡിൽ ഇത്​ ഇടം പിടിച്ചിട്ടുണ്ട്​. കഴിഞ്ഞ വർഷത്തെ മേളയിൽ ‘പക്ഷി പാർക്കും ചിത്ര ശലഭ ഉദ്യാനം’ ഒരുക്കിയത്​ ശ്രദ്ധേയമായിരുന്നു. ഈ വർഷവും അത് ഒരുക്കുന്നുണ്ട്​.