ദുൽപക്ക് ഒരു വീട്: പനോരമ ഭവനദാന സമർപ്പണം ഇന്ന്
text_fieldsദമ്മാം: പത്തനം തിട്ട ജില്ലയിലെ പ്രവാസി കൂട്ടായ്മയായ ‘പനോരമ’യുടെ ഒമ്പതാം വാർഷികവും ഭവനദാന പദ്ധതിയും വെള്ള ിയാഴ്ച ൈവകുന്നേരം ബദർ അൽ റാബി ഒാഡിറ്റോറിയത്തിൽ നടക്കും. ഇൻറർനാഷനൽ ഇന്ത്യൻ സ്കൂൾ മുൻപ്രിൻസിപ്പൽ ഡോ. മുഹമ്മദ് ഷാഫി മുഖ്യാതിഥിയായിരിക്കും. പത്തനം തിട്ട സ്വദേശിയെ വിവാഹം കഴിച്ച, വിധവയായ ശ്രീലങ്കൻ സ്വദേശിനി ദുൽപക്കും മക്കൾക്കുമായി പനോരമ 18 ലക്ഷം രൂപ ചെലവിൽ നിർമിച്ചു നൽകിയ വീടിെൻറ സമർപ്പണ പരിപാടിയും ഇതോടനുബന്ധിച്ച് നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. സാമൂഹ്യ സേവന രംഗത്തും, ബിസിനസ് രംഗത്തും ശ്രദ്ധേയമായ നേട്ടങ്ങൾ കൈവരിച്ച പത്തനം തിട്ട സ്വദേശികളായ തങ്കച്ചൻ ജോൺ കീപ്പള്ളിലിനെയും, പ്രവാസി വിഷയങ്ങളിൽ സജീവ ഇടപെടലുകൾ നടത്തുന്ന എബ്രഹാം വലിയ കാലയേയും, ഗോവയിൽ നടന്ന നാഷനൽ മാസ്റ്റേഴ്സ് ബാഡ്മിൻറൺ ചാമ്പ്യൻഷിപ്പിൽ കേരളെത്ത പ്രതിനിധീകരിച്ച ജോർജ് പുത്തൻ മഠത്തിലിനേയും ചടങ്ങിൽ ആദരിക്കും. ഭാരത് സ്കൗട്ട് ആൻറ് ഗൈഡിെൻറ ആഭിമുഖ്യത്തിൽ മധ്യപ്രദേശിലെ പഞ്ച് മരിയയിൽ സമാപിച്ച അന്താരാഷ്ട്ര അഡ്വഞ്ചർ ക്യാമ്പിൽ ദമ്മാം സ്കൂളിനെ പ്രതിനിധീകരിച്ച പനോരമ അംഗം അനന്യ ബിനുവിന് പ്രത്യേക ഉപഹാരം സമർപ്പിക്കും. കാൽനൂറ്റാണ്ട് കഴിഞ്ഞ ദമ്പതികളേയും അംഗങ്ങളേയും ചടങ്ങിൽ ആദരിക്കും. തുടർന്ന് പനോരമ അംഗങ്ങൾ ഒരുക്കിയ നാടകം ഉൾപെടെ കലാപരിപാടികൾ അരങ്ങേറും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.