ഖാലിദിയ ആര്‍.പി.എം സൂപർ കപ്പ് സോക്കർ മേളക്ക് തുടക്കം

ദമ്മാം: ഖാലിദിയ സ്‌പോട്‌സ് ക്ലബി​​​െൻറ 20ാം വാര്‍ഷികത്തോടനുബന്ധിച്ച് സംഘടിപ്പിക്കുന്ന ആര്‍.പി.എം സൂപര്‍ കപ്പ ് സോക്കർ മേളക്ക് ദമ്മാം ഹദഫ് സ്​റ്റേഡിയത്തിൽ തുടക്കമായി. മാർച്ച് പാസ്​റ്റോടെയാണ്​ പരിപാടി ആരംഭിച്ചത്​. ദമ്മ ാം ഇന്ത്യൻ സ്കൂൾ ഭരണസമിതി ചെയർമാൻ സുനിൽ മുഹമ്മദ്, ഡിഫ പ്രസിഡൻറ്​ വില്‍ഫ്രഡ് ആന്‍ഡ്രൂസ്, സിഫ്​കോ സെക്രട്ടറി ജന റൽ ഡോ. അബ്​ദുസ്സലാം എന്നിവർ സല്യൂട്ട് സ്വീകരിച്ചു. മത്സരാടിസ്ഥാനത്തിൽ നടന്ന മാർച്ച്​ പാസ്​റ്റിൽ സ്കെഡിങ്​, സാക്സോഫോൺ എന്നിവ അണിനിരത്തി ശ്രദ്ധേയ പ്രകടനം കാഴ്ച്ചവെച്ച യു.എഫ്​.സി ഖോബാർ ഒന്നാം സ്ഥാനവും സൗദിയുടെയും ഇന്ത്യയുടെയും കലാരൂപങ്ങളുടെ അണിനിരത്തിയ യൂത്ത് ക്ലബ് രണ്ടാം സ്ഥാനവും ദല്ല എഫ്.സി മൂന്നാം സ്ഥാനവും കരസ്ഥമാക്കി.

വില്‍ഫ്രഡ് ആന്‍ഡ്രൂസ് ആദ്യ വിസിലിൽ സാൻഫോഡ് റിജനൽ മാനേജർ ഖാസിം യഹ്​യ അൽഗസ്വാനി കിക്കോഫ് നിർവഹിച്ചു. എം.എം നയീം, സി.കെ ഷഫീക്, ഉണ്ണി ഏങ്ങണ്ടിയൂർ, റഫീഖ്​, അമീൻ വി. ചൂനൂർ, യൂസുഫ് വേങ്ങര, നൗശാദ് ഇരിക്കൂർ തുടങ്ങിയവർ പങ്കെടുത്തു. ടൂർണമ​​െൻറ്​ കമ്മിറ്റി കൺവീനർ മൻസൂർ മങ്കട അധ്യക്ഷത വഹിച്ചു. ചെയർമാൻ തോമസ് തൈപ്പറമ്പിൽ സ്വാഗതം പറഞ്ഞു.
ഉദ്​ഘാടന ദിവസം രണ്ട്​ മത്സരങ്ങൾ നടന്നു. ആദ്യ മത്സരത്തിൽ ഇംകോ അൽഖോബാറും രണ്ടാമത്തെ മത്സരത്തിൽ റോയൽ ട്രാവൽസ് ബദർ എഫ്​.സിയും വിജയിച്ചു.

ബദറി​​​െൻറ ഹസൻ ടൂർണമ​​െൻറിലെ ആദ്യ ഹാട്രിക്ക് നേടി. സഹീർ വയനാട്, ഹസൻ എന്നിവർ മികച്ച കളിക്കാരായി. ഇവർക്കുള്ള മാൻ ഓഫ് ദ മാച്ച് പുരസ്‍കാരങ്ങൾ സകീർ വള്ളക്കടവ്, റസാഖ് ചേരിക്കൽ, അഷ്‌റഫ് തലപ്പുഴ എന്നിവർ സമ്മാനിച്ചു. സൗദി റഫറിമാരായ മുഹമ്മദ് താബിത്, ഖാലിദ് അൽ ഖാലിദി, ഹാനി എൽ. അൽഷഹ്‌റാനി എന്നിവർ കളി നിയന്ത്രിച്ചു. ഏഴു ആഴ്​ചകളായി നടക്കുന്ന ടൂർണമ​​െൻറി​​​െൻറ കലാശപ്പോരാട്ടം മാർച്ച് 15 ന് നടക്കും.

അബീദലി മങ്കട, ശക്കിർ ഹുസൈൻ, മുജീബ് കളത്തിൽ, പ്രശാന്ത്, ദീപക്​ ഒറ്റപ്പാലം, ദീപക്​ പട്ടാമ്പി, നിസാർ അത്തോളി, സാബിത് പാവറട്ടി, ഷഫീർ മുഹമ്മദ് എന്നിവർ നേതൃത്വം നൽകി.