ടി.സി.സി അദ്നാൻ ക്രിക്കറ്റിൽ ടി.എം.സി.സി ദമ്മാം ചാമ്പ്യന്മാർ

റിയാദ്​: തലശ്ശേരി ക്രിക്കറ്റ് ക്ലബ് (ടി.സി.സി) റിയാദ് നടത്തിയ പ്രഥമ അദ്നാൻ ഇൻഡോർ ക്രിക്കറ്റ് പ്രീമിയർ ലീഗ്​ ടൂ ർണമ​​െൻറിൽ ടി.എം.സി.സി ദമ്മാം ചാമ്പ്യന്മാരായി. റിയാദ്​ ഇസ്കാനിലെ അർകാൻ ഇൻഡോർ കോംപ്ലക്സിൽ നടന്ന പ്രീമിയർ ലീഗ്​ മത്സരങ്ങളിൽ 12 ടീമുകളാണ് മാറ്റുരച്ചത്​. ആതിഥേയരായ ടി.സി.സി​ റിയാദിനെയാണ്​ ടി.എം.സി.സി ദമ്മാം ഫൈനലിൽ പരാജയപ്പെടുത്തിയത്.

ഫൈനൽ മത്സരത്തിലെ മികച്ച കളിക്കാരനായി ശാമിലും ടൂർണമ​​െൻറിലെ മികച്ച ബാറ്റ്​സ്​മാനായി ദിൽഷാദും, മികച്ച ബൗളറായി മഹ്​റൂഫും തെരഞ്ഞെടുക്കപ്പെട്ടു. സ്ത്രീകൾക്കും കുട്ടികൾക്കും ബാഡ്മിൻറൺ, ത്രോ ബാൾ, ഫുട്​ബാൾ തുടങ്ങിയ കായിക മത്സരങ്ങളും വിവിധ ഫൺ ഗെയിംസുകളും ഇതോടൊപ്പം സംഘടിപ്പിച്ചു. ബാഡ്മിൻറണിൽ നിഷാന ജംഷീദും ഷാസിയ നജാഫും ത്രോ ബാളിൽ ടീം ടോപ്പാസും ഫുട്​ബാളിൽ ലിവർപൂൾ കിഡ്‌സും ജേതാക്കളായി. വെറ്ററൻസ് ക്രിക്കറ്റ് മത്സരത്തിൽ പ്രേംനസീർ ടീം ജയൻ ടീമിനെ തോൽപിച്ചു. കുട്ടികളുടെ നൃത്തനൃത്യങ്ങൾ, ഫാഷൻ ഷോ എന്നിവയും അരങ്ങേറി. തലശ്ശേരിയുടെ തനതായ മാപ്പിളപ്പാട്ട്​ പാടിയാണ് ക്രിക്കറ്റ്​ ടീമുകളെയും ഇൻഡോർ സ്​റ്റേഡിയത്തിലേക്ക്​ ആനയിച്ചത്.

തലശ്ശേരിയുടെ തനത്​ ഭക്ഷണ വിഭവങ്ങൾ നിരന്ന ഭക്ഷ്യ സ്​റ്റാളുകളുമുണ്ടായിരുന്നു. ഉദ്​ഘാടന ചടങ്ങിൽ ടി.സി.സി.ഐ.പി.എൽ ഓർഗനൈസിങ് കമ്മിറ്റി പ്രസിഡൻറ്​ അൻവർ സാദത് അധ്യക്ഷത വഹിച്ചു. ഡോ. അബ്​ദുസ്സലാം ഉദ്​ഘടനം ചെയ്​തു. ശിഹാബ് കൊട്ടുകാട്, മൈമൂന അബ്ബാസ് എന്നിവർ സമ്മാനങ്ങൾ വിതരണം ചെയ്​തു.