ഇസ്​മാഇൗ​ലിെൻറ അപകടമരണം: ജിദ്ദയിലെ പ്രവാസികൾക്ക്​ നോവോർമ

ജിദ്ദ: ദീർഘകാലം ജിദ്ദയിൽ പ്രവാസജീവിതം നയിച്ച്​ മതസാമൂഹിക സാംസ്​കാരിക വിദ്യാഭ്യാസ മേഖലകളിൽ രണ്ട് പതിറ്റാണ്ട ിലേറെ സജീവസാന്നിധ്യമായിരുന്ന കോഴിക്കോട്​ ചേന്ദമംഗല്ലൂർ സ്വദേശി വി.കെ ഇസ്​മാഇലി​​െൻറ അപകടമരണ വാർത്ത ജിദ്ദ യിലെ പ്രവാസികൾക്ക്​ ​െഞട്ടലായി.
വ്യാഴാഴ്​ച രാവിലെ 11 മണിക്ക് കോഴിക്കോട്​ ചാത്തമംഗലം എൻ.ഐടിക്ക് സമീപമുണ്ട ായ വാഹനാപകടത്തിൽ സഹപ്രവർത്തകനും സുഹൃത്തുമായ പേരാമ്പ്ര സ്വദേശി മുഹമ്മദ് താജുദ്ദീനോടൊപ്പം കോഴിക്കോട് മെഡിക്കൽ കോളജിൽ രോഗിയെ സന്ദർശിച്ച് വരുമ്പോഴായിരുന്നു അപകടം. അപകടത്തിൽ രണ്ടുപേരും മരിച്ചു.

ഇരുപത് വർഷക്കാലം ജിദ്ദയിലെ സൗദി കേബിളിൽ ജോലി ചെയ്​ത ഇസ്​മാഇൗൽ പ്രവാസ ജീവിതം അവസാനിപ്പിച്ചതിന് ശേഷം ചേന്ദമംഗല്ലൂരിൽ കെ.സി ഫൗണ്ടേഷന് കീഴിലെ സ്​കൂൾ ഓഫ് ഖുർആൻ ആൻറ് സയൻസി​​​െൻറ ജനറൽ മനേജറായി പ്രവർത്തിച്ച് വരികയായിരുന്നു. ഏത് പ്രതിസന്ധികൾക്കിടയിലും സുസ്​മേരവദനനായി മാത്രമേ ഇസ്​മാഇൗലിനെ കാണാൻ കഴിഞ്ഞിരുന്നുള്ളൂവെന്നും വിളിച്ചാൽ വിളിപ്പുറത്ത് എത്തുന്ന നിസ്വാർഥനായ പ്രവർത്തകനായിരുന്നു എന്നും തനിമ സാംസ്​കാരിക വേദി അഖില സൗദി മുൻ പ്രസിഡൻറ് സി.കെ മുഹമ്മദ് നജീബ്​ അനുസ്​മരിച്ചു. ഹജ്ജ് വളണ്ടിയറായും ശറഫിയ്യയിലെ ഇമാം ബുഖാരി മദ്രസയിലെ അധ്യാപകനെന്ന നിലയിലും പ്രതിബദ്ധത തെളിയിച്ച വ്യക്തിത്വമായിരുന്നു. തനിമയുടെ സജീവ പ്രവർത്തകനായിരുന്ന അദ്ദേഹം പറയുന്നതിനേക്കാൾ കൂടുതൽ കർമരംഗത്ത് ശോഭിച്ചു.

എന്തിനേയും പുഞ്ചിരിച്ച് കൊണ്ടല്ലാതെ അദ്ദേഹം സമീപിക്കുമായിരുന്നില്ല. ചേന്ദമംഗല്ലൂർ ഇസ്​ലാഹിയ അസോസിയേഷൻ ജിദ്ദ ചാപ്റ്ററി​​െൻറ മുഖ്യസാരഥികളിൽ ഒരാളായിരുന്നു. ഏതാനും വർഷം മുമ്പ് വിദ്യാർഥികളുടെ വൈജ്ഞാനിക വളർച്ചക്ക് വേണ്ടി ഇസ്​ലാഹിയ അസോസിയേഷൻ ജിദ്ദ ചാപ്റ്റർ നിരവധി ആകർഷകമായ പരിപാടികൾ സംഘടിപ്പിച്ചിരുന്നു. കുട്ടികൾക്കുള്ള ഖുർആൻ പരായണ മത്സരം, വായനാ മത്സരം, ചിത്ര രചന, ലിറ്റിൽ ജർണലിസ്​റ്റ് േപ്രാഗ്രാം തുടങ്ങിയവ ശ്രദ്ധേയമായ പരിപാടികളായിരുന്നു. അതെല്ലാം ആസൂത്രണം ചെയ്യുന്നതിലും നടപ്പാക്കുന്നതിലും അസാമാന്യമായ കഴിവായിരുന്നു ഇസ്​മാഇൗൽ പ്രകടിപ്പിച്ചതെന്ന് സഹപ്രവർത്തകരായ ഇസ്​മാഇൗൽ പുല്ലങ്കോടും ഷമീം ചേന്ദമംഗല്ലൂരും പറഞ്ഞു.