ഭൂരിപക്ഷം യാത്രക്കാർക്കും സൗദി വിമാനത്താവളങ്ങളിൽ​ സംതൃപ്​തി

റിയാദ്​: സൗദി വിമാനത്താവളങ്ങളുടെ സേവന നിലവാരം മെച്ചപ്പെടുത്താൻ സ്വീകരിച്ച നടപടികൾ തൃപ്​തികരമെന്ന്​ റിപ്പേ ാർട്ട്​. രാജ്യത്തെ പ്രധാനപ്പെട്ട വിമാനത്താവളങ്ങളെ കുറിച്ച്​ ഭൂരിപക്ഷം യാത്രക്കാരും സംതൃപ്​തി രേഖപ്പെടുത്തി യ റിപ്പോർട്ട്​ ജനറൽ അതോറിറ്റി ഒാഫ്​ സിവിൽ ഏവിയേഷൻ (ജി.എ.സി.എ) പുറത്തുവിട്ടു. റിയാദ്​ കിങ്​ ഖാലിദ്​, ജിദ്ദ കിങ്​ അബ്​ദുൽ അസീസ്​, ദമ്മാം കിങ്​ ഫഹദ്​, മദീന അമീർ മുഹമ്മദ്​ ബിൻ അബ്​ദുൽ അസീസ്​ അന്തർദേശീയ വിമാനത്താവളങ്ങളെ കുറിച്ച്​ 73 ശതമാനം യാത്രക്കാരും തൃപ്​തികരമെന്ന്​ ​അഭിപ്രായപ്പെട്ടതായി റിപ്പോർട്ടിൽ പറയുന്നു. ജനുവരിയിൽ നടത്തിയ സർവേ റിപ്പോർട്ടാണിത്​. ഒരു മാസത്തിനിടെ ആറ്​ ലക്ഷത്തിലേറെ യാത്രക്കാർ സർവേയിൽ അഭിപ്രായം രേഖപ്പെടുത്തി. ഇവരിൽ 73 ശതമാനം ആളുകളും വിമാനത്താവളങ്ങളുടെ നിലവാരം ഉയർന്നെന്നും സേവനം തൃപ്​തികരമായെന്നും അഭിപ്രായപ്പെട്ടു​.

വ്യക്​തിഗത വിലയിരുത്തലിൽ മദീനയിലെ അമീർ മുഹമ്മദ്​ ബിൻ അബ്​ദുൽ അസീസ്​ വിമാനത്താവളമാണ്​ യാത്രക്കാർക്ക് തൃപ്​തികരമായ സേവനം നൽകുന്ന കാര്യത്തിൽ മുന്നിൽ, 77 ശതമാനം.​ രണ്ടാം സ്ഥാനത്ത്​ 76 ശതമാനവുമായി ദമ്മാമിലെ കിങ്​ ഫഹദ്​ വിമാനത്താവളമാണ്​. റിയാദ്​ കിങ്​ ഖാലിദ്​ വിമാനത്താവളം 73 ശതമാനവും ജിദ്ദ കിങ്​ അബ്​ദുൽ അസീസ്​ വിമാനത്താവളം 59 ശതമാനവും യാത്രക്കാരുടെ തൃപ്​തി പിടിച്ചുപറ്റി. അതോറിറ്റിയുടെ കീഴിലുള്ള ഗുണമേന്മ, ഉപഭോക്തൃ സംരക്ഷണ സമിതിയാണ്​ മാസാന്ത റിപ്പോർട്ട്​ തയാറാക്കിയത്​. ലോകോത്തര നിലവാരത്തിൽ രാജ്യത്തെ മുഴുവൻ അന്താരാഷ്​ട്ര വിമാനത്താവളങ്ങളുടെയും ഗുണമേന്മയും സേവനവും മെച്ചപ്പെടുത്താൻ നടത്തുന്ന പ്രവർത്തനങ്ങളുടെ ഭാഗമാണ്​ പ്രതിമാസ സർവേയും. ‘വിഷൻ 2030’യുടെ പരമാവധി മികവ്​ എന്ന ലക്ഷ്യത്തി​​​െൻറ ഭാഗമാണ്​ വിമാനത്താവളങ്ങളുടെ നിലവാരം ലോകോത്തരമാക്കാനുള്ള പദ്ധതികളും.

ഗുണമേന്മ, ഉപഭോക്തൃ സംരക്ഷണ സമിതി ജനറൽ ഡയറക്​ടറേറ്റ്​ കൃത്യമായ ഇടവേളകളിട്ട്​ വിമാനത്താവളങ്ങൾ സന്ദർശിച്ച് വിലയിരുത്തൽ നടത്തുകയും യാത്രക്കാരുടെ അഭിപ്രായം ചോദിച്ചറിഞ്ഞ്​ വിവരങ്ങൾ രേഖപ്പെടുത്തുകയും ചെയ്യുന്നു. ​വിമാനത്താവളങ്ങളിലെ എട്ട്​ വിഭാഗങ്ങളുടെ ഗുണമേന്മയും സേവന നിലവാരവും വർദ്ധിപ്പിക്കാൻ നാഷനൽ ഇൻഡസ്​ട്രിയൽ ഡവലപ്​മ​​െൻറ്​ ആൻഡ്​ ലോജിസ്​റ്റിക്​ പ്രോഗ്രാം (എൻ.​െഎ.ഡി.എൽ.പി) എന്ന സമഗ്ര പദ്ധതി അടുത്തിടെ നടപ്പാക്കി തുടങ്ങിയിരുന്നു. വിഷൻ 2030​​​െൻറ ഭാഗമാണിത്​. വിമാനത്താവള വികസന പ്രവർത്തനങ്ങൾ, എയർ കാർഗോ സർവീസ്​, ഏവിയേഷൻ സേഫ്​റ്റി, നാവിഗേഷൻ സിസ്​റ്റം ഡവലപ്​മ​​െൻറ്​, വിമാന സർവീസ്​ ക്രമീകരണം, ആഭ്യന്തര യാത്രാക്കൂലി പുനഃപരിശോധന, ആഭ്യന്തര വിമാനകമ്പനികളുടെ പരിപാലനം, ടെക്​നോളജി ആൻഡ്​ ഇന്നവേഷൻ ഡവലപ്​മ​​െൻറ്​, യാത്രക്കാരുടെ സേവന വിഭാഗം എന്നിവയുടെ ഗുണനിലവാരം മെച്ചപ്പെടുത്താനുള്ള പ്രോഗ്രാമാണിത്​.