Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightഅനുഭവങ്ങളുടെ...

അനുഭവങ്ങളുടെ നിറമനസ്സുമായി ഡോ. മുഹമ്മദ്​ ഷാഫി മടങ്ങുന്നു

text_fields
bookmark_border
അനുഭവങ്ങളുടെ നിറമനസ്സുമായി ഡോ. മുഹമ്മദ്​ ഷാഫി മടങ്ങുന്നു
cancel

ദമ്മാം: നാലു പതിറ്റാണ്ടിലേറെ നീണ്ട അധ്യാപന വൃത്തിയുടെ അനുഭവങ്ങളുമായി ഡോ. മുഹമ്മദ്​ ഷാഫി ഒൗദ്യോഗിക ജീവിതത്തിൽ നിന്ന്​ വിടവാങ്ങുന്നു. മിഡിലീസ്​റ്റിലെ ഏറ്റവും കൂടുതൽ കുട്ടികൾ പഠിക്കുന്ന ദമ്മാം ഇൻറർനാഷനൽ ഇന്ത്യൻ സ്​കൂളിനെ 13 കൊല്ലത്തിലേറെ നയിച്ച്​ നേട്ടത്തി​​​െൻറ നെറുകയിൽ എത്തിച്ചാണ്​ യാത്ര പറച്ചിൽ. 20ാം വയസ്സിൽ തുടങ്ങിയ അധ്യാപന ദൗത്യമാണ്​ 64 ാം വയസ്സിൽ അവസാനിപ്പിക്കുന്നത്​. എറണാകുളം കോതമംഗലം വാരപ്പട്ടിയിലെ മുഹമ്മദ്​ കുഞ്ഞ്​^ഖദീജ ദമ്പതികളുടെ മകൻ മുഹമ്മദ്​ ഷാഫിക്ക്​ ജീവിതാഭിലാഷം അധ്യാപകനാവുക എന്നതായിരുന്നു. അതുകൊണ്ട്​ മറ്റ്​ നല്ല അവസരങ്ങൾ വേണ്ടെന്ന്​ വെച്ചു​. 20ാം വയസ്സിൽ ടി.ടി.സി പൂർത്തിയാക്കി മട്ടാഞ്ചേരി സ്​കൂളിൽ അധ്യാപകനായി.

മഹാരാജാസിലെ ഇൗവനിംഗ്​ കോളേജിൽ നിന്നാണ്​ ബിരുദവും ബിരുദാനന്തര ബിരുദവും കരസ്​ഥമാക്കിയത്​. ശേഷം എൽ.എൽ ബിക്കും, സിവിൽ സർവീസ്​ പരീക്ഷക്കും ചേർന്നെങ്കിലും പൂർത്തിയാക്കാനായില്ല. 1986 ൽ യു.എ.ഇ യിലെ അൽ ​െഎനിൽ തുടങ്ങിയ ​െഎ.​െഎ.എസ്​ സ്​കൂളി​​​െൻറ സാരഥിയായി എത്തി. 93 മുതൽ ഷാർജ ന്യൂ ഇന്ത്യൻ മോഡൽ സ്​കൂളി​​​െൻറ പ്രിൻസിപ്പലായി. കേരള സിലബസ്​ പിന്തുടരുന്ന സ്​കൂളി​​​െൻറ അഭിമാന നേട്ടങ്ങൾക്ക്​ മുഹമ്മദ്​ ഷാഫി നേതൃത്വം നൽകി. അധികമാരും ശ്രദ്ധിക്കാതിരുന്ന സ്​കൂളിന് 10ാം ക്ലാസ്​ പരീക്ഷക്ക്​ നാലാം റാങ്കും ഏഴാം റാങ്കും നേടാനായി. പ്ലസ്​ടു തുടങ്ങിയ അതേ വർഷം കമേഴ്​സ്​ വിഭാഗത്തിൽ ഒന്നും രണ്ടും റാങ്കുകൾ സ്​കൂളിലെ കുട്ടികൾ നേടി. ത​​​െൻറ കൂടെ ഉണ്ടായിരുന്ന അധ്യാപകർക്ക്​ നൽകിയ പ്രചോദനത്തി​​​െൻറ കൂടി വിജയമായിരുന്നു അത്​. അവിടെ നിന്നാണ്​ 2000 ൽ ജിദ്ദ ഇൻറർനാഷണൽ സ്​കൂളിൽ വൈസ്​ പ്രിൻസിപ്പലായി എത്തിയത്​. പിന്നീട്​ പ്രിൻസിപ്പലും, ഡയറക്​ടറുമായി. 2006 മുതൽ ദമ്മാം സ്​കൂളി​​​െൻറ പ്രിൻസിപ്പലായി നിയമിതനായി.

സ്​കൂളിനും സ്വജീവിതത്തിലും നേട്ടങ്ങൾ ഏറെ എഴുതിച്ചേർക്കപ്പെട്ട കാലമായിരുന്നു ഇത്​. അനവധി വെല്ലുവിളകളാണ്​ അദ്ദേഹത്തെ കാത്തിരുന്നത്​. പ്രതിസന്ധികാലങ്ങളെ സൗമ്യതയോടെ തരണം ചെയ്​തു. 10,000 കുട്ടികളിൽ നിന്ന്​ 18,750 കുട്ടികളിലേക്ക്​ സ്​കൂൾ വളർന്നു. ഗൾഫ്​ മേഖലയിലെ ഏറ്റവും നല്ല സ്​കൂളിനുള്ള അംഗീകാരം നിരവധി തവണ ലഭിച്ചു. പ്രിൻസിപ്പലിനും അംഗീകാരങ്ങൾ ലഭിച്ചു. 2018 ൽ മാത്രം ഇത്തരത്തിലെ 16 അവാർഡുകളാണ് നേടിയത്​. പ്രിൻസിപ്പലിന്​​ ആറ്​ അവാർഡുകളും. പാഠ്യേതര വിഷയങ്ങളിലും സ്​കൂൾ നേട്ടങ്ങൾ വാരിക്കൂട്ടി. 2010 ൽ മികച്ച അധ്യാപകനുള്ള അംഗീകാരം രാഷ്​ട്രപതിയിൽ നിന്ന്​​ സ്വീകരിച്ചു. അതിനു മുമ്പ്​ ​‘ആഗോളവത്​കരണ കാലത്തെ സമ്മർദ രഹിത വിദ്യാഭ്യാസം’ എന്ന വിഷയത്തിൽ ഡോക്​ടറേറ്റ്​ നേടി. അധ്യാപിക സഫിയയാണ്​ ഭാര്യ. ഡോക്​ടർമാരായ തസ്​നീം, ഷഹ്​നാസ്​, ​െഎ.ടി സ്​പെഷ്യലിസ്​റ്റ്​ നസ്​റിൻ എന്നിവർ മക്കളാണ്​.

Show Full Article
TAGS:saudi saudi news gulf news 
Next Story