സിവിൽ എൻജിനീയർ സൗമ്യ സൗദിയിലെത്തിയത്​ വീട്ടുവേലക്ക്​; ഒടുവിൽ അഭയ കേന്ദ്രത്തിലും

ദമ്മാം: സിവിൽ എൻജിനീയറിങ്​ ബിരുദധാരിയായ മലയാളി യുവതി കുടുംബത്തെ പോറ്റാൻ തെരഞ്ഞെടുത്തത്​ ഗൾഫിലെ വീട്ടുജോല ി. അനധികൃതമായി സൗദിയിലെത്തി ഒടുവിൽ ഗാർഹികപീഡനത്തെ തുടർന്ന്​ അഭയകേന്ദ്രത്തിൽ കഴിയുകയാണ്​ 26 കാരി.ജോലിക്ക്​ നിന്ന വീട്ടിൽ നിന്ന്​ ഇറങ്ങിപ്പോയ ഇടുക്കി വണ്ടിപ്പെരിയാർ വള്ളക്കടവ്​ സ്വദേശി സൗമ്യ ദമ്മാമിലെ വനിത അഭയ കേന്ദ്രത്തിലാണിപ്പോഴുള്ളത്​. നാട്ടിലുള്ള അമ്മയുടെ അഭ്യർഥനയെ തുടർന്ന്​ എംബസിയുടെ നിർദേശപ്രകാരം സാമൂഹ്യപ്രവർത്തകർ സൗമ്യയെ തെരഞ്ഞ്​ കണ്ടുപിടിക്കുകയായിരുന്നു. സാമൂഹിക പ്രവർത്തക മഞ്​ജു മണിക്കുട്ടനാണ്​ സൗമ്യ ദമ്മാമിലെ അഭയ കേന്ദ്രത്തിൽ ഉള്ള വിവരം മാധ്യമങ്ങളെ അറിയിച്ചത്​.

സിവിൽ എൻജിനീയറിംഗ്​ ബിരുദ ധാരിയായ സൗമ്യ ഒന്നര വർഷം മുമ്പാണ്​ വീട്ടുവേലക്കായി എത്തുന്നത്​. 35 വയസ്സിന്​ താ​ഴെയുള്ളവർക്ക്​ സൗദിയിൽ വീട്ടുവേലക്കായി എത്താൻ നിയമ തടസ്സമുണ്ടായിട്ടും മനുഷ്യക്കടത്ത്​ സംഘമാണ് സൗദിയിലെത്തിച്ചത്​. അച്​ഛൻ ഉപേക്ഷിച്ചുപോയ സൗമ്യ അമ്മയോടും രണ്ട്​ അനുജന്മാരോടും ഒപ്പമാണ്​ താമസം. സഹോദരങ്ങളെ പഠിപ്പിച്ച്​ നല്ല നിലയിൽ എത്തിക്കുകയും ജീവിതത്തിൽ സ്വയം പര്യാപ്​തത കൈവരിക്കണമെന്നുമുള്ള ആഗ്രഹത്തി​​​​​െൻറ പുറത്താണ്​ സൗമ്യ വീട്ടുവേല ​െതരഞ്ഞെടുത്തത്​. 1500 റിയാൽ ശമ്പളം കിട്ടുമെന്നറിഞ്ഞപ്പോൾ നാട്ടിൽ തുച്ചവരുമാനം ലഭിച്ച കൺസ്​ട്രക്​ഷൻ കമ്പനി ജോലി ഉപേക്ഷിക്കുകയായിരുന്നു എന്നാണ്​ സൗമ്യ പറയുന്നത്​. സൗദിയിൽ വേരുകളുള്ള റിക്രൂട്ട്​ മ​​​​െൻറ്​ കമ്പനി വഴിയാണ് ഇതിനുള്ള വഴികൾ തുറന്നത്​. ഒാഫീസ്​ ജോലിക്കാണ്​ താൻ ഗൾഫിൽ പോകുന്നതെന്നാണ്​ സൗമ്യ അമ്മയെ വിശ്വസിപ്പിച്ചിരുന്നത്​. നാട്ടിൽ വീട്ടുവേല ചെയ്​താണ്​ അമ്മ മക്കളെ പോറ്റിയത്​. കഷ്​ടപ്പാടുകൾ കണ്ടുവളർന്ന സൗമ്യക്ക്​ അമ്മക്ക്​ താങ്ങാവണമെന്ന ആഗ്രഹം ഉണ്ടായി.

റിയാദിലെ വീട്ടിൽ ഒരു വർഷത്തോളം ജോലി ചെയ്​ത സൗമ്യ അവിടുത്തെ പീഡനങ്ങൾ സഹിക്ക വയ്യാതെ ഏജൻസി സഹായത്തോടെ ദമ്മാമിലെ ഒരു വീട്ടിലെത്തി. സ്​പോൺസർ നല്ല മനുഷ്യനാണന്നും ശമ്പളം കൃത്യമായി തരുമായിരുന്നുവെന്നും സൗമ്യ പറയുന്നു. എന്നാൽ വീട്ടിലെ സ്​ത്രീകളിൽ നിന്നാണ്​ തനിക്ക്​ പീഡനങ്ങൾ ഏൽക്കേണ്ടി വന്നതെന്ന്​ ഇവർ ആരോപിക്കുന്നു. അവസാനം അമ്മയോടും ത​​​​​െൻറ ജോലി വിവരങ്ങളും പീഡന വിവരങ്ങളും സൗമ്യ പങ്കുവെച്ചിരുന്നു. സ്​പോൺസറുമായി ബന്ധപ്പെടാൻ ശ്രമിച്ചെങ്കിലും വീട്ടിൽ നിന്ന്​ ഇറങ്ങിപ്പോയ ഒരാളെ കുറിച്ച്​ സംസാരിക്കാൻ താൽപര്യമില്ലെന്നാണ്​ അറിയിച്ചതെന്ന്​ ഇൗ വിഷയത്തിൽ ഇടപെട്ട മഞ്​ജു മണിക്കുട്ടനും ഷാജി വയനാടും പറഞ്ഞു. എങ്കിലും സൗമ്യയുടെ അവസ്​ഥകൾ ബോധ്യപ്പെടുത്താൻ സാധിച്ചാൽ വലിയ തടസ്സമില്ലാതെ എക്​സിറ്റ്​​ ലഭിച്ചേക്കും എന്ന പ്രതീക്ഷയിലാണ്​ സാമൂഹ്യ പ്രവർത്തകർ.അഭയ കേന്ദ്രത്തിലാ​െണങ്കിലും സൗമ്യയെ കണ്ടെത്തിയ വാർത്ത നാട്ടിലുള്ള കുടുംബങ്ങൾക്കും ആശ്വാസമായിട്ടുണ്ട്​.