ആസ്വാദകരെ ത്രസിപ്പിച്ച്​ ആസിഫ് കാപ്പാടി​െൻറ സംഗീതരാവ്​

ജിദ്ദ: ജിദ്ദ സൗഹൃദ വേദി സംഘടിപ്പിച്ച ‘ദിൽസേ’ ആസിഫ് കാപ്പാട് സംഗീത നിശ ജിദ്ദയിലെ പാട്ടുപ്രേമികളെ അക്ഷരാർഥത്തിൽ ത്രസിപ്പിച്ചു. പ്രശസ്ത ഗായകനും ഏഷ്യാനെറ്റ്‌ മൈലാഞ്ചി വിന്നറും, ഗ്രൂമിംഗ് ജഡ്ജുമായ ആസിഫ് കാപ്പാടി​​െൻറ നേതൃത്വത്തിൽ അരങ്ങേറിയ സംഗീത പരിപാടി ആസ്വാദകർക്ക്​ വിസ്​മയാനുഭവമായിരുന്നു. ശറഫിയ്യ ഇമ്പാല ഗാർഡൻ ഓഡിറ്റോറിയത്തിലെ തിങ്ങിനിറഞ്ഞ സദസ്സ് ഏറെ വൈകിയും സംഗീത ലഹരിയിൽ മുഴുകി. റിപ്പബ്ലിക്ക് ദിനാഘോഷത്തിൽ ഒരുക്കിയ പരിപാടിയിൽ രാജ്യ സ്നേഹത്തെ ഓർമിപ്പിക്കുന്ന ‘ഖുദാസെ മന്നത് ഹെ മേരാ’ എന്ന ഗാനത്തോടെയാണ് സംഗീതനിശക്ക് തുടക്കമിട്ടത്. പാട്ടി​​​െൻറ വൈവിധ്യമായിരുന്നു ആസിഫി​​​െൻറ പ്രകടനങ്ങളെ ശ്രദ്ധേയമാക്കിയത്​.

മിർസ ഷെറീഫ്, ജമാൽ പാഷ, മുഹമ്മദ് ഷാ ആലുവ, മൻസൂർ എടവണ്ണ ഓമനക്കുട്ടൻ, മുസ്തഫ മേലാറ്റൂർ, നാസർ വടകര, ശബാന അൻഷാദ്, സോഫിയ സുനിൽ, മുംതാസ് അബ്്ദുറഹ്​മാൻ എന്നിവർ ഗാനങ്ങൾ ആലപിച്ചു അബ്്ദുൽ മജീദ് നഹ പരിപാടി ഉദ്ഘാടനം ചെയ്തു. നാട്ടിലേക്ക് മടങ്ങുന്ന പ്രശസ്ത സൗണ്ട് എൻജിനീയർ മൻസൂർ ഷറീഫ് ( മഞ്ജു )വിനും, ഗായകനും സൗണ്ട് എൻജിനീയറുമായ ഹമീദ് കലങ്ങോട്ടലിനും പരിപാടിയിൽ യാത്രയയപ്പ് നൽകി. മഞ്ജുവിന് ഗൾഫ്​ മാധ്യമം സൗദി ബ്യൂറോ ഹെഡ്​ പി. ഷംസുദ്ദീനും ഹമീദിന് മലയാളം ന്യൂസ്​ പത്രാധിപസമിതി അംഗം മുസാഫിറും ഉപഹാരം നൽകി. റിയാദിൽ നിന്ന്​ എത്തിയ ഗായിക ശബാന അൻഷാദിന് മിർസ ഷെരിഫ് നൽകി. നറുക്കെടുപ്പിലെ വിജയി അബ്്ദുൽ മജീദ് നഹക്ക് ആസിഫ് കാപ്പാട് സമ്മാനിച്ചു. കോ^ ഒാർഡിനേറ്റർ മുസ്തഫ തോളൂർ സ്വാഗതം പറഞ്ഞു. നാസർ പുളിക്കൽ, ബാബു കല്ലട, ജുനൈദ് മോളൂർ എന്നിവർ പരിപാടി നിയന്ത്രിച്ചു. സലാഹു വാളക്കുട അവതാരകനായി.