ആശുപത്രി ബില്ലടക്കാനാളില്ല; കണ്ണൂർ സ്വദേശിയുടെ മൃതദേഹം ഒന്നര മാസമായി മക്കയിലെ മോർച്ചറിയിൽ

മക്ക: ആശുപത്രി ബില്ലടക്കാനാളില്ലാത്തതിനാൽ കണ്ണൂർ സ്വദേശിയുടെ മൃതദേഹം ഒന്നര മാസമായി മക്കയിലെ മോർച്ചറിയിൽ. റിയാദിൽ നിന്ന്​ ഉംറ നിർവഹിക്കാൻ മക്കയിൽ എത്തി മരണപ്പെട്ട കണ്ണൂർ -പയ്യന്നൂർ സ്വദേശി ഇസ് മായിൽ കാരയിലി​​​െൻറ (51) മൃതദേഹമാണ്​ ഒന്നര മാസമായി മക്ക കിങ്​ അബ്്ദുൽ അസീസ് ഹോസ്പിറ്റൽ മോർച്ചറിയിൽ കിടക്കുന്നത്. ആശുപത്രി രേഖകളിൽ 2018 ഡിസംബർ ഒമ്പതിന് അഡ്മിറ്റ്ചെയ്തു എന്നും ഏഴ്​ ദിവസം ഐ.സി.യുവിൽ ചികിൽസിച്ചു എന്നും 16 ന് മരിച്ചു എന്നും ഉണ്ട്. പൊലീസ് മുഖേന റെഡ്ക്രസൻറ്​ എത്തിച്ചു എന്നാണ് രേഖ. അടുത്ത ബന്ധുക്കൾ ആരും സൗദിയിൽ ഇല്ലാത്തതും സ്​പോൺസർ ഹുറൂബാക്കിയതിനാലും (കാണാനില്ലെന്ന്​ പ്രഖ്യാപിക്കൽ) പുറം ലോകം അറിയാൻ ​െവെകി. ആശുപത്രി രേഖകളിൽ 25,000 റിയാലോളം ബിൽ അടക്കാനുണ്ട്. ഈ ബിൽ ആ​െരങ്കിലും ഏറ്റടുത്താൽ ആശുപത്രി അധികൃതർ മൃതദേഹം വിട്ട് കൊടുക്കും.

സംഭവമറിഞ്ഞ് മക്ക കെ.എം.സി.സി നേതാവ്​ മുജീബ് പൂക്കോട്ടൂർ പ്രശ്നത്തിൽ ഇടപെടുകയും കോൺസുലേറ്റി​​​െൻറ സഹായം തേടുകയും ചെയ്തുവെങ്കിലും ഫലമുണ്ടായില്ല. ഗവർണറേറ്റിൽ പരാതി നൽകാനായിരുന്നു കോൺസുലേറ്റ് നിർദേശം. അതുപ്രകാരം പരാതി നൽകി ഒരാഴ്ച പിന്നിട്ടുവെങ്കിലും ഇതുവരെ നടപടി ഉണ്ടായിട്ടില്ലെന്ന് മുജീബ് പൂക്കോട്ടൂർ പറഞ്ഞു. ഇത്രയും ഭാരിച്ച തുക എങ്ങനെ കണ്ടെത്തും എന്നറിയില്ലെന്നും കോൺസുലേറ്റി​​​െൻറയും മനുഷ്യസ്നേഹികളുടെയും സഹായം ഉണ്ടായാൽ ഉടൻ മറവ് ചെയ്യാനാവുമെന്നും അദ്ദേഹം പറഞ്ഞു. അതിനിടെ അകന്ന ബന്ധു റിയാദ്​ ഇന്ത്യൻ എംബസിയിൽ സഹായം ​േതടിയെങ്കിലും അധികൃതർ കൈമലർത്തിയെന്ന്​ പരാതിയുണ്ട്​. നാട്ടിൽ ഭാര്യയും മൂന്ന് കുട്ടികളുമാണ് ഇസ്്മാഈലിനുള്ളത്. ചെറിയൊരു വീടും അഞ്ച് സ​​െൻറ് സ്ഥലവുമാണിവർക്കുള്ളത്. അതുതന്നെ കടത്തിലാണെന്നാണ് അറിയാൻ കഴിഞ്ഞതെന്നും മുജീബ് പൂക്കോട്ടൂർ പറഞ്ഞു.