യാമ്പുവിൽ വൻലഹരിക്കടത്ത്​ പിടികൂടി

യാമ്പു: റോഡ് സുരക്ഷ വിഭാഗം നടത്തിയ വാഹന പരിശോധനയിൽ വൻതോതിൽ ഖാത്ത് ഇല കടത്തുന്നയാൾ പിടിയിലായി. പ്രതിയെ അറസ്​ റ്റ്​ ചെയ്ത് തുടർ നടപടികൾക്കായി ബന്ധപ്പെട്ട വകുപ്പിന് കൈമാറി. സൗദിയിൽ നിരോധിച്ച ‘ഖാത്ത്’ യമനിൽ നിന്നാണ് ഒളിച്ചു കടത്തുന്നത്. ജിസാൻ നഗരിയുടെ അടുത്തുള്ള ചില ഗ്രാമ പ്രദേശങ്ങളിൽ ഇതി​​​െൻറ കൃഷി നടക്കുന്നതായി സൂചനയുണ്ട്. യമനികളാണ് പ്രധാനമായും ഖാത്ത് കടത്തുകാരിൽ കൂടുതൽ. മലയാളികളടക്കം ചിലർ ലഹരിക്കടത്തുകാരുടെ കെണിയിൽ പെടാറുണ്ട്​. പ്രധാന ഹൈവേയിൽ രാത്രിയും പകലും പട്രോളിംഗ് ശക്തമാക്കി സുരക്ഷാസേന വാഹനങ്ങൾ പരിശോധന നടത്തുന്നുണ്ട്. യാമ്പു - തബൂക്ക് ഹൈവേ വഴി കഴിഞ്ഞ മാസം ഒദ്യോഗിക കമ്പനിയുടെ വാഹനത്തിൽ കഞ്ചാവ് കടത്താൻ ശ്രമിച്ച ആളെയും അധികൃതർ പിടികൂടിയിരുന്നു. വ്യാപകമായി മയക്കുമരുന്ന് കടത്താൻ ശ്രമിക്കുന്ന പ്രവണത തടയാൻ യാമ്പു പ്രവിശ്യയിൽ പ്രത്യേക ആൻറി നാർക്കോട്ടിക് വിഭാഗത്തി​​​െൻറ പരിശോധന ശക്തമാക്കാനും തീരുമാനിച്ചിട്ടുണ്ട്​.