ഇഖാമ പുതുക്കാത്ത ആ​ന്ധ്ര സ്വദേശിയേയും ഭാര്യയേയും നാടുകടത്തി

റിയാദ്​: ഒന്നര വർഷമായി ഇഖാമ പുതുക്കാതെ കഴിയുന്നതിനിടെ പിടിയിലായ ഇന്ത്യൻ കുടുംബത്തെ നാടുകടത്തി. പശ്ചിമ ആന്ധ് രയിലെ ഗോദാവരി സ്വദേശി കോപ്പാട്ടി റാം (52), ഭാര്യ ലക്ഷ്​മി എന്നിവരാണ്​ എംബസിയുടെയും മലയാളി സാമൂഹിക ​പ്രവർത്തക​​ ​െൻറയും ശ്രമഫലമായി നടപടികൾ എളുപ്പത്തിലാക്കി നാടണഞ്ഞത്​. പൊലീസ്​ പിടിയിലായി റാം രണ്ടാഴ്​ച തർഹീലിലായിരുന്നു. ഇൗ സമയം ഒറ്റപ്പെട്ട ലക്ഷ്​മി ഒരു കുടുംബ സുഹൃത്തി​​​െൻറ ഫ്ലാറ്റിൽ​ അഭയം പ്രാപിക്കുകയായിരുന്നു​. നാട്ടിലേക്ക്​ മടങ്ങു​ന്ന സമയത്തും ഇരുവർക്കും തമ്മിൽ കാണാൻ കഴിഞ്ഞില്ല. റാം നാടുകടത്തൽ കേന്ദ്രം വഴിയും​ ലക്ഷ്​മി സാമൂഹിക പ്രവർത്തകരുടെ സഹായത്തിലും വെവ്വേറെ വിമാനങ്ങളിലാണ്​ പോയത്​. വർഷങ്ങളായി കുടുംബവുമായി റിയാദിൽ കഴിഞ്ഞ റാം വിവിധ തരം കരാർ ജോലികളാണ്​ ചെയ്​തിരുന്നത്​. സ്​പോൺസറുമായി നേരിട്ട്​ ബന്ധമില്ലാതിരുന്നതാണ്​​ വിനയായത്​.

നാട്ടുകാരനായ ഒരു സുഹൃത്ത്​ വഴിയാണ്​ സ്​പോൺസറുമായുള്ള ഇടപാടുകളെല്ലാം നടത്തിയിരുന്നത്​. ഒന്നര വർഷം മുമ്പ്​ ഇഖാമ പുതുക്കാൻ സുഹൃത്ത്​ വഴി സ്​പോൺസറെ ബന്ധപ്പെടുകയും അദ്ദേഹം ആവശ്യപ്പെട്ട പണം സുഹൃത്തിനെ ഏൽപിക്കുകയും ചെയ്​തു. 24,000ത്തോളം റിയാൽ​ ഇങ്ങനെ നൽകി​. ഇഖാമ പുതുക്കിക്കിട്ടുമെന്ന്​ കരുതി കാത്തിരുന്നു. മാസങ്ങൾ പലത്​ കഴിഞ്ഞിട്ടും ഒരു നീക്കവും കാണാ​തായപ്പോൾ ​നടത്തിയ അന്വേഷണത്തിലാണ്​ സുഹൃത്ത്​ മുങ്ങിയത്​ അറിഞ്ഞത്​.

പണം സ്​പോൺസറുടെ അടുത്തെത്താതിരുന്നതിനാൽ ഇഖാമ പുതുക്കിയില്ല. റിയാദ്​ ഇൻറർനാഷനൽ ഇന്ത്യൻ സ്​കൂളിൽ അറ്റൻഡർ തസ്​തികയിൽ ജോലി ചെയ്​തിരുന്ന ലക്ഷ്​മിക്കും ഇതോടെ ജോലിക്ക്​ പോകാൻ കഴിയാതായി. റാം പൊലീസി​​​െൻറ കണ്ണിൽപ്പെടാതെ ചില്ലറ ജോലികൾ ചെയ്​തുവരികയായിരുന്നു. ഇതിനിടയിൽ കാർ നന്നാക്കാൻ വേണ്ടി ബത്​ഹക്ക്​ സമീപം ഒാൾഡ്​ സനാഇയയിലെ വർക്ക്​ഷോപ്പിൽ പോയപ്പോഴാണ്​ പൊലീസ്​ പരിശോധനയിൽ അകപ്പെട്ടത്​. ഇഖാമയില്ലാത്തതിനാൽ നിരവധി ആളുകളോടൊപ്പം പിടിയിലായി. ഭർത്താവ്​ ജയിലിലായതോടെ ഒറ്റപ്പെട്ട ലക്ഷ്​മി വാടക കൊടുക്കാത്തതി​​​െൻറ പേരിൽ ഫ്ലാറ്റിൽ നിന്നും പുറത്തായി. ഒടുവിൽ ഒരു കുടുംബ സുഹൃത്തി​​​െൻറ ഫ്ലാറ്റിൽ അഭയം തേടുകയായിരുന്നു.

ഭർത്താവ് ജയിലിലും ഭാര്യ പുറത്തുമായി രണ്ടാഴ്‌ച്ച നീണ്ടുനിന്ന അനിശ്ചിതത്തിനൊടുവിലാണ്​ നവോദയ റിയാദ്​ ജീവകാരുണ്യ കൺവീനർ ബാബുജിയുടെ ഇടപെടൽ​ തുണയായത്​. സ്​പോൺസറെ ബന്ധപ്പെടാൻ ശ്രമിച്ചെങ്കിലും വിജയിച്ചില്ല. ഇന്ത്യൻ എംബസിയുടെ സഹായത്തോടെ എക്​സിറ്റിന്​ ശ്രമം നടത്തിയപ്പോൾ റാമി​​​െൻറ പേരിൽ കാറുള്ളത്​ തടസ്സമായി. ഒരു സുഹൃത്തി​​​െൻറ പേരിലേക്ക്​ കാറി​​​െൻറ രജിസ്​ട്രേഷൻ മാറ്റുകയും ഭാര്യക്ക്​ ഫൈനൽ എക്​സിറ്റ്​ അടിക്കുകയും ചെയ്​തതോടെ തടസ്സങ്ങളെല്ലാം മാറി റാമിനും എക്​സിറ്റ്​ കിട്ടി. സ്​പോൺസറുമായി നേരിട്ട്​ ബന്ധമില്ലാത്തതും മൂന്ന്​ മാസം കഴിഞ്ഞിട്ടും ഇഖാമ പുതുക്കിയില്ലെങ്കിൽ സ്‌പോൺസറുടെ അനുമതിയില്ലാതെ സ്‌പോൺസർഷിപ്പ്​ മാറാമെന്ന്​ അറിയാത്തതുമാണ്​ കുഴപ്പത്തിൽ ചാടിച്ചതെന്ന് ബാബുജി പറഞ്ഞു.