വിമാന സർവീസുകളുടെ സമയ കൃത്യത: ദമ്മാം എയർപോർട്ടിന്​ ലോകത്ത്​ രണ്ടാം സ്​ഥാനം

ദമ്മാം: വിമാനം വരുന്നതിലും, പുറപ്പെടുന്നതിലും കൃത്യസമയം പാലിക്കുന്ന കാര്യത്തിൽ ദമ്മാം കിങ​്​ ഫഹദ്​ ഇൻറർനാഷ നൽ എയർപോർട്ടിന്​ ലോകത്ത്​ രണ്ടാം സ്​ഥാനം. എയർപോർട്ട്​ ആൻറ്​ എയർലൈൻ അസസ്​മ​​െൻറ്​ കമ്പനിയുടേയും, ഒ.എ.ജി യുടേ യും 2018 ലെ റിപ്പോർട്ടി​​​െൻറ അടിസ്​ഥാനത്തിലാണ്​ ഇൗ അംഗീകാരം. ഏകദേശം 250 ഒാളം വിമാനങ്ങളാണ്​ ഇവിടെ ദിവസേന സർവീസ്​ നടത്തുന്നത്​. സർവീസുകളുടെ സമയക്രമം പരിശോധിച്ചാണ് റിപ്പോർട്ട്​ തയാറാക്കിയത്​. ഏതെങ്കിലും തടസ്സം നേരിട്ടാലും നി​ശ്​ചിത സമയത്തിൽ നിന്ന്​ 15 മിനുട്ടിനകം സർവീസ്​ സാധ്യമാകുന്നുണ്ടിവിടെ. ലോകത്തിലെ വിവിധ വിമാനത്താവളങ്ങളിലെ 58 ദശലക്ഷം വിമാന സർവീസുകൾ പരിശോധിച്ചതിൽ നിന്നാണ്​ ദമ്മാം കിങ​്​ ഫഹദ്​ ഇൻറർനാഷനൽ എയർപോർട്ടിന്​ ഇൗ അംഗീകാരം​ ലഭിച്ചത്​.

അപൂർവ നേട്ടം ആഘോഷിക്കാനായി കഴിഞ്ഞ ദിവസം സംഘടിപ്പിച്ച ചടങ്ങിൽ ഡയറക്​ടർമാരും സർക്കാർ എയർലൈൻ പ്രതിനിധികളും വിമാനത്താവള ഒാപറേഷൻ കമ്പനി പ്രതിനിധികളും പ​െങ്കടുത്തു. വിമാനത്താവളത്തി​​​െൻറ പ്രവർത്തനങ്ങളെ നിയന്ത്രിക്കുന്ന നിരവധി പേരുടെ ഒന്നിച്ചുള്ള പ്രയത്​നമാണ്​​ അന്താരാഷ്​ട്രതല അംഗീകാരം തേടി​െയത്താൻ ഇടയാക്കിയതെന്ന്​ വിമാനത്താവള സി. ഇ ഒ തുർക്കി അൽ ജാവിനി പറഞ്ഞു. ഒരു വിമാനത്താവളത്തി​​െൻറ നിലവാരം കൃത്യമായി ബോധ്യപ്പെടുന്നത്​ യാത്രക്കാരുടെ അഭിപ്രായത്തിൽ നിന്നാണ്​. വിമാനത്താവളത്തി​​​െൻറ നിലവാരവും സൗകര്യവും മെച്ചപ്പെടുത്തുന്നതിനും ഏറ്റവും മികച്ച സേവനം ലഭ്യമാക്കുന്നതിനും എല്ലാ വിഭാഗങ്ങളേയും ഒത്തൊരുമിച്ച്​ പ്രത്യേക പദ്ധതി രൂപപ്പെടുത്തുകയായിരുന്നു. അതി​​​െൻറ ഫലമാണ്​ ഇൗ നേട്ടമെന്നും ഒാരോ ജീവനക്കാരനും അഭിനന്ദനം അർഹിക്കുന്നതായ​ും അദ്ദേഹം പറഞ്ഞു.