പുസ്തക പ്രകാശനവും ചര്‍ച്ചയും

റിയാദ്: ഇസ്‌ലാമിക് പബ്ലിഷിങ്​ ഹൗസ് പ്രസിദ്ധീകരിച്ച അബ്​ദുല്‍ അസീസ് പൊന്മുണ്ടത്തി​​​െൻറ ‘സംഗീതം ഇസ്‌ലാമിക വ ീക്ഷണത്തില്‍’ എന്ന പുസ്തകത്തി​​​െൻറ സൗദി തല പ്രകാശനവും ചര്‍ച്ചയും സംഘടിപ്പിച്ചു. ചേതന ലിറ്റററി ഫോറത്തി​​​െൻറ ആഭിമുഖ്യത്തിൽ ബത്ഹ ശിഫ അല്‍ജസീറ ഓഡിറ്റോറിയത്തില്‍ നടന്ന പരിപാടിയില്‍ ‘സിജി’ കാര്യദര്‍ശി എൻജി. ഇഖ്ബാല്‍ പ്രകാശന കര്‍മം നിര്‍വഹിച്ചു. ഡോ. മുഹമ്മദ്‌ ലബ്ബ പുസ്തകം ഏറ്റുവാങ്ങി. കെ.എം ശാഫി മണ്ണാര്‍ക്കാട് പുസ്തകാസ്വാദനം നടത്തി. തനിമ റിയാദ് സൗത്ത് സോണ്‍ പ്രസിഡൻറ്​ അഹമദ് ശരീഫ് മൊറയൂര്‍ അധ്യക്ഷത വഹിച്ചു. ഫിറോസ് പുതുക്കോട്, അശ്റഫ് കൊടിഞ്ഞി, ദാവൂദ്, തൗഫീഖ് റഹ്​മാൻ, അഷ്റഫ് കൊടിയത്തൂർ എന്നിവര്‍ സംസാരിച്ചു. മനുഷ്യ ജീവിതത്തെ വിരസമാക്കുന്ന ആത്യന്തിക വീക്ഷണങ്ങളോട് ഇസ്‌ലാം വിയോജിക്കുന്നു എന്നാണ്​ പുസ്​തകം ചർച്ച ചെയ്യുന്നതെന്ന്​ ചർച്ചയിൽ പ​െങ്കടുത്തവർ പറഞ്ഞു.

കലയും സംഗീതവും സൗന്ദര്യാസ്വാദനവുമൊക്കെ ആത്മീയതക്ക് എതിരാണെന്ന കാഴ്ചപ്പാടല്ല ഇസ്​ലാമി​​​െൻറ മധ്യമവും സന്തുലിതവുമായ നിലപാട്. മുസ്‌ലിം സമൂഹത്തിൽ കാലങ്ങളായി ചർച്ച ചെയ്യപ്പെട്ടുകൊണ്ടിരിക്കുന്ന സങ്കീർണമായ വിഷയത്തിലെ സമഗ്രവും സന്തുലിതവും പ്രമാണബദ്ധവുമായ രചനയാണ് ഇൗ പുസ്​തകമെന്നും പ്രസംഗകർ അഭിപ്രായപ്പെട്ടു. അയ്മൻ സഈദ്​ ഖിറാഅത്ത്​ നിർവഹിച്ചു. ഡോ. മുഹമ്മദ്‌ ലബ്ബ സ്വാഗതം പറഞ്ഞു. സൈനുദ്ദീൻ മാഹി, ബഷീർ രാമപുരം എന്നിവര്‍ ഗാനം ആലപിച്ചു. ഗ്രന്ഥരചനയെ കുറിച്ച് അബ്​ദുല്‍ അസീസ് പൊന്മുണ്ടം വിശദീകരിച്ചു. ശിഹാബ് പാണ്ടിമുറ്റം, അഡ്വ. ഷാനവാസ് എന്നിവർ സമാപന പ്രസംഗം നിർവഹിച്ചു. പി.പി അബ്​ദുല്ലത്തീഫ്, ബഷീര്‍ രാമപുരം, ഫിറോസ് പുതുക്കോട്, അഷ്‌റഫ്‌ കൊടിഞ്ഞി എന്നിവർ നേതൃത്വം നൽകി.