‘വായന അസ്തമിക്കുന്നുവെന്ന്​ പ്രചരിപ്പിക്കുന്നത്​ ക്രൂരത’

ജിദ്ദ: വായനയുടെയും പുസ്തകത്തി​​​െൻറയും കാലം അസ്തമിച്ചിട്ടില്ലെന്നും സാഹിത്യ കൃതികൾക്ക് ഇന്നും വലിയ മൂല്യമ ാണ് സമൂഹം കൽപിക്കുന്നതെന്നും നിരീക്ഷകനും ലീഡ് കമ്മ്യൂണിക്കേഷൻ സ്പെഷ്യലിസ്​റ്റുമായ ജമീൽ യൂഷ (നൈജീരിയ) അഭിപ്രായപ്പെട്ടു. കലാലയം സാംസ്കാരിക വേദിയുടെ പത്താമത് എഡിഷൻ സാഹിത്യോത്സവി​​െൻറ ഭാഗമായി നടന്ന സാംസ്കാരിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. തുർക്കി യാത്രയിൽ കണ്ട മേളയിൽ പുസ്​തകം വാങ്ങാനായി കാത്തിരിക്കുന്ന വലിയ ജനക്കൂട്ടത്തെ കാണാനിടയായി. വായനായുഗം കഴിഞ്ഞുവെന്ന് പറയുന്നത് സമൂഹത്തോട് ചെയ്യുന്ന ക്രൂരതയാണ്.

മുമ്പത്തേക്കാൾ ഏറെ വായനക്കാർ പുതിയ തലമുറയിൽ വളർന്നു വരുന്നുണ്ട്. അറിവി​​​െൻറ വാതായനങ്ങളിലേക്ക് ചെന്നുകയറുവാൻ ചലനാത്മകമായ ചിന്തകൾ ഉടലെടുക്കുവാൻ വായന കൂടാതെ കഴിയില്ലെന്നും അദ്ദേഹം അഭിപ്രായപ്പെട്ടു.ജിദ്ദ ഇന്ത്യൻ മീഡിയ ഫോറം പ്രസിഡൻറ് ഹസൻ ചെറൂപ്പ, ഉസ്മാൻ ഇരിങ്ങാട്ടിരി, നാസർ വെളിയങ്കോട്, മുജീബ് റഹ്‌മാൻ എ .ആർ. നഗർ, ബഷീർ എറണാകുളം, ഷാഫി മുസ്‌ലിയാർ, യാസർ അറഫാത്ത്, മുസ്തഫ സഅദി, നൗഫൽ മുസ്​ലിയാർ ഇരിങ്ങല്ലൂർ, മൻസൂർ ചുണ്ടമ്പറ്റ തുടങ്ങിയവർ സംസാരിച്ചു.