ജീസാനിൽ മൈൻ പൊട്ടിത്തറിച്ച്​ പത്ത്​ വയസ്സുകാരൻ മരിച്ചു; ഒരു സ്​ത്രീക്കും രണ്ട്​ കുട്ടികൾക്കും പരിക്ക്​

ജീസാൻ: ജീസാനിൽ മൈൻ പൊട്ടിത്തെറിച്ച്​ പത്ത്​ വയസ്സുകാരൻ മരിച്ചു. സംഭവത്തിൽ ഒരു സ്​ത്രീക്കും രണ്ട്​ കുട്ടികൾ ക്കും പരിക്കേറ്റതായും ജിസാൻ മേഖല സിവിൽ ഡിഫൻസ്​ ഡയറക്​ടറേറ്റ്​ അസിസ്​റ്റൻറ്​ വക്​താവ്​ കേണൽ മുഹമ്മദ്​ ബിൻ ഹസൻ പറഞ്ഞു. വെള്ളിയാഴ്​ച വൈകുന്നേരം ആരിദ മേഖലയിലാണ്​ സംഭവം. കുടുംബം വാഹനത്തിൽ സഞ്ചരിക്കുന്നതിനിടയിലാണ്​ ​മൈൻ പൊട്ടിത്തെറിച്ചത്. കുട്ടികളുടെ പരിക്ക്​ ഗുരുതരമാണ്​. യാത്രാ സംഘത്തിലുണ്ടായിരുന്ന മുഴുവനാളുകളും സ്വദേശികളാണ്​. ഇറാ​​​െൻറ സഹായത്തോടെ ഹൂതികളാണ്​ മൈനുകൾക്ക്​ പിന്നിൽ. യമൻ അതിർത്തിയിൽ ഭൂമിക്കടിയിൽ വെച്ച മൈൻ മഴവെള്ള ഒഴുക്കിൽ​പ്പെട്ട്​​ സൗദി അതിർത്തിക്കുള്ളിലേക്ക്​ എത്തിയതാണ് എന്ന്​ വക്​താവ്​ പറഞ്ഞു. പരിക്കേറ്റവരെ ആശുപത്രിയിൽ പ്രവേശിപ്പിച്ചതായും നടപടികൾ സ്വീകരിച്ചതായും വക്​താവ്​ പറഞ്ഞു.