വൻ മരുന്നു കടത്ത്​ സംഘത്തി​െൻറ കെണി; കുടക്​ സ്വദേശി​ 11 മാസമായി ജയിലിൽ

ദമ്മാം: അന്താരാഷ്​ട്ര തലത്തിൽ കണ്ണികളുണ്ടെന്ന്​ കരുതുന്ന മയക്കു മരുന്ന്​ കടത്ത്​ സംഘത്തി​​​​െൻറ കെണിയിൽ കു ടുങ്ങിയ യുവാവ്​ 11​ മാസമായി സൗദി ജയിലിൽ വിചാരണ തടവുകാരനായി കഴിയുന്നു. കർണാടക, കുടക്​ സ്വദേശി മനാഫ്​ മൊയ്​തു (30) ആണ് തടവിൽ. ഗൾഫിൽ ​േപാകാനുള്ള യുവാവി​​​​െൻറ ആഗ്രഹമറിഞ്ഞ്​ എത്തിയ സംഘം കാശുപോലും വാങ്ങാതെ നൽകിയ വിസയിലാണ് ദമ് മാം വിമാനത്താവളത്തിൽ വന്നിറങ്ങിയത്​. ഒരു കമ്പനിയിലെ ഹെൽപ്പർ ജോലിക്ക്​ എന്ന്​ പറഞ്ഞാണ്​ വിസ നൽകിയതെങ്കിലും പിടിക്കപ്പെട്ട ശേഷം പരിശോധിച്ചപ്പോഴാണ്​ ബിസ്​നസ്​ വിസിറ്റിംഗ്​ വിസയിലാണ്​ ഇയാളെ കൊണ്ട്​ വന്നതെന്നറിയുന്നത്​. തങ്ങളുടെ ബന്ധു നടത്തുന്ന കമ്പനിയിലേക്ക്​ ചുറുചുറുക്കുള്ള ചെറുപ്പക്കാരനെ ജോലിക്ക്​ ആവശ്യമുണ്ട്​ എന്നാണ്​ ഇവർ അറിയിച്ചിരുന്നത്​. പണം പോലും വാങ്ങാതെ വിസ തന്നവരെ ഒരുപാട്​ ബഹുമാനത്തോടും ഇഷ്​ടത്തോടുമാണ്​ മനാഫും കുടുംബവും കണ്ടത്​.
ഗൾഫി​േലക്ക്​ പോകുന്ന ദിവസം അവിടെ സ്വീകരിക്കാൻ എത്തുന്ന കമ്പനി ഉടമക്ക്​ നൽകാൻ എന്ന വ്യാജേന ഒരു ചെറിയപെട്ടി നിറയെ ബേക്കറി പലഹാരങ്ങൾ മനാഫിനെ ഏൽപിക്കുകയായിരുന്നു.

ഇതിനടിയിൽ രഹസ്യമായാണ്​ സൗദിയിൽ നിരോധിക്കപെട്ട 13,200 ഒാളം മയക്കുമരുന്ന്​ ഗുളികകൾ സൂക്ഷിച്ചിരുന്നത്​. അങ്ങനെ മനാഫ്​ ദമ്മാമിലെ കസ്​റ്റംസ്​ അധികൃതരുടെ പിടിയിൽ അകപ്പെടുകയായിരുന്നു. മറ്റൊരാൾക്ക്​ നൽകാനാണന്നും ത​​​​െൻറ കൈയിൽ അയാളെ ബന്ധപ്പെടാനുള്ള മൊ​ൈബൽ നമ്പർ ഉണ്ടെന്നും മനാഫ്​ അറിയിച്ചതനുസരിച്ച്​ പൊലീസ്​ ബന്ധപ്പെ​െട്ട--ങ്കിലും ഇങ്ങനൊരു ഫോൺ നമ്പർ നിലവിലില്ല എന്ന സന്ദേശമാണ്​ ലഭിച്ചത്​. ഇതോടെ മനാഫ്​ ജയിലാവുകയും ചെയ്​തു. ഇതൊന്നുമറിയാത്ത കുടുംബം മനാഫി​​​​െൻറ വിവരങ്ങൾ തേടി അലയുകയായിരുന്നു. കാണാനില്ലെന്ന പരാതിയുമായി ഭാര്യ ജസീന നാട്ടിലെ പൊലീസ്​ സ്​റ്റേഷനിൽ പരാതിയുമായി എത്തിയപ്പോഴാണ്​ മനാഫ്​ സൗദിയിൽ മരുന്ന്​ കടത്ത്​ കേസിൽ ജയിലിലാണന്നും കേസുമായി നടന്നിട്ട്​ ഒരു കാര്യവുമില്ലെന്നും അറിയിച്ച്​ തിരിച്ചയച്ചത്​. 22 ദിവസങ്ങൾക്ക്​ ശേഷം പാകിസ്​ഥാനിയാണന്ന്​ പരിചയപ്പെടുത്തിയ ഒരാൾ ഫോണിൽ ബന്ധപ്പെട്ട്​ മനാഫ്​ ദമ്മാം ജയിലുണ്ടെന്ന്​ ജസീനയെ അറിയിച്ചു.

പൊലീസി​​​​െൻറ മറുപടിയും പാകിസ്​ഥാനിയുടെ ഫോണുമൊക്കെ ഒരു വലിയ സംഘത്തി​​​​െൻറ കെണി ഇതി​​​​െൻറ പിന്നിലുണ്ടെന്ന്​ സംശയിക്കാൻ പ്രേരിപ്പിക്കുന്നതായി ജസീന പറഞ്ഞു. വിസ നൽകിയവർ പക്ഷെ ഇതൊന്നും അംഗീകരിക്കാതെ മനാഫ്​ സുഖമായി സൗദിയിലുണ്ടെന്ന്​ ആവർത്തിക്കുകയാണ്​. ഇവർക്കെതിരെ പരാതി പോലും സ്വീകരിക്കാൻ പൊലീസ്​ തയാറാകുന്നില്ലെന്നും ജസീന പറയുന്നു. ദമ്മാമിലെ സാമൂഹ്യ പ്രവർത്തകനായ ഷാജി വയനാടിനെ കുടുംബം ബന്ധപ്പെടുകയും ഇയാളു​െട മോചനത്തിന്​ സഹായിക്കണമെന്ന്​ അപേക്ഷിക്കുകയും ചെയ്​തു. ഇത്​ പ്രകാരം മനാഫി​​​​െൻറ നിരപരാധിത്വം തെളിയിക്കാനുള്ള ശ്രമങ്ങൾ ആരംഭിച്ചിട്ടുണ്ട്​. ഇന്ത്യൻ എംബസിക്കും വിദേശ കാര്യ മന്ത്രിക്കും പരാതി അയച്ചിട്ടുണ്ട്​. വിസയുടെ സ്രോതസ്സുകളെ കുറിച്ചും ഗൗരവമായ അന്വേഷണം നടക്കുന്നതായും ഷാജി പറഞ്ഞു.