ചികിൽസ തേടുന്ന ഹൃദ്​രോഗികളെ ഇറക്കിവിടരുത്; കാന്‍സര്‍ രോഗികള്‍ക്ക് മികച്ച പരിഗണന നൽകണം

ജിദ്ദ: ചികിൽസ തേടുന്ന ഹൃദ്​രോഗികളെ തിരിച്ചയക്കരുത്​, കാൻസർ രോഗികൾക്ക്​ മികച്ച പരിഗണന നൽകണം തുടങ്ങിയ വ്യവസ ്​ഥകൾ പാലിക്കാൻ ആശുപത്രികൾക്ക്​ നിർദേശം. വിവിധ മേഖലകളിലെ ഓങ്കോളജി യൂണിറ്റുകളെ സ്പെഷ്യലൈസ്ഡ് ആശുപത്രികളിലേക ്ക് ബന്ധിപ്പിക്കും. സ്പെഷ്യലൈസ്ഡ് ആശുപത്രികളില്‍ പഠനങ്ങള്‍ക്കും ഗവേഷണങ്ങള്‍ക്കും സൗകര്യമൊരുക്കും. ഇതിനായി ഗവണ്‍മ​​െൻറ്​ സ്വകാര്യ ആശുപത്രികളില്‍ ഏകീകൃത സംവിധാനമൊരുക്കാനും കൗണ്‍സിലിന് ആരോഗ്യ പദ്ധതിയുണ്ട്. ഇതു സംബന്ധിച്ച്​ ആരോഗ്യ കൗണ്‍സിലി​​​െൻറ പുതിയ തീരുമാനങ്ങള്‍ക്ക്​ സല്‍മാന്‍ രാജാവ് അംഗീകാരം നല്‍കി. ആരോഗ്യ സംരക്ഷണ മേഖല മെച്ചപ്പെടുത്തുകയാണ് ലക്ഷ്യം.

പുതിയ നിബന്ധന അനുസരിച്ച്​ റെഡ് ക്രസൻറ്​ വഴിയെത്തുന്ന ഹൃദ്​രോഗികളെ നിരസിക്കാന്‍ ആശുപത്രികള്‍ക്ക് അനുമതിയില്ല. ആരോഗ്യ രംഗത്തെ സേവനങ്ങള്‍ മികവുറ്റതാക്കാന്‍ വിവിധ പദ്ധതികളാണ് സൗദി ഹെല്‍ത്ത് കൗണ്‍സില്‍ സമര്‍പ്പിച്ചത്. റെഡ് ക്രസൻറുകള്‍ വഴിയെത്തുന്ന ഹൃദ്​രോഗികളെ നിരസിക്കാന്‍ പാടില്ല. അത്തരം കേസുകള്‍ പരിഗണിക്കാനാവും വിധം ആരോഗ്യ സൗകര്യങ്ങള്‍ സജ്ജീകരിച്ചിട്ടുണ്ട്. ഓങ്കോളജി സേവനങ്ങള്‍ മെച്ചപ്പെടുത്തുന്നതിനായി ഹബ്ബ് ആൻറ്​ സ്‌പോക്ക് സഹകരണ പദ്ധതി നടപ്പിലാക്കും. അതിനായി രാജ്യത്തെ സ്പെഷ്യലൈസ്ഡ് ആശുപത്രികള്‍ക്കും മെഡിക്കല്‍ സിറ്റികള്‍ക്കും നിർദേശം നല്‍കിയിട്ടുണ്ട്. സൗദി ഹെല്‍ത്ത് കൗണ്‍സില്‍ ജനറല്‍ സെക്രട്ടറി ഡോ. നഹല്‍ അല്‍ അസ്മിയാണിത്​ വ്യക്​തമാക്കിയത്​.